You are the Only One ( ✔ )

• 1 •

>> Uni <<

လေယာဉ်မယ်ရဲ့ အင်ချွန်းလေဆိပ်ကို ဆိုက်ရောက်တော့မဲ့အကြောင်း ပြောနေတာကအပြင်ကို ငေးကြည့်နေမိပြီး အတွေးလွန်နေတဲ့ သူ့ရဲ့ သတိတွေကို လက်ရှိလောကကို ပြန်ဆွဲခေါ်လာသည်။လေယာဉ်ကွင်းအပြင်ဘက်ရောက်တော့ဆိုးလ်က စိတ်ကျန်းမာရေးဆေးရုံကိုသွားဖို့ ကားငှားတုန်း အနောက်ကနေ လှမ်းရိုက်တာကြောင့် လူကတုန်ခနဲပင်။

'ဆွန်းဟျောင်း...ဟန်ဆွန်းဟျောင်း မင်းက ဘယ်လိုဖြစ်ပြီး'

'မင်းကို လာကြိုတာလေ။ဆေးရုံအုပ်က ပြောထားတယ် တာဝန်ကျ ဆရာဝန်လာမှာမို့ သွားကြိုဖို့ပြောထားတာလေ'

'ကျေးဇူးပဲကွာ မင်း လာမကြိုရင် ငါအထုတ်အပိုးတွေနဲ့ တိုင်ပတ်ဦးမှာ'

'ရပါတယ်။သွားရအောင်လေ'

'ဆွန်းဟျောင်း လွန်ခဲ့တဲ့ 3 နှစ်ကျော်က ငါတို့တွေ စုထောင်ခဲ့တဲ့ Call Center လေးရော အခုထိလည်ပတ်နေတုန်းလား'

'မင်းသွားပြီးကတည်းက ဖျက်သိမ်းလိုက်ပြီ။ငါထပ်ပြီးတော့ အမှားတွေမဖြစ်စေချင်လို့'

'ဘာအမှားတွေကိုလဲ ဆွန်းဟျောင်း'

'မင်း မကြာခင် သိရမှာပါ။'

ဆွန်းဟျောင်းပြောနေတဲ့စကားတွေကို သေချာနားမလည်။ပြောနေတဲ့အကြောင်းအရင်းတွေကဆွန်းဟျောင်းအတွက် ဦးတည်ချက်ရှိနေပေမဲ့ သူ့အတွက်ကတော့ အစပင်ဖော်မရ။ကားမောင်းနေတာမို့ အနှောက်အယှက်မပေးချင်တာမို့
ဘေးနားကနေသာ ငြိမ်ပြီး လိုက်နေမိသည်။

<~><~>

ဆေးရုံရောက်တော့ ဆေးရုံအုပ်ကြီးနဲ့နှုတ်ဆက်ပြီး
ဆေးရုံကို စလာရမဲ့ရက်နဲ့ အချိန်တွေကို တိုင်ပင်တော့ ဆွန်းဟျောင်းနဲ့က တစ်ချိန်စီပင်။အဆင်ပြေသည်လား မပြေသည်လားတော့မဆိုတတ်။အကုန်လုံးလည်း ပြီးသွားပြီမို့ ဆေးရုံအုပ်ကိုနှုတ်ဆက်ပြီး ဆွန်းဟျောင်းနားနေခန်းကိုရှာပြီးသာလိုက်သွားမိသည်။

'ဆွန်းဟျောင်း ဘာဖြစ်လို့ ငါ့ကို ချက်ချင်းအမြင်မကြည်ဖြစ်သွားရတာလဲ'

'တကယ်မသိတာလား ဆော့ဂျင်...မင်း ဆိုးလ်ကို ပြန်ရောက်တာတောင် အခုနက Call Center ကိစ္စပြောတဲ့အထိတောင် မင်း တကယ်မသိသေးဘူးလား'