ကိုစိုင်းပြောလိုက်တဲ့စကားကြောင့် ကျနော်မှာ စိတ်လှုပ်ရှားလွန်းလို့ အိပ်တောင်မပျော်ခဲ့ဘူး။
"ကြွေရုပ် ကိုယ်တို့ လက်ထပ်ကြရအောင်" ပြောတော့ ကျနော်မှာ ခဏတာ ငြိမ်သက်သွားခဲ့တယ်။ ဒီလိုမျိုးပြောလာခဲ့လိမ့်မယ်လို့ မထင်ထားခဲ့ဘူး။ ဘာပဲဖြစ်ဖြစ် ဒီလိုပြောတော့ အရမ်းပျော်မိတယ်။
ဒေါက်!ဒေါက်!ဒေါက်!
မနက်အစောကြီးပဲရှိသေးတယ်။ ဘယ်သူလာတာလဲမသိဘူး။ ဒီနေ့အိမ်ကိုလာမယ့် ဧည့်သည် လဲမရှိပါဘူး။ပစ္စည်းလာပို့တာလား မှာထားတာလဲမရှိပဲနဲ့။ သူခိုးလား သူခိုးကတံခါးလာခေါက်
မလား။ဒေါ်ကျင်ကလည်း ဘုရားရှိခိုးနေတာ ငါပဲသွားဖွင့်လိုက်ရမလား။
အနီးနားက တံမြက်စည်းကိုကိုင်ပြီး တံခါးဆီ ခြေသံမကြားရအောင် ဖွဖွလေးလျှောက်သွားလိုက်တယ်။ တံခါးနားရောက်တာနဲ့ တံခါး
လက်ကိုင်ကိုဖွင့်လျက် မျက်နှာကိုမှတ်ပြီး
တံမြတ်စည်းရိုးနဲ့ ရိုက်ချလိုက်တယ်။
"အ့"
အသံကြားလို့ မျက်လုံးဖွင့်ကြည့်လိုက်တော့ တံခါးရှေ့မှာဒူးထောက်ပြီး လက်စွပ်ဘူး
ကိုင်ထားတဲ့ကိုစိုင်း...
"ဘာတွေဖြစ်နေကြတာလဲ"
အခန်းထဲမှာ ရေချိုးနေရင်း အပြင်ကအသံကြားလို့ ထွက်ကြည့်တော့ အိမ်တံခါးဖွင့်ပြီး မတ်တပ်ရပ်နေတဲ့သားကို တွေ့လိုက်ရတယ်။ သားရဲ့အနားကိုသွားလိုက်တော့ ဒူးထောက်နေတဲ့ သားစိုင်းကိုမြင်လိုက်ရတယ်။
"သားစိုင်း အဲ့မှာဘာလုပ်နေတာလဲ ထ..ထ အိမ်ထဲ
ဝင်"
ကိုစိုင်းကို အိမ်ထဲခေါ်ပြီး ကိုစိုင်းအတွက် ရေသွားယူလိုက်တယ်။ ရှက်လိုက်တာနော်
ဒီလိုပုံစံကို ပါးပါးမြင်သွားရတယ်လို့။
ကြွေရုပ်တစ်ယောက် ရှက်ရှက်နဲ့မီးဖိုချောင်ထဲကနေ ရေယူလာရင်း ဧည့်ခန်းထဲ ဝင်လာခဲ့သည်။ကိုစိုင်းနဲ့ ပါးပါးကတော့ ဧည့်ခန်းမှာထိုင်
ပြီး စကားကောင်းနေကြတယ်။
"သားစိုင်းရယ် မနက်အစောကြီး လာရတယ်လို့
အန်ကယ့်မှာ သားတို့နှစ်ယောက် ရန်ဖြစ်ထားကြ
တယ်ထင်နေတာ လက်စသတ်တော့
ဘယ်ဟုတ်မလဲ..."
YOU ARE READING
'ဝဲ'
Romanceအဝါရောင်ကျူးလစ်ပန်းလေးရဲ့ အဓိပ္ပာယ်က Hopeless loveတဲ့💛 အဝါေရာင္က်ဴးလစ္ပန္းေလးရဲ႕ အဓိပၸာယ္က Hopeless loveတဲ့💛
