හම්මෝහ්....පපුව මෙච්චරම හයියෙන් ගැහෙන්නේ ඇයිද මන්දා.... මං පපුවට අතක් තියාගෙන කල්පනා කරා. මං මේ හැඟීම දන්නෙම නෑ. එයා ලඟ විතරමයි හැබැයි දැනුනේ. මං වතුර බෝතලේ ඇරලා බීගෙන බීගෙන ගිහින් පුටුවට වැටුනා.
"බිනූ....මොනාද කල්පනා කරන්නේ ඔච්චර ආ..." ඩියෝන් ඇවිත් මගේ ඉස්සරහ තිබ්බ පුටුවෙන් ඉඳගත්තා. අද වෝඩ් එකේ ඒ තරම් කට්ටියක් නෑ. ඇක්සිඩන්ට් එකේ ඉතුරු වෙච්ච අය විතරයි. "ඉවරද ඔයාගේ වැඩ දැන්වත්?" ඩියෝන් තොලත් නොපිට පෙරලගෙන ඇහුවේ හැමදාම වැඩ වැඩ කිය කිය පරක්කු වෙන්නේ මං නිසා.
"ඉවරයි. මං අද ඔන් කෝල් හැබැයි." මං මේසේ උඩ තිබ්බ ෆයිල් ටික පිලිවෙලක් කරන ගමන් කිව්වා.
"අනේ මගුල....යමන් නිදාගන්න." ඩියෝන් බාගෙට නැගිටගෙන කිව්වා.
"හා. මං චිරාත් අයියට කියලා එන්නම්." මං නැගිටලා එද්දි ඩියෝනුත් මගේ පස්සෙන් ආවා. මූටත් ඉතින් ඉන්න තැනක ඒ කොල්ලව අවුස්සනවා තරන් සතුටක් තව්ත් නෑ.
"අයියේ මං යනෝ." මං චිරාත් අයියට කිව්වා. බල බල හිටපු ෆයිල් එකෙන් ඔලුව උස්සපු චිරාත් අයියා ඔලුව වැනුවා. මං ඩියෝන් එක්ක එයාව පහු කරගෙන යනකොට ඩියෝන් අත දික් කරලා අයියව කොනිත්තනවා දැක්කා මං. අම්මපා බැනුමක් අහගන්න බැරිවුනොත් මෙයාට කෑවේ නෑ වගේ.
"ආව් යකෝ. ඩියෝන්...මං බලාගන්නම් තවුසේ ගැන" චිරාත් අයියා ඩියෝන්ට ගහන්න පනිනකොට ඩියෝන් අඩියට දෙකට පැනගත්තා.
........................................................................................
"මොකෝ බං උඹ මේ ටිකේ හෙන කල්පනාවක?" වොශ් එකක් දාගෙන ඇවිත් ඇඳේ පෙරලිලා හිටපු මාව තුරුල් කරගන්න ගමන් ඩියෝන් ඇහුවා.
"ම්හු ම්හු....එහෙම නෑ..." මං එහෙමෙහෙ වෙලා එයාට තුරුල් වුනා.
"අන්න අන්න....කොල්ලා ඉතින් මටත් බොරුව දානවනේ...."
"නෑ බං....අමුතු දේවල් ටිකක් හිතෙනවා. මොනාද කියලා තෝරගන්න බෑ" මං ඩියෝන්ගේ ටී ශර්ට් එකේ නහය අතුල්ලන ගමන් කිව්වා.
"මොනාද දැන් ඔච්චර හිතෙන්නේ?"
"එහෙම කියන්න තේරෙන්නේ නෑ. කවදාවත් හිතිලත් නෑ. හරි පුරුදුයි වගේ. "
YOU ARE READING
Drizzle
General Fictionරළු දෙඅත'තර ගැවසෙමී නුඹෙ ආලේ තරමත් දන්නෙමී මුදු වදන් දෙන්නෙමී නුඹ අහිංසක බව දන්නෙමී _කොල පාට ඇස්_ තුරුල්ලේ සඟවමී නුඹව කාටත් නොමදෙමී රැකගමී තුටු කරනෙමී නුඹ මගෙම බව සපථ කරනෙමී _රත්තරන් ඇ...
