Unforgivable [completed]

Part 18

လက်ထဲကဘီယာဘူးကို လှုပ်ခတ်နေရင်း
ရှောင်းကျန့် စိတ်ထဲအကြံတစ်ခုပေါ်လာတယ်
ဝမ်ရိပေါ်ရဲ့ နောက်ဆုံးအဖက်လုပ်ပေးတဲ့နေ့မှာ ဝမ်ရိပေါ်ကို နိုင်စားကြည့်ရမလားဆိုပြီးတော့ပေါ့
အတိတ်မှာရော လက်ရှိမှာပါ တစ်လျှောက်လုံး ဝမ်ရိပေါ်ကပဲ သူ့ကို  နာကျင်စေခဲ့တာ
သူ့ဘက်က တုန့်ပြန်တာမျိုးမလုပ်ခဲ့
ဒီနေ့မှာတော့ ဝမ်ရိပေါ်ကို အသေးစားလက်စားချေတာမျိုးလေး လုပ်ချင်သည်
ဒါကြောင့် သူ့ဆီက အကြည့်မလွှဲတဲ့ ဝမ်ရိပေါ်ရဲ့မျက်လုံးတွေကို
သူက စူးစိုက်ကြည့်ပေးလိုက်သည်

"ဝမ်ရိပေါ် ငါ ဝိုင်သောက်ချင်တယ် "

ဝမ်ရိပေါ်ဆီမှ အကြည့်မလွှဲဘဲ
ပြောလိုက်သည်
တစ်ဝိုင်းထဲထိုင်နေတဲ့ အခြားသူငယ်ချင်းတွေကတော့ သူတို့နှစ်ယောက်ရဲ့ ဆက်ဆံရေးတွေကို သိထားသူတွေကြည့်မလို့
သူ့စကားကို အရေးတယူတော့မရှိကြ
ဝမ်ရိပေါ်ကတော့ ပြုံးဖြီးနေတဲ့မျက်နှာကြီးနဲ့

"ကိုယ်ယူပေးမယ် "
ဆိုပြီး ထသွားလေရဲ့
ရှောင်းကျန့် နှုတ်ခမ်းတွန်ရုံပြုံးလိုက်ပြီး
ဘေးက သူငယ်ချင်းဖြစ်သူနဲ့ စကား ဖောင်ဖွဲ့လိုက်တော့တယ်
သူငယ်ချင်းတွေဆုံဖို့က မလွယ်တာမို့
စကားမပြောဘဲ ခပ်တန်းတန်းနေလို့ မဖြစ်ပေ

သူငယ်ချင်းရဲ့ လက်ရှိစီးပွားရေး
ကျန်းမာရေး တွေမေးတော့
​ပြန်မေးလာတာက သူနဲ့ဝမ်ရိပေါ်ရဲ့ အိမ်ထောင်ရေးအကြောင်းသာ
ရှောင်းကျန့်ကတော့ လုပ်ပြုံးလေးနဲ့ အိမ်ထောင်ရေး အဆင်ပြေကြောင်း
ဖြေပေးခဲ့ပါတယ်
အမှန် မဟုတ်ပေမယ့်လည်းပေါ့

"ဝမ်ရိပေါ်ရဲ့ ကောလဟာလ သတင်းတွေ
အရမ်းတက်လာတယ်နော် "
တဲ့ ရှောင်းကျန့်မှာ ဘယ်လိုဖြေရမလဲမသိ
သူငယ်ချင်းက သဘောပေါက်သွား ပုံရပြီး
"အမှန်မဟုတ်တာ သိလည်း ကြာတော့ မင်းတို့ အိမ်ထောင်ရေးအတွက် မကောင်းဘူး
စေတနာနဲ့ အကြံပေးတာပါကွာ "ဆိုပြီး လျှောချသွားတယ်

ရှောင်းကျန့်မှာ မပီပြင်တဲ့ အပြုံးတွေနဲ့ ခေါင်းညိတ်နားထောင်နေရချိန်
ဝိုင်ခွက်ဆွဲလာတဲ့ ဝမ်ရိပေါ်က
ရောက်လာလေရဲ့