كاعدين نتغده كلنه ع طاولة اني وبصفي الفضل وكبالي كاعدين راكان وساره وخاله ام راكان بصفنه بس عمو حارث كان طالعين سفره للبر هو واصدقاءه ساره تحجي وياي بهمس علمود لايسمعون اخوانها
ساره : ولج عوبة كلتي اله ع طلبيه خاف يتصل المندوب وهو طالع
سلسبيل : جاوبتها بهمس ذيج المره طلبنه واني كتله انتي هسه احجي لا يذلني من يجيب الطلبيه ويريد فلوسواستمرينه اني وساره نهمس لحد ما صاح بينه الفضل
: مو جاي ناكل لو تحجون بصوت عالي وتسمعونه لو تبطلون همس هيج
راكان : اوي عيني شكد كيوت نزعجت
الفضل : بطل سوالفك هاي مال الجهال شكبرك تصير بعد
راكان : احجي حورية كولي شتريد منج اختي العوبه ام الروبه طبعا راكان الوحيد الي يكلي حوريه من يوم الي تزوجت ماعرف ليش يكول يعجبني باوعت للفضل وكلت.....
سلسبيل :ااا شسمه هاي اني وساره موصين طلبيه ملابس من اربيل والعصر توصل كبل باوع عليه الفضل وكال...
الفضل: رقم منو نطيتي رقمج؟؟
سلسبيل : لا ابد شسمه نطيت رقم راكان
كال راكان : اللعب انتو طلبو وتعال يا راكان جيب طلبيه شوفو شكد طيب اني وحباب بس من هسه اريد أجره راح اروح واتعب وامشي مااقبل اقل من ورقتين
سلسبيل : عزه بعينك هي الطلبيه كلها ماكلفت ورقتين شنو هاي نوب الاجره اكبر من الطلبيه؟؟ التفت ع الفضل وكتله...
: فضل حاجي شنو هاي يريد ورقتين وهي ملابس الي ولساره كلها كلفت ١٠٠ جاوب وهو مدنك ع صحن ياكل
: مادخلني ليش مانطيتي رقمي مو انتي شديتي ضهرج براكان وعلاقتج بي قويه خلي يفيدج مادخلني اني
سلسبيل : ادري بيك ماتحب اطلب من النت ودوم تكلي لا توصين ويغشونج وكله كذب ودائما مشغول بالمحل لهيج اعتمد ع راكان هو يستلم دائما وياخذ أجره مني يخليني اغسل ملابسه لو اسويله حلويات
الفضل : اي بعد علاقتكم قويه كلش
سكتت عنه وضجت تعودت كلما
اسوي شي وي راكان يكلي علاقتج بي قويه هسه شمسوين قابل حجه راكان...
: حورية عيني ممكن الملح من يمج جاوبة الفضل
: تره يمك ملح عوفها تاكل
ساره : حلقت حلقت جبهتك الحقها
راكان : معليج انتي رديت علي لا عيني اريد الي يم حوريه يعجبني ماشوف اله الفضل اخذ الملح ونطه لراكان
: هاك هاذ ملح بس اسكت اذيتنا خل ناكل صار هدوء ماينسمع بس صوت الاكل خلصو اكل وكامو ضلينا اني وساره نشيل المواعين وديتهم ع كاونتر ومسحت الطاوله ساره كالت
: اكلج راح اروح للحمام عزلي المواعين من اجي نغسلهن راحت ضليت بالمطبخ اعزلهن
اجه الفضل باوع عليه
: شنو عود زعلانه سلسالي
مارديت علي كملت تعزيل
رد كال : اهوو هسه هاي اذا قفلت وطلع جبار الي بداخلها تسد بعد محد يكدر يتعامل وياها رجع كال
; بلا زحمه جبار تكدر تسويلنه جاي هم مارديت واكفه ع كاونتر اجه تقرب عليه حسيت بي دفن راسه بركبتي وشمها وكال
: اخ ولك جبار شلون بيك عض ركبتي جسمي انتفض
_ اخخ شدسوي ترا اذيتني كلت هيج واني لازمه رگبتي مكان العضه
عافني راح وهو جاي يطلع كال....:اني راح اجيب طلبيتج واذا طلبتي بعد شي نطيهم رقمي حتلو بالمحل عادي المحل وصاحبة واغراضه اجو ايدج سلسالي انتي....
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....