يا بدايات المحبه...
نبلش وياكم بقصه جديده واحداث جديده
انشالله تعجبكم...
By @koka90op
—————————————-
الموقع تركيا
.
.
سلسبيل ؛؛ اليوم هوه اخر يوم أقضي بتركيا راح ارجع لحياتي السابقه ارجع لاهلي وناسي ولصديقاتي بس هاي المره راجعه واني محققه احلامي وشايله شهادتي وطموحاتي وياي ...
لملمت ملابسي و أغراضي وعديت العده للرحيل
اباوع لمكاني وفراشي للشقه الي عايشه بيه من خمس سنوات الصداقات الي اكتسبتها هنا بتركيا
طلعاتنه سفراتنه ونساتنه سوه كولشي حيخلص وراح ارجع لحياتي القديمة وينتضرني مستقبل مجهول
(قبل سنتين)
ام سلسبيل ؛؛ مايصير هيج ياعيني مايصير تقرر مصير بنتك بكيفك ومدامنه هنا بتركيا يمهه صارحهه بهل شي وكوله ع طلب صديقك ليش بعدين تنصدم وتخليه كدام الامر الواقع
_ جنت نازله من الدرج وسمعت ماما تحجي هل حجي وي بابا استدرجني الموضوع مالكيت نفسي الا ان واكفه قريب منهم واسمع بدون مايشوفوني
ابو سلسبيل ؛؛ طبعا اني راح اكوله بس موهسه بعد وقت خليه هسه ملتهيه بدراسته بعد سنتين خل تخلصهن ع خير واني اكعد وياهه من ترجع وافهمها الموضوع كله واني متاكد بنتي ماراح ترفضلي طلب مثل مااني بحياتي مارفضتله طلب خليته تعيش الحياه الي هي رادته والتخصص الي رادته بلدوله الي اختارته وماعترضت
ام سلسبيل ؛؛ بس هل شي مو دراسه او سفره او طلب بسيط هاذه زواج يعني من حقه تقرر وتختار الشخص الي يناسبه اترجاك لاتهضم البنيه هي بس هل وحده عدنه لاتخلينه نخسرهه بهيج قرار عن مصلحه
ابو سلسبيل ؛؛ يابنت الناس يامصلحه انتي عبالج اني موافق علمود مصالحي لاطبعا اني عندي بنتي بلكون كله واني لو ماواثق بصديق عمري ومتاكد من تربيته لابنه ومن السعاده الراح يقدمه لبنتي جان ماموافق
بعدين هاذه حارث صديق عمري ترديني ارفضله هيج طلب حارث الي لوموهوه جان اني الله يعلم شلون حياتي لج حارث بزمن الحرب من تصوبت بقه ٢١ يوم لازم باب المستشفى ينتضرني اكوم من لاطباء كلهم عجزو مني وكالو مابي امل يعيش هوه جان الوحيد الي متاكد اني اعيش تبرعلي بنص دمه تمرض وي مرضي حارث الي اخوي من دمي ولحمي باك ورث امنه وسافر بي للخارج وخلاني بعازه الفلس واني ع ابواب زواج هوه شغلني يم ابوه وانطاني اسم ومكانه بلسوك وهسه اني من اكبر التجار المعروفين بسوك الذهب من وراه لوما ابو الفضل جان محد يعرف ذهب السلسبيل ولايعرفون سلسله محلاتي وتجارتي كله ترديني كل هاذه ارفضله طلب بسيط مثل هاذ اني انطي روحي مو بس بنتي
تعرفين شنو ان تناسبين ابو الفضل بلسوك يعني الماي يمشي من جوه رجليج يعني العالم تبوس ايدج وتخليه ع راسه احنه مجرد مااعلنه نسابتنه وخطوبه اولادنه واني من اكبر التجار اجو بس حته يدخلون شراكه وياي لعد شيصير اذا ازوجو
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
