صباح الخير
بارت جديد
#سلسال_الفضل
للكاتبه @koka90op
.........................................................
- داري أشيائك الحلوة ، وخبيها ♥️.
.....................................................
سلسبيل
مادري شكد نمت وفزيت بردانه كلش باوعت لمكان فضل ماموجود رفعت راسي شفت خيال صحت
_ فضل هاذه انته
ندار عليه لابس اسود باسود وجهه مامبين خله المسدس ع راسي........
صحت باعلى صوتي :: فضل وينك فضل فضللللللل
فزيت من النوم ع الفضل وهوه يحاول يكعدني ومصدوم
::- فضل هاذه انته لزمت وجهه باثنين ايديه وبجيت
رفع ايده وخله راسي ع صدره متوجع من خوفي حضنته قوي كال اخخخ وخرت عنه بسرعه
::- اسفه والله اسفه الله ياخذني وجعتك موو
::- اششش لاتكولين الله ياخذني شو باوعيلي
مسح دموعي بايد وحدهه لان لثانيه مايكدر يحركها وكال
::- ليش هل دموع شنو صار
::- حجيت واني ابجي ... حلمت حلم محلو ماريد اذكره ماريد احجي لحمدلله حلم
::- لحمدلله يلا خلص انسي شوفي اني يمج وزين يلا بطلي بجي اذا تبقين تبجين مااصير زين
::- مسحت دموعي .. لا خلص بعد ماابجي
نتبهت ع روحي بعدني ع لجربايه وبحضنه بسرعه كمت رحت غسلت وخابرت راكان حته يجي طلعت شفت لممرضه يمه جاي تغيرله المغذي وتضحك وهوه مبتسم اله رحت يمهم سمعته تكوله اذا ماتكدر تاكل اكدر اساعدك وتتموع يمه وهوه مبتسم راد يحجي بسرعه اني كلت
::- لا عمري ميحتاج اني مرته موجوده واكدر اوكله بايدي
باوعت علي يباوعلي وحاصر الضحكه اخذت الريوك منه وكعدت يمه ع الكرسي وهي طلعت فتحت السفريه جان شوربه وصمون وكاسه ماي حجيت واني مدنكه ع اكل
::- تريد بلصمونه لو بلخاشوكه
::- وانتي متاكلين
::- لا ايع حشه النعمه يلعب النفس اكل لمستشفى بعدين هاذ وصخ اكيد منو يكول لطابخه نضيف يجوز مطبخ لمستشفه كله امراض
::- ههههههه تذكرين من كتلج تلكين كم مرض بلاكل فلاونزه ع كانسر هسه انتي حته اني لعبتي نفسي منه شلون اكل
::- لاانته لازم تاكله وراك علاج حته تاخذهه ونطلع للبيت
كلت هيح ورفعتله لخاشوكه وبده ياكل وعينه مركزه عليه حته توترت خلص اكل طلعت ذبيت لباقي بلحاويه وغسلت ايديه ورجعت شفت راكان يمه يسولف
راكان ::استاذ فضل لومنك اني يوميه اصوب واعيش هنا شنو هاي الممرضات صاروخ صاروخ
سلسبيل::- احم
::- هلاو لولي ولج طلعي رجلج منا لاياخذنه هل صواريخ طلعو ونوموني بداله
الفضل ؛؛ انجب واسكت
راكان ؛؛ اي عمي متقبل تريد بس الك منو هاي الصاروخ لجانت يمك من اجيت
سلسبيل:: باوعت متفاجاه شنو بس لارجعت بسرعه لفضل باوعلي بمعنى لا وكال
::- انجب راكان لاتجذب مالي خلكك
::- عمي لامجذب ولاشي نوب تخبل تخبل ماانطتك رقم شي وغمزله
سلسبيل:: سويت روحي مامهتمه واني بداخلي نار بودي اكطعهم ثنينهم رحت بسرعه لميت غراضنه وشغلات الفضل وكلت لراكان يلا نطلع
::- هههه احسن شي تسوينه ترا ينباك رجلج ماتحصلينه
::- فضل بهمس.... راكااان اسكت ماتشوفهه معصبه لاتحطنه وتخنگنه بلمغذي
::- سكتت سكتت
رجعنه للبيت الفضل خلو بغرفه جوه مايكدر يصعد فوك جان متوجع هواي خصه من خاصرته كبل نام واني صعدت حته اسبح سبحه مال اسبوع ع وصخ وتلوث المستشفى واني بلحمام باوعت ع سلسال الابسته تلمسته بايدي تذكرت من اول مارحنه للمستشفى اول ماسمعنه بلخبر وانطونه غراض الفضل اول مااجت عيني ع سلسال تذكرت اول مره شفته بلمطار جان لابسه هل سلسال الفضي الي ماينزعه ابد كبل اخذته ولبسته وبقه برگبتي
فجأه اجتلي لحظه ادراك دقيقه اني شخبصت البارحه
اني اعترفت!!!!!
ذكرت الشي لصار بيناتنه واعترافي بوسط دموعي وهدوئه وتقبله للموقف حضناته الي واصراره انام يمه
دقيقه هاي اني شلون هيج متقبله لموضوع واني بنفسي كتله لاتلمسني ابدا لضاهر الموقف الصار ضرب ع عقلي فززني من صفنتي صوت فوني رساله من الفضل
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
