مساء الخير
بارت جديد.....🦋
#سلسال_الفضل
للكاتبه @koka90op
لاتنسون التصويت...
..................................................
سلسبيل
كعدت من النوم جسمي متشنج رفعت ايديه تمغطت لمحت مكان الفضل ع قنفه مرتب البطانيه مالته وفوكه المخده طالع للمحل ذكرت الشي السخيف السواه البارحه يم اهلي
::- دفعته... انته شدسوي ماصدكك ومجاي افهمك رغم كولشي منو سمحلك تجي تبوسني منو سمحلك تلمسني اساسا
::- سلسال اني...
::- فضل اخر مره اخره مره اسمحلك تلمسني بيه بعد كل الاتهامات وقله الثقه وكولشي جاي تكولي هاذ الكلام ماصدك فضل
تقدمت علي وحجيت " صدكني راح اكون اسوء اختياراتك والايام الجايه تثبتلك"
بقه جامد يباوع بعيوني اجت ماما ع صوتنه وحجت علينه
ام سلسبيل ؛؛ ماما لاتضوجيني وتضوجين ابوج اذا سمع مهما تكون المشكله حلوهه بيناتكم ماتستاهل كل هاذه بعدين الفضل اجه برجلينه الج يلا رجعي
_ ارجع ماما ارجع اساسا اني اريد ارجع حته اخلي يتندم لان اجه
_ الله يصلحكم لاتكولين هيج ماما
اذا عباله هيج راح يمتص غضبي منه او راح ياثر عليه يكون هواي غلطان بعد الشي الصار مر ٣ ايام ماحجينه ولاكلمه سوه واحد متجاهل الثاني اجذب اذا اكول نسيت الصار كلماته لسه ترن باذني ملمس شاربه الخفيف الينغز بشفايفي لسه احس بي بس ماريد افكر هيج ماريد اضعف لناويه علي شي مختلف
قاطعت صفنتي صوت بيبيتهم
::- انتي الچنه
::- بيبي اسمي سلسبيل
::- شو تردين بوجهي
::- استغفر الله... بيبي مارديت شنو تردين كوليلي
::- الله لايعوزني الج هاي تاليتني احتاج ابن بواكه الزلم ومرته سويره وينج سويره
عجزت افهم بيبيتهم ماعرف ليش ماتحبني هي نفس الفضل بلضبط مايحبون احد وبس يخزرون ومعاجبهم شي
::- بيبي ساره ماموجوده كوليلي شنو تردين اجيبه الج
::- اني مو بيبيتج ولابيبيه رجلج لاتحاجيني ميلي عني يلا روحي لرجلج ديربالج لاوحده تبوكه منج مثل ماامه باكت ابني
فتحت عيني ع وسعهن هاي شتحجي ردت اردهه دخل الفضل ولضاهر سمعها واجت خالتي ام راكان وكف يمي وكال
_ شبيكم وي مرتي
ام راكان :: هاا حبيبتي جنت اصلي شكو
سلسبيل:: ماكو شي خاله اذا كملتي خل نصب غده
سعديه:: لااكو لاتجذبين هاي جنتج ترد بوجهي وماتحترمني
الفضل :: مرتي ماترد بوجهه احد الا اذا ضايقهه وياريت محد يحجي وياهه كلام زايد مره ثانيه ولمايعجبه خلي يلزم لباب هي لباقيه وانتو الطالعين
حجه هيج وباوع لبيبيته واني ضليت فاكه عيوني منصدمه واخذني من ايدي وصعدنه للغرفه وبقت بيبيته ورانه تحجي وتدعي وتصيح عليه
::- فضل شلون تحجي هيج وياهه
جان يطلع ملابسه من الكنتور حته يسبح كال
_ معليج
_ شنو معليه عيب تحجي وياهه هيج تبقه مره جبيره وماتعرف شتحجي
_ حجه بعصبيه وتقدم عليه ... تعرف تعرف سلسال تعرف
عيونه صارن حمر ودمعن اخذ ملابسه وراح للحمام
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
