مساءً الخير
#سلسال_الفضل
للكاتبة @koka90op
لاتنسون التصويت والتعليقات بين الفقرات 🤍
أحبكم #فــراشــاتـي 🦋
...................................................................
"لا يُمكنني
أنْ أجعلكِ سرًا
فأنتِ تفيضين من ذاكرتي،
من قلبي،
ومن قصائدي".
...............................................................
سلسبيل
مر وقت ع خطبة ساره اسبوع او عشر ايام او شهر ماكمت احسب الايام ماعرف الليل من نهار صارت حياتي كلها مطفية صرت اكره روحي اكره الغرفه الي اعيش بيها شكد ماجانت مصدر امان وراحه الي من اخر مره تقرب بيها الفضل كرهت كلشي كلما اذكر لمساته الي احقد علي وعلى نفسي لان سمحتله يتقرب ماعرف شنو السبب عانيت هواي
بهاي الفتره بليل اشوف كوابيس تذكرني بالخطف ونائل مرات احس حركه داخلي اتخيل طفلي بعده موجود اكعد نص ليل اسولف ويا وابجي بهاي الفتره فضل مرات يحجي وياي ومرات يطلع ويتركني يحاول يتقرب بس ماسمحتله كلهم بالبيت حاولو يطلعوني حاولو يصلحون علاقتي بفضل بس محد عاش حياتي ولا شافو الي شفته عبالهم شي بسيط بليل اتخيل شغلات تخوف اسمع اصوات
اروح اطلع قميصه احضنه وانام بس من يجي فضل مااشتهي اشوفه عشت بصراعات اشتاق لعطره بس ماريده
راجعت دكتوره نفسيه والتزمت بجلسات الدكتوره كلش فادتني تهدء مني شوي احس جاي اتحسن عليها دائما تنصحني انو حياتي وسعادتي احسن من كلشي
الكوابيس ماتركتني ولا لحضه كلما انام احس شخص يخنكني لو يفتح بطني وياخذ طفلي احس روحي تخبلت ماكدر اكمل هيج حياه اريد ابتعد عن كلشي اريد اعيش لنفسي تعبت اعيش لغيري تزوجت لان بابا يريد
صح حبيت فضل ولهسه احبه بس حبه صعب احسه تخلى عني وعافني باكثر وقت جنت رايدته ماراح اكدر انسى الي شفته ماكدر انسى شلون اتهمني وماصدكني وقرر يبتعد لان دكتوره كلتله متعرضه لاغتصاب مافكر بمشاعري مافكر بطفلنا الي خسرنا مثل ماهوه فكر بنفسه اني قررت افكر واعيش لنفسي
كعدت الصبح فضل ماموجود يمي حسيت نفسي تعبانه واريد ابجي كلما احتاجه هوه ماموجود اريدهه ومااريدهه مااكدر اوصف الشي الجاي احس بي وجوده يخنكني خابرت ماما
:: ماما اني تعبانه تعاي اخذيني يمج
:: يعمري ماماتي شصاير
:: ماما تعاي حبابه مخنوكه واعصابي تلفانه
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
