سلسال الفضل

بارت 19🦋⛓

مساء الخير

#سلسال_ الفضل
بارت جديد
لاتنسون التصويت
للكاتبه @koka90op

..............................................................

أن يكونَ لكَ شخصٌ يراكَ وكأنك الخيرُ في هذهِ الأرض، شعورٌ لا يُمكنك أن تضعهُ في كلماتٍ مُناسبة .
..............................................................

الفضل
فزيت ع صوت الموبايل يدك كتمته قبل لاتكعد سلسال باوعت للساعه ب٧ ليث يتصل رديت ..
:: الوو
:: فضل نائل عرف جاي نلحگه ويمكن راح يشرد
:: شلون عرف
:: اخوك وين؟؟
طفرت لغرفه راكان شفته نايم
::- موجود نايم
:: لحمدلله
:: فهمني شصاير
:: خل اتاكد من شغله واخابرك

الفضل:: تذكرت قبل يومين من تاخرت بليل
" قبل يومين"
ليث:: وين رايح وياي تعرف خطوره الشغله ذوله عصابات
الفضل:: شراح اسوي قابل بس اريد اتاكد من نائل
:: اني عود اخابرك واكلك
:: لا اريد اشوف بعيوني هاذه الكلب دمر اخوي وزواجي وكلشي اريد انتقم منه بنفسي
:: فضل تبقه وياي خطوه بخطوه اخذلك حقك منه بلقانون بس توعدني ماتصرف وحدك
:: عمي مانصرف بس اخذني وياك
:: زين راح نتاخر شلون اهلك خاف يشكون
:: لا راح اكول للوالد واصله بضاعه ولازم استلمه واتاخر
:: يلا ماشي سلاحك وياك؟
:: لا بلمحل
طلع سلاح من صندوق السياره وانطانياه
::- هاذ مرخص باسمي
:: اي تمام
طلعنه وقتها جانت الساعه (١١ م ) رحنه لمكان راقي مثل البيت واكفين يمه حرس بقينه ننتضر بلسياره ناس تدخل ناس تطلع تقريبا بلساعتين احنه ننتضر لحد مااجه شخص ع دراجه وكف كبالنه نزل وراح دخل
:: عرفته؟
:: منو
:: نفس الشخص الصوبك  هوه هلايام جاي يجيبلي معلومات بس هم مااثق بي يبيعنه بسرعه هاي اذا ماطلع بايعنه ويشتغل ع صوبين
:: هاذه نائل الكلب
باوعنه نزل من السياره اخر كشخه راح يمشي بدون لايوكف رفع ايده للحارس ودخل
:: مبين عميل  مستمر هنا
:: شلون راح ندخل
:: وين ندخل يمعود اني ضابط وانته نائل يعرفك
:: لعد شعدنه هنا
:: انتضر وهاا موبايلك غلقه
:: ليش
:: غلقه ومعليك
:: ماشي نشوف اخرته
مر ساعتين ثانيه واحنه ننتضر وماعرف ليث شنو اباله شويه وكال خل نبتعد بلسياره حته ننزل نراقب صدك حرك السياره وابتعدنه وكفنه بمكان مايشوفونه نزلنه منه نراقب مر كم دقيقه خابر انطه امر شويه وصارت عاصفه مال سيارات شرطه ودوريات وناس تركض وصريخ بنات وناس ساحلينهم واني ادور ع نائل بيناتهم ماكو فص وذاب ركبنه بلسياره گبل للمركز لزموهم دك تحقيق وهيج كلهم متعاطين ع تجار بس اني ماهمني غير نائل ماموجود
ليث:: راح اتخبل ماموجود نائل
:: كتلك لازم ندخل جان احنه سحلناه من ياخته
:: مايصير ننعرف هناك لااني ولاانته
:: والحل وين اختفه هاذه العار ووووين
:: اهدى فضل اكيد اكو باب خلفي يشردون منه او اجالهم امر المداهمه وشردو
:: هاذه صاحبكم يدري بلمداهمه
:: لا بس ذوله عدهم ايد بكل مكان مو اكلك ماندخل
تاخر الوقت هسه ارجع للبيت واني احقق وياهم واخابرك باجر اذا اكو شي جديد يلا ارجع وصيت سيارتك جابوهه تلكاهه بلباب
:: تسلم ليث ماانسهه مواقفك وياي
:: اخ عزيز انته هاي شنو هاجت عليك مشاعر تالي الليل
:: هههههه الله يطيح حضك
ودعته ورحت لكيت سيارتي جوه حركت وشغلت جكارتي وافتر بلشوارع شبه فارغه وافكر بلجاي يصيرلي هل فتره
سوالف راكان الماعرف شبي هل ولد وله نائل الطلعلي صفح عبالك كاتل ابوه لو من سلسالي بلوه گلبي ادري بيه فاهمتني خطا ومجاي الكه حته وقت اراضيها بي اركض منا ومنا ماريد شي بس اوصل للبيت وادفن روحي برگبتها وانام
ذكرت موبايلي جان مغلق فتحته اجت مكالمات فائته منه ورساله كلش فرحت لان مفكره بيه رحت ع رساله كاتبه (فضل وينك گلبي يوجعني تعال)
قريته وطرت للبيت بس اريد اوصل واحظنهه واكله اني موجود دخلت للبيت ركض للغرفه جانت نايمه بس الرساله قبل ساعه معناهه جانت منتضرتني تلمست شعرها الاحبه وخدوده حسيته كعدت ضلت تتحرك
:: اني هنا سلسالي اجيت
ماجاوبت رجعت نامت واني اخذته بحظني ونمت...