صباح الخير
#سلسال_الفضل
للكاتبه @koka90op
لاتنسون التصويت والتعليقات بين الفقرات
# فــراشــاتـي 🦋
...................................................................
أنا شخصيًا
أريد أن أستريحْ..
على أيّ حَجَرٍ..
أريد أن أستريحْ.
على أيّ كَتِفٍ..
أريدُ أن أستريحْ.
فلقد تعبتُ من المراكب التي لا أشرعةَ لها.
ومن الأرصفة التي لا أرصفة لها.
-نزار قباني
..............................................................
راكان
انتبهت لريفانه تحجي ودمعت عيونها وايدها ترجف واني كلبي تعصر من دمعتها نار بكلبي صارت راح اموت من التفكير شمسويلها نائل ماكو هيج اخت تكره اخوها وتتمنى السجن اله شنو الي وصلها بهاي المرحله لازم اكو شي صار عفتهم كاعدين وطلعت بره بالحديقه ضليت صافن شكد سمعت صوت وراي التفت..
-العفو مادري بيك هنا
-ريفان لحضه ؟ حجيت هيج صفنت بوجهي بعيونها الي سالبه روحي
-ن نعم
-ليش بجيتي
-مومهم
-اكو شي اكدر اساعدج بي احجيلي شنو ماثر عليج نائل
-وشنو فرقك عنه حت احجيلك ؟
-بس ريف....
-من رخصتك راح ادخل
قاطعتني وراحت همست وراها بس اني مو مثله والله اسم نائل صار مثل الوصمه والعار مجلبه بيه كلها ضلت تشوفني شبيه نائل صارت اكثر كلمه اكرها بحياتي انت مثل نائل..
فضل..
محتار شنو اجاوب امها اهلها اجو يردونها حطوها يمي امانه حجيت من بين دموعي وغصتي ولوعتي بس ابين القوه
-عمي حقكم عليه واني كلش مستحي منكم ماصنت الأمانة وبتكم امانه عندي شما تحجون حقكم
ام سلسبيل:: بنتي وين فضل
ابو سلسبيل -بويه اني مارايد شي والله ولا الومكم بس بنتي اريدها ترجع عزيزتي هاي طلعت بيها من الدنيا اول فرحتي ماريد عيني تبجي عليها ماريد اشوف لوعتها
-عمي اخذها حجايه زلم وحق علي ابن ابي طالب داحي الباب بتكم ترجع شتحجون انتو غير صارت بنتي وروحي من الدنيا
ام سلسبيل-يمه جانت شاكه حامل بالعيد ميلاد جانت تريد تحلل الفضل يمه ابوس رجلك رجع بنيتي وفرحتي
-يمه شتحجين كومي ابوس راسج لاتكسرين ضهري اريد احد يقويني حت اجيبها لو يطلبون روحي والله مااعزها انطي روحي بس ترجع سلسال لحضنكم..
ابو فضل:: كولو يالله وكعدو ترجع بسلامه احفر شبرشبر وارجعها الكم
ساره :: امها ضلت بس تبجي وابوهه مبينه الكسره بعيونه حاولو وياهم امي وابوي بس ماهدئو ولاگلبهم اطمئن وفضل بس مدنك ومكسور اكثر منهم بس مايحجي تالي عافهم وراح لغرفته خفت علي كلش رغم اعرفه قوي بس خفت يسوي بروحه شي
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
