هلاو فــراشــاتـي 🦋
#سلسال_الفضل
للكاتبه @koka90op (كـــوثـر ✨)
لاتنسون التصويت والتعليقات بين الفقرات
احبكم 🦋
..................................................................
"أوَزع تعبي
علىٰ جُيوبي
وأترك كتِفي
حُرًا
كي
أحمِل
عنك
تعبك ♥️..
.................................................................
سلسبيل
جنت مجهزه حته نروح للمحكمه سمعت اصوات بلبيت صوت خالتي وعمو وحته صوت راكان اختنگت من سمعتهم شبعت بچي
سمعت عمو وهوه يعاتب بابا وخالتي هم بس اهلي جانت حجايتهم وحده بتنه تعبانه وماتكدر تكمل بعد
رادو يحجون وياي بابا ماقبل كال لاضغطون عليها ونفسيتها تتأزم وهيج
اني اسمع وعيوني تصب واكثر شي كسر كلبي حجايه عمو
ابو فضل:: بنتك هي بنتي واكثر والله شاهد شكد حبيتها وشكد تمنيت تجيبلي الحفيد وتكبر عائلتي بيها بس الله ماراد الله كريم العوض بسلامتك ابو سلسبيل
وانشالله هل موضوع مايأثر ع اخوتنا الطويله وهمه مو اول ناس ولااخر ناس ماتتراهم وتختلف وتتطلق
كالو هيج وطلعو مبين توهم عرفو بلخبر واجو عليه بس محصلو اي نتيجه
وراهم طلعنه للمحكمه مافتحو وياي الموضوع اهلي ابدا مراعين مشاعري ونفسيتي وصلنه للمحكمه كاعدين ننتضر الفضل يجي دقايق واجه هوه وليث
ماكدرت اشيل عيوني واباوعله احس نفسي مكسوره وكاسرته وياي جان يصرف طبيعي وبرود
بابا عنده معارف وليث هم ماطولت لاجراءات والطلاق كان متفق عليه من الطرفين والفضل مخلي محامي وقعنا وكملنا كل الامور وتنازلت عن كل حقوقي بس الفضل ماقبل اتنازل بس اني ضليت مصره وكتله مااريد اي شي اخذهه وياي من حياتي لسابقه
باوعلي بنضره مكسوره وكال
الفضل :: هايهيه مدام انتي رميتي كلشي وراج
اي شي بعده يهون سلسبيل
كلي سلسبيل اي مثل ماسمعت سلسبيل لاول مره ! حته بلقائنا الاول جنت سلسال كال اسمج طويل
طلعنه من المحكمه سلم ع ماما وبابا وباوعلي
الفضل:: اذا تردين تجين تاخذين شغلاتج من الغرفة ماكو اشكال
سلسبيل:: لا مااريد اي شي اني تنازلت عن كولشي انته تخلص منهن بطريقتك اريد ابدي بدايه جديده
وهاا ..
طلعت السلسال الفضي مالته مديت ايدي اخذهه مني يباوعلي
:: اني وعدتك وحافضت علي مااكدر بعد احافظ علي اكثر هاذه حدي
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
