سلسال الفضل

بارت 9🦋⛓

مساء الخير ....
#سلسال_الفضل

للكاتبة @koka90op
لاتنسون التصويت

احبكم♥️
............................

راكان..

دخلنا للملهى أجواء الركص حلوه كلش احبها رحنه كعدنا ع طاوله حاجزها نائل قريبة من مسرح الركص كعدنا وصاح ع عامل
_حبيبي رتب النه الطاوله رد العامل تامر استاذ
دار عليه وحجه
_ها استاذ راكان عجبك المكان؟
_تدري بي احب جو الديسكو وركص بس ماحب غير أمور
_يمعوددد جرب شي جديد راح تدعيلي حجه هيج واشر لبنات ثنين اجن يضحكن ماانكر جانن مو بنات صاروخ الشعر شطوله والجسم كارثه مفصل تفصال ومعالم الجسم يبو تطيح اكثر واحد اجن ثنينهن حاوطن نائل
_أمرنا استاذ شلونك صار زمان ماكو نائل طلع فلوس وخله بصدرهن واني اباوع غمزلي وهمس
_تعلم تعلم
_شغل عدل عمي استاذ وهيج
_غير سيدهن هنا اني يعبدني
_ ها يعني بس الفضل هناك مطيح حضك
_اهووو لتجيب سيرته تعكر الجو علينه حجه ودار ع بنات
_جبتلكم هاذ جديد خوش قطعه بعده باكر اريدكم تدلعونه اعتبرو امانه مني دللو زين
_ولي مشكور ماريد شي عاجبني اني هج تريد تورطني مو كد سوالفك اني لاتخليني اندم لان طاوعتك وجيت لهنا
_خاب انت لاتصير عار ونس روحك شبيك كلشي ماشايف من دنيا شوف النسوان الضيم اخذ واشبع حجه واشر لوحده تجي يمي هي مو اي وحده كارثه مو بنيه تطك بالكاع جسم وشعر يبوي لحد رجلها واني ديني الشعر الطويل بس لحد الان رافض الفكره اني صح مهتلف بس ماحب هالسوالف يعني بالمختصر مالي خلك فضايح وغيره كعدت البنيه كالت
_انت منين ياحلو شكلك هواي حلو تخبل
_ شكرا هواي يكلولي حلو ادري
_ يي ميخالف خلي نكول احنه هم حجت وتقربت عليه حيل خلت ايدها ع فخذي واني بويه شصار بيه كهرباء ومشت بيه
_احم.. لامشكوره
_المكان هوسه هنا امشي نتعرف بمكان احلا وغمزتلي وعضه شفتها حيل خلت ايدها ع دكم قميصي تريد تفتحها كبل وخرت ايدها وكمت
_نائل امشي نروح
_ شبيك جبان اكعد
_اكعد انت اني رايح حجت وردت اطلع كام وراي وجرني
_ديلا يمعود راح اطردهن بس تعال اكعد شوي نتونس شوية ونروح
_١٠ دقايق ونطلع مالي خلك رجعنا كعدنا طلب مشروب
_ نسوان ماتريد عاد جرب هاذ وشوف الدنيا
_اذا شربته تفك عني وتبطل سوالفك؟
_ي تدلل بس اشرب هسه خل نكمل السهره واطلع عار اذا ماانت توسلت بيه اجيبك
_ شربنا بالبدايه ماحبيت ماعرف شلونه بس تالي شربت عادي ماشربت هواي خفت ينتبهون عليه شوي ضليت الح ع نائل لحد ماكام حت نرجع بطلعتنا رجعت نفس البنيه
_نائل سيدي ارجع النه وي نفس هاذ الوسيم نحتاجه هواي وغمزت الي
_تدللين صدك جذب يومين وراجعلكم
_دمشي صدك جذب شبيه تخبلت ارجع هنا تريد تورطني
_امشي امشي وانت ساكت خل ارجعك لا تبجي علينه عبالك جاهل فشلتنا وي البنات وين محصل هيج بنات يردنك..
_اهوو لو جاي بسيارتي اني احسن من المذلة مالتك حيوان..

سلسبيل..
كاعدة بغرفتي الملل كتلني كملت شغلي قريت شوي من كتابي المفضل شفت حلقة مسلسل خابرت امي سولفت وياها وراحت والملل ماكو احس مامتعوده ع هيج فتره راحه طويله اريد شي اشغل فراغي خصه فضل يطلع ساره دوام وراكان لو نايم لو هم طالع قليل يكعد واني انزل جوه اخلص شغلي واصعد حت اتجنب بسامير بيبيتهم وهم ماخلصانه نزلت جوه اجهز الغده وي خالتي هي تطبخ بس اني اساعدها بشغلات بسيطه مثل عصاير سلطات وهيج نزلت ع درج...