مرحبا
اعتذر جدا عن التاخير بلبارت بس جانت اكو مشكلة بلواتباد ماينشر
ياريت ماتنسون التصويت 🦋
#سلسال_ الفضل
للكاتبه @koka90op
قراءه ممتعه🦋
..............................................................
انا التناقض
انا الغربه واللاشيء
انا الضياع بذاته
فلا تأخذني على محمل النجاة
لأنني الغرق
............................................................
سلسبيل:: نمت وحلمت باغرب حلم ممكن احلمه بحياتي
مكان اضلم وصوت صريخ طفل دم بلكاع
فجاه اني اركض بكل سرعتي ومااعرف وين واصيح الفضل ماموجود واركض بمكان ماكو بي احد حسيت وكعت بحفره ونزيت من النوم ....
اتلفتت الفضل ماموجود حسيت گلبي نعصر حيل وضاق نفسي ضليت اشهك اريد اسحب الهوه وابجي تمنيت لفضل موجود ويمسح ع راسي وياخذني بحضنه ويهديني شفت الساعه ٤ العصر
نزلت جوه شفت ساره
:: ساره شفتي الفضل
:: شبي صوتج ليش عيونج هيج باچيه؟؟
:: مابيه حبابه وين الفضل
:: طلع للمحل تعاي كعدي شبيج
:: ساره حلمت حلم محلو (....) سولفتله الحلم
:: لاتفكرين بشي موزين انشالله خير يجوز مجرد هيج حلم عادي هلايام مشاكل ولبيوت مشحون تصير تصير
:: خايفه
:: اشش كافي ماكو شي لاتسولفين للفضل عن الحلم ماشي هواي شغلات شاغله باله وراكان وسوالفه لاتشغلين باله انتي هم
:: اي اي مااسولفله
ضلينه كاعدات نسولف شويه غيرت جو نسيت الحلم تعشينه والفضل مااجه خابر كال يتعشه هوه وليث ونوب تاخر مره ثانيه لل١٢ شفت سيارته صفت بلكراج ونزل منه شويه وسمعت صوت خطواته ع درج فتح باب الغرفه وشمرت روحي بحضنه من كعدت العصر واني انتضر يجي واشمر تعبي علي خايفه وهوه اماني الوحيد
:: شبيه سلسالي
:: فضل لاتعوفني لاتخليني اكعد ومالكاك فضل اني اموت بدونك
:: اشش اسم الله ليش تحجين هيج تعالي
جرني وكعدنه ع جربايه ضل يمسد ع راسي
:: احجيلي بويه شبيج احد ضوجج
:: لا بس احضني فضل احضني بقوه ومسد ع شعري
:: تعالي .. كال هيج وحظني بقوه وباس شعري وشمه... اخخ ريحه العافيه تعالي انام تعبان اني هم
:: فضل ماريد انام خايفه
:: ليش ياروحه للفضل
:: هيج
:: يلا تعاي ماانام بس نتمدد بلفراش ونسولف
تمددنه وتغطيته بقه يسولفلي هواي شغلات ع طفولته وذكرياته وي امهه لحد ماغفيت
ريفانه:: واكفه امشط شعري واحسه يوجعني دمعت عيوني واني اذكر نائل ومعاملته السيئه وياي وضربه الي اكرهه يمكن اني لوحيده لاكره اخوي ومااتمنى يرجع للبيت خايفه من امي خاف فد يوم تشوفه سكران لو يبلع حبوب ويصير بيه شي من القهر واني ابقه تحت رحمته وقته اموت ولمشكله راكان صاير نفسه وماكدر احجي لاحد
قبل يومين::
نزلت من غرفتي سمعته يخابر
نائل:: اي لاتهتم راح أمنلك البضاعه توصلك بلوقت لمحدد
سكت يسمع لطرف لثاني وكال
:: صدك جذب تدلل انته بس تعال ومعليك
سده منه وخابر احد وعرفته راكان
:: هاا ضلع ليوم لسهره كله نشنشه تجي لولا ترا انته لخسران
شافني وراه سده بسرعه
ريفانه:: ترا حرام عليك لجاي تسوي انته دمرت روحك ليش تدمر غيرك بهاي سوالفك ترا والله اكول لامي
:: شو بلا عيدي شتكولين لامج
:: نائل ولقران حرام عليك هاي فوك ماتصيرلنه سند جاي تروح طريق موزين اذا سمعت امي تموت بقهرها
:: جاي يحجي ويتقدم عليه... واني ضلت بس ست ريفانه تحاسبني
لزمني من شعري وضل يعت بيه حسيته راح يشلع وضربني. راجدي قوي ضليت اشهك
:: حباب عوفني اخخ شعري عوفني
:: اذا سمعتج بعد تحجين بهل موضوع اكتلج خلاص اكلهك اختي ولزمته وي واحد وغسلت عارهه واياني اياج تحجين لامج شي وقته اكتلج انتي وامج وهسه صعدي مثل لحبابه لغرفتج
ESTÀS LLEGINT
سلسال الفضل
Literatura romànticaمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
