مساء الخير
#سلسال_الفضل
للكاتبه @koka90op
لاتنسون التصويت
...................................................
- يا مَدري شتعود لگلبنة ♥️.
..................................................
الفضل... الساعة 8 صباحاً
_يلا سلسال تأخرنا شسالفه وراي شغل اوصلكم واروح
_اي اي اجيت وكفت كدام المرايه عدلت حمرتي ورشيت عطري جان واكف يلبس ساعته.. ل
الدنيا جانت بارده حيل لبست بنطرون ابيض وهاينك اوف وايت وفوكه كوت طويل بيجي وترانشوز هم ابيض يلمع سولتي وي الرياضي الأبيض اموت علي.. عدلت مكياجي ودرت علي.
_ راح اشوف ساره يمته يجي خطها
_ اني اوديكم
_ ليش ساره مو عدها خط؟
_ يي بس خابرته لايجي اني اوصلكم واجيلكم الضهر واذا ماكدرت ادز راكان مايكعد هسه جان وصيته يوديكم
_ادري مو عندك شغل
_اي علمود هيج ستعجلو حت أوديكم نازل جوه انتضركم شوفي ساره وقبل لاتنزلين مسحي حمرتج وين رايحين عرس
_حجه وطلع باوعت جان لونها مشمشي عاديه مو اوفر غلست مامسحته رحت لسارة..
سارة _ ولج ايي فهمنا فلشتي الباب
_ يلا مو فضل يريد يوصلنا
_ ايي دريت عيني يغار عليج يجوز من ابو الخط يمكن عيني عيني
_دمشي يغار هو كلش بس شني هاي ولج طالعه هوت صاروخ وين سياده الضابط يجي يشوف يطيح ع عينه. جانت لابسه بنطرون جينز وكوت رصاصي وبوت طويل اسود وي جنطه سوده وهي تجنن وهم نفس ستايلي هم..
_اوو هم جبتي طاري خليني مرتاحه كلش منه مختفي
_ ها شنو فقدتي
_ امشي امشي تأخرنا تدرين لسه مصدومه شلون اخوي قبل شنطيتي وقبل ولج؟ بس لاقدمتي تنازلات
_ نجبي ولج امشي شمدريني بليل اجه الله هادي كال روحي.. نزلنا شوي وكالت
_ اوو خرب نسيت تلفوني روحي بسرعه اجيبه واجي رحت لكيته بالسياره صعدت يمه
_وين ساره
_هسه تجي نست فونها فوك.. سكت شوي وكال
_عطرج قوي
_انت جبته سكت شوي ورجع كال
_مجنت ادري هيج قوي
_ يي بس حلو وثابت كلش حابته
_يي.. شوي ونطاني كلينكس مسحي لونها طوخ وتجذب
_ شسالفه فضل خفيفه تره لو حاطه حمره حمره شلون
_همس بصوت ناسي اكطعج غير ودار ع جامه عباله ماسمعت بسرعه درت وجهي اجتني ضحكه
_احم.. يعني خفيفه مو طوخ واصلا اني ماحب الألوان طوخ كل حمري خفيفه
_شعليه اني جاي تعدديلي الوان حمرج ردت ارد صعدت سارة غلس هو بعد ماكال مسحيها واني غلست
_ عذروني تأخرت والله خبصت الدنيا ع تلفون تالي لكيته جوه جربايه سبحان الله مدري شودا
الطريق كله هدوء جامعة ساره مو بعيده تقريبا ٢٠ دقيقة ساكتين بس هو ينافخ وصلنا قبل ماننزل كال
_سارة ماكو دراسه ماكو داعي تتأخرون ب١٢ لو ب١ ادز راكان عليكم نزلت ساره كال
_سلسال لحضه
_ ها
_هاج فلوس
_ليش
_ شتري خاف يعجبج شي
ستحيت اخذهن هو دائما يخلي الي فلوس بس اول مره ينطيني بيدي
_شبيج صافنه شمنطيج
_ها يي تمام شكرا
_ يلا الله وياج نتبهي لنفسج
نزلنا واتي فرحانه لان فكر بيه لدرجه ضميت الفلوس ماجنت ناويه اشتري بيهن كد ما فرحت بيهن رحنا اول شي للبازار المهرجان ب١٠ يبدي فترينا اكلنا وشترينا كم شغله شترينا سوارات سوه اني وساره تعدينا ركن الكتب اني بعد ماكدرت اعبر ماحسيت ع روحي اله مشتريه نص الكتب وابو المكتبه شكلة خفيف ويريد يستضرف
_بيش كتاب ()
_ب٥
_جزئين موجود لو واحد
_ ثنينهن عيني واذا ماكو نجيبه الج
_نطيته اكثر من عنوان كتله اريدهن
_حلو شكلج تحبين الكتب
_يي
_ من زمان تقرين
_يي
يا كاتب تحبين
_ خويه نطيني الكتب تأخرت
_ تردين انطيج صفحتنا ع انستا حت تطلبين كلما تحبين واساعدج باختيار الكتب
_ لاشكرا اعرف اختار واعرف منين اطلب بس هسه عجبني بس نطيني الكتب خل اروح
سارة _ فضيها عاد الولد كلش خفيف مالنه خلك لطشتي ع كتب نرجع وطلبي
_ ولج حتلو اطلب بس من اشوف كتب لازم اشتري ع اقل واحد جسمي يضل يحكني
_خل يسمع فضل بهاذ النقاش وكولي جسمي يحكني عود.. أخذنا الكتب ورحنا صارت ب١٠ كعدنا ناكل شوي. وكالت يلا خل نروح لقاعة المؤتمرات راح يبلش المهرجان رحنا جو جان كلش حلو العالم كلها تباوع وكلساع واحد ذاب حجايه غزل ٢٠٠٧ لسه مانقرض خلص المهرجان جان كلش حلو اشعار ومسابقات واسئله سوو فريق واشتركت وكلما اجاوب الولد يصفكولي الولد كلش ذبو ميانه ويشاقون. وساره تخزر بيه طبعي اجتماعيه من جنت مسافره مو قله ادب يعني بس بسرعه اذب ميانه وي المقابل اذا جان محترم يعني مو سخيف كلش تونست بالجو شوي خلص وطلعنا والصدمه جانت بوجهي..
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
