مساء الخير ....
#سلسال_الفضل
للكاتبة @koka90op
لاتنسون التصويت
احبكم♥️
.......................
ساره
كاعدين نشرب چاي بعد العشا راكان جان يشوف للفضل انواع سيارات لان الفضل عنده خبره بلسيارات ولانواع عنده الهوس الاكبر هي السيارات
راكان؛؛ اني كتله اخذلك سياره ثگيله واخسر عليه فلوس احسن من ماتاخذ مره وتخسر عليه اضعاف اضعاف والله اقتنع كلي شوفلي نوع ع ذوقك
ام راكان ؛؛ خلف الله عليك وليدي شهل عقل لااحسدك بعدين شبي الزواج استقرار واطفال داير مدايرك وزوجه تحبك وتعتني بيك
_ يلا امي زوجيني لعد مدام الزواج هيج حلو
_ شو اسكت هوه انته احنه طالعين من مسؤليتك نوب اورط بنات الناس وياك بعدين منو هاي لتاخذك الا امه داعيه عليه
_ لااكيد تشوف عيوني الخضر وتقبل بعدين شبيه امه داعيه عليه
_ لاحبيبي لبنات مايدورن شكل مثل قبل تريد رجال مسؤل وشهم نفس اخوك مثلا الف بنيه تتمناه
_ امي اسألج سوال منو ابن رجلج اني لو الفضل صارحيني خاف ضامه عليه ترا اتقبل الحقيقه اني
الفضل؛؛ ممكن تنجب وتسكت شكد تلغي مثل النسوان لاتضوج خالتي
_ اي استاذ فضل بعد ماتتحاجه راح تتزوج قابل مثلنه ناس فقره عزابيه
ساره؛؛ والله لولي تجنن ولطيفه منتظره يوم يوم يمته يزوجون حته تجي يمنه
كلت هيج واجت بيبي سعديه كعدت يمنه
سعديه:: هاا ولكم شو سكتو شنو جنتو تحجون منو خطب
_ بيبي الفضل رجعت خطيبته من برا وراح يزوج
_ يا وهاذه ابن بواگه الزلم هم لكه وحده تاخذهه والله زين
هي كالت هيج والفضل كام من مكانه بسرعه راد يحجي وماما اشرتله يسكت عافنه وطلع
ام راكان ؛؛ عمه شجاج وي الولد هيج تحجين كدامه ع امه مايجوز ع الميت الا الرحمه
_ الله لايرحمه شو وخري عني انتي هم فاهيه فوك ماباكت رجلج كاعده تترحميله
_ عمه لاتحجين هيج گدام الشباب ابوس ايدج هاي الدفاتر انسدت واحنه ولد اليوم المره راحت لدار حقه والفضل ابني مثل ماراكان ابني
كالت هيج واشرتلنه اني وراكان نكوم لابيبي تبقه تجفص لان اكو شي من الماضي مالازم نذكره او نفتحه....
سلسبيل
نايمه حسيت ايد خشنه تكرص بخدودي فتحت عيوني بابا كدامي
_ انتي ماتشبعين نوم كومي باباتي اريد اشوفج اسولف وياج
_ بنعاس.... شنو شكو بابا الساعه ب٩ ليش مكعدني لاحكين ع سوالف
_ لاشو كومي ورفعني من زندي يلا غسلي وتعاي نزلي نتريك اريد نسولف اصبح بوجه بنيتي الحلوه
_ يلا انزل جايه وراك
_ موتنامين
_ تثاوبت .... لا لا مانام
رحت غسلت وبدلت بجامه النوم مشطت شعري سويت ضفيره صار شعري لونين الضفيره سلفر والفوك اسود فاحم نزلت جوه لكيته هوه وماما يتريكون
تريكنه وبابا كال عنده موضوع وياي وبلاصل اني اعرف شنو الموضوع
أنت تقرأ
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
