مساء الخير
#سلسال_الفضل
للكاتبة @koka90op
لاتنسون التصويت والتعليقات بين الفقرات 🦋
احبكم. #فــراشــاتـي 🦋
...............................................................
"معه أشعر
أن الطمأنينة شيء
ملموس".
..............................................................
ريفانه
مرت ايام جانت صعبه كولش بين امتحانات وتفكير وقلق ردنه نرجع اني وماما للبيت بس عمو عارض وماقبل نرجع خصوصا بيتنه مسافه عنهم لعد لويدرون اني مقرره نرجع لاربيل وره نتائج لسادس رغم حته اني مايهون عليه افارقهم كلهم بس مااكدر بعد هنا احس بغداد تخنگني
قاطع صفنتي صوت الهورن جنت امشط شعري ع مرايه اريد اروح للمحكمه ليوم محاكمه نائل رحنه اني وماما ماانكر جانت لحظات صعبه واني اشوفهه بزي المجرمين القاضي حكم علي ٢٠ سنه مع التخفيف
فكره انو لانسان يخسر ٢٠ سنه من حياته فكره مخيفه شراح يصير بهاي السنوات شنو الراح يتغير غباء لانسان وتهوره يوصله لهاي المرحله يخسر حياته وعائلته وكلشي
ماانسى دموع امي وقت اصدار الحكم فعلا قلب لام مستحيل يقسى شفت نائل يباوعلها بدموع ندم ورجاء بس بعد عكبيش وره مادمر روحه ودمرنا وياه
ضيع روحه وسنوات عمره مجان ناقصه شي والف بنيه تتمناه مهندس معماري متخرج من تركيا بس هوه اختار يمشي بطريق خطأ وره حب عقيم
نعادن الذكريات والضرب ولاهاين الي تعرضتلها منه واني اشوفهه يسحبون بي الجنود للسجن وكف قريب مني وباوعلي بنضرات عجزت افسرها ماانكر رغم هسه هوه ضعيف ومحكوم بس خفت منه حسيت باطرافي جمدت مااكدر اتحرك وهوه يباوعلي فجاه حاوط ايدي ايد دافيه وسحبتني باوعت راكان سحبني من ايدي حته نطلع من المحكمه جنت امشي وياه واني ساكنه اي تفكير او اي شعور ماعندي رجعنا للبيت ماما تمرضت وبقيت سهرانه وياهه تعبت هواي وجان عندي باجر اخر امتحان مااصدك راح اخلص اخيرا وارتاح
جنت سهرانه لل٢ ادرس واراقب حراره امي اجت رساله من راكان
راكان:: نايمه ؟؟
:: لاكاعده ادرس
تعاي احاجيج
:: وين؟
:: بلصاله الفوك
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
