مساء الخير
#سلسال_الفضل
لاتنسون التصويت
للكاتبه @koka90op
احبكم🤍🌿
....................................................................
- تعبنا من الزعل والتگضي وتهون ،🤍
...............................................................
راكان:: اتصل بنائل من الصبح مااحصله بس لاشرد الحيوان وعافني لو ورط روحه بمشكله خاف اوكع وياه بقيت افكر سمعت صوت الفضل بلبيت رحتله اركض
:: الفضل
:: نائل بلسجن صار
:: شنووووو.....
"قبل ٣ ساعات"
الفضل:: ليث شراح نسوي شنو خطتك
ليث:: نائل بايت من البارحه هنا بهاذ البيت وهاي معلومه اكيده وصلتلي راح ندخل نداهمهم كلهم وهمه نايمين نسحلهم عدهم شرب ومخدرات يعني نلزمهم بلجرم المشهود
:: واذا شرد مثل ذيج المره
:: لا مايشرد اصلا نايم جوه
:: شدراك
:: هههه كلشي ادري انه عندي عيون بكل مكان
:: استقر سيادتك مااتطمن الا اشوفه بلسجن
:: وداعتك ساعه وتشوفه بلسجن
شويه وانطاهم ليث امر دخلو داهمو البيت واني ايدي ع گلبي خاف نائل يشرد او مو وياهم بس نائل طلع وياهم وركبوهم بلسيارات ولد وبنات ولبسهم يخزي حرامات هاي الشباب جاي تروح هيج تنجر وره غرائزهه
هناك اول ماوصلنه للمركز نزلوهم ويانه وكعت عيني بعين نائل باوعلنه اني وليث بنضره كله حقد وتحدي
ليث:: روح اكعد بمكتبي لاتتواجد هنا خل اكمل شغلي وياهم واجي راح ابلش بنائل ع خفيف
:: يلا انتضرك
"بعد ساعه "
ليث:: اطلبك عزيمه
:: احجي خلصني
:: هلمره مو باچه لا مندي طلي كامل
:: عمي اذبحلك بعير بس احجي
:: الكو**** طلع شايل مخدرات وسكران ونلزك وي بنيه نايم وكلشي شتريد عنده طبعا بلتحقيق مانطق حرف تحسه واثق من نفسه عبالك راح يجي الوزير يطلعه
:: يحوز واثق من جماعته
:: كلشي اتوقع بس احنه لزمناه مع لادله. وانشالله يخيس بلسجن
:: يعني اطمن واسافر
:: وين وين وعزيمتي
:: يابه اعزمك والله بس ارجع من السفر ترا گلبي طاك باجر طيارتي
:: اي عيني سافر شكو عليك
:: لاتحط عينك ابوس ايدك هي كوه ضبطت
:: عمي روح ديح ماحاط عيني بلسلامه انشالله عود لاتنسانه بلصوغه
:: صوغتك موجوده من ارجع
:: شنو
:: هههههه من ارجع من ارجع
بس بعد مااوصيك ع نائل
:: تدلل بعيني هاذه الغالي هههههه
سلمت علي وتوادعنه ورحت للبيت
راكان :: الفضل لاتخبلني شنو بلسجن
الفضل:: شبيك خايف
VOUS LISEZ
سلسال الفضل
Roman d'amourمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
