.............................. 🦋🦋
تكمله الاحداث
لاتنسون التصويت
احبكم
By @koka90opبارت٢
الخوف من فقدان اعز أنسان ع گلبك التوتر الندم القلق الارتباك كل هاي المشاعر عشتهن بهاي اللحظات واني كاعده كبال غرفه الطوارئ انتضر احد يطمني ع بابا
ماما جانت واكفه يمي وموبايله ماسكت واني متوتره واحس نفسي فاصله عن العالم وابالي بس صوره وحده هي صوره بابا وهوه واكع بچيت بصوت مسموع
ام سلسبيل:: ماما حبيبتي لاتزيدينه عليه مابي شي انشالله كافي سكتي هوه كلبه تعبان هل فتره فتعب
سلسبيل ؛؛ اني لسبب صيحت علي وعارضت قراره وتعبته اني مااستاهله ماما فدوه حاجي لاطباء خلي احد يجي يطمنه والله كلبي راح يوكف خل يصير زين هايهيه موافقه ع كولشي بس خل يصير زين .. حجيت واني ابجي..
ام سلسبيل ؛؛ اجه عمج حارث ... حجت هيج وتقدمت علي
_رفعت راسي وشفت عمو حارث وكان وياه شاب مانتبهت علي كان بالي بغير عالم
عمو حارث صالي هواي مشايفته وقت كلش هواي
سلمت علي بس بالي مويمي بهل اثناء اجه الطبيب وكال نقلو بابا بغرفه خاصه ولازم يبقه الليله تحت المراقبه رحنه للغرفه كان بابا نايم ولاجهزه يمه ركضت علي ولزمت ايده وطكيت بلبجي حاولو وياي امي وعمو حارث يسكتوني بي ماسكتت ماقبلت اترك ايد بابا خايفه كلش خايفه اخسره واني بعدني ماشبعت منه خلصت حياتي برا بعيده عنهابو فضل:: تاخر الوقت لازم ترجعون للبيت تعالو خلي نرجعكم والفضل يبقه يمه بالمستشفى
_ هوه كال هيج واني اجالي اشعار هز كياني يعني الولد الچان وياه هوه الفضل الي لازم يصير زوجي
اجه الولد ورفعت راسي وهنا جانت الصدمه...._هاذه نفس الولد الي قابلته بلمطار اي هوه اني ماانسه الملامح شهل الصدفه المحرجه وبهيج وضع يربي ماكدر احط عيوني بعيونه
الفضل؛؛ يابه اخذ العائله وروحو للبيت اني باقي بلمستشفى
سلسبيل ؛؛ لامستحيل مااعوف بابا ولااروح لاي مكان
ام سلسبيل ؛؛ بنتي لاتعبيني خلينه نروح للبيت وباجر لصبح نجي نخرجه للبيت يلا تعبين هنا اجواء المستشفى ماتناسبج
بعد توسل واقناع ماقبلت اترك ابوي الندم الجنت حاسه بي محد يفهمه اخاف اتركه واخسره للابد راحو وعافوني وحدي وياه بقيت بلغرفه كاعده بلكرسي قريب علي ولازمه ايده وماكو بس صوت الاجهزه حولي
اجت الممرضه انطته ابره بلسيروم وكالت وضعه مستقر ومالازم اخاف بس اني ماكو شي يهديني الا يكعد بابا ويحجي وياي باوعت للساعه جانت ب٢ الصبح
حسيت بنعاس كلت خلي اروح اغسل وجهي واشتم هوا لان اختنكت من ريحه المستشفى وارجع طلعت بدون ماانتبه حولي جانت المستشفى حتى بهاذ الوقت المتاخر هوسه واصوات وناس تركض كل شخص عنده سالفه بكلبه كل شخص خايف ع عزيز وينتضره ...
YOU ARE READING
سلسال الفضل
Romanceمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....