سلسال الفضل

بارت 46🦋🫶🏻

مرحبا فراشاتي

#سلسال_الفضل

للكاتبة @koka90op (كــوثـر)

لاتنسون التصويت والتعليقات بين الفقرات

احبكم 🫶🏻🤍
..........................................................................

"لكنني معك شعرت لأول مرة بأن الأشياء حقيقية و أن الكلمات بإمكانها أن ترمم شخصا قد انهار منذ زمن".🤍
.............................................................................

مريم

كاعده وحدي سرحانه وافكر بفارس احلامي الي مدري شوكت صار فارس احلامي كل شوي ادخل صفحته اتطمن خاف ناشر شي جديد وماكو وين مختفي خابرت ريفو ماكدر اضم عليها ..

مريم::ريفوو لحكيني لحكيني
ريفانه :: هاا خير شكو

:: اخيتج وكعت بالحب وكعت
:: عزا بعينج منو

:: باعي هو مو حب حب بس مادري احس اعجاب او ماعرف شنو بس هيج المهم شي حلو

:: منووو
:: مرتضى

:: صخام صخمج تردين تخزيني
:: شكو اخزيج شطالعه مصلخه
::ولج يمته حبيتي

:: اوف من ساعدني بالهويه حسيته كاريزما يسطر سطر
يمشي ع كلبي مو بالكاع احسه

:: او انتي كلش سالفتج منتهيه

:: اكلج شلون اخلي يحبني ؟دباع اني هم ثوله اسال منو اسال ريفو الي كلشي يصير كبالها وماتشوف اكلج فدوه باجر عيد ميلادي وعطله اريد اسوي حفله قنعي خاله وتعاي

:: ماما متحب هالسوالف ماتوقع تجي
:: لا فدوه قنعيها هي بالبيت نسوي شي بسيط عيد ميلادي لتكسرين بخاطري

:: هاي اجت ماما حاجيها انتي
ام ريفانه: خير منو ؟
:: مريم تريد تحاجيج

:: هلو خاله شلونج فدوه مدام عطلنا وباجر عيد ميلادي فدوه اريد اسوي واعزمكم انتي وريفو الله يخليج لاترديني

:: ياعمري بنيتي حبيبتي كل سنه وانتي سالمه انشالله اذا الله شاء وسهل

:: حبيبتي خاله فدوه اروحلج
:: يلا هاي ريفو وياج

:: شحجيتي شبسرعه قنعتي امي ؟

: شعبالج حبيبتي قابل سهله اني مريم مو حي الله
::هههه يلا ولي هسه اريد انام سديته منها ونمت

يوم ثاني الصبح قنعت ماما نروح للسوك اجيب اي شي لمريم ماعرف شنو اشتري هديه شتريت الها جنطه وفستان ونفسه شتريت الي اروح بي لون اسود وبي ورد ناعم ابيض ماما رادت راكان يوصلنا بس ماقبلت كتلها شنو يشتغل سايق عدنا رحنه بتكسي
يجنن عيد ميلادها بنات عمها وخالها حيل قريبات عليها تذكرت لولي وساره وعلاقتنا شلون حلوه ردنا نطلع ماخلونا اله نبقه نتعشى تعشينا وحيل تونست