صباح الخير
بارت جديد
#سلسال_الفضل
للكاتبه @koka90op
لاتنسون التصويت
احبكم❤️🌿
...........................................................
-ثُم قال:
يأويني قلبُها أكثر مِمَا تأويني الأمكنة..♥️🌿
........................................................
خوف توتر رجفه دموع
كل المشاعر والافكار السيئة مرت ابالي بهاذ الوقت واني واكفه كبال غرفه العمليات منتضره احد يطلع ويطمني
اباوع للكل ساره تبجي بصفي مثل الطفله راكان مصدوم ولازم دموعه عمو متوتر وخايف وكل شويه خاله تتصل بي تريد تجي ومايقبل تالي اقتنع وكله تعاي واسمع صوت بجيه من الموبايل
دموعي ماوكفن ولالحظه حسيت الدنيا كله وكفت بعيني....
قبل اسبوع
سلسبيل
راسأ ركضت وره ضهره شفت شي خلاني مسطوره لازم بايده سلسال فضه وطلقه فتحت عيوني ع وسعهن
::- فضل شنو هاي منو دازلك هيج
::- اشش ماكو شي
::- شنو ماكو شي هاي تهديد يعتبر فضل لازم تبلغ الشرطه
::- لج ماكو شي مقلب هاذه مقلب جماعتي مسوينه بيه اوك انسي
::- جذاب
::- وداعتج ماجذب ماكو شي لاتخافين هسه ليش هل رجفه شكو تعاي كعدي شوباوعيلي
حجه هيج ولزم وجهي بثنين ايدينه ومدنك عليه واني مركزه نضري ع ضرف لخلاه فوك الطاوله
::- اشش باوعيلي لاتباوعين هناك ماكو شي تمام هاذ الموضوع خلي بيناتنه لاتكولين لاحد تمام
::- واني ارجف .. تمام
::- يلا كومي نامي
كومني ونومني وغطاني وراح طفه التيبلام واخذ الضرف وطلع بره الغرفه عقلي ميستوعب هاذ جذب ومقلب راسي نسطر ونمت...
كعدت الصبح مالكيته وماكدرت احجي لاحد لان ماعرف لشي لشفته حقيقةً لولا يمكن صدك مقلب مثل مايكول
مر يومين ع سالفه ونسيته اصلا لاهوه حجه بيه ولااني مرت لايام هادئه خصوصا بيناتنه تصالحنه نوعًا ما
ساره
صار شهر عن اخر مره شفته بيه من رفضته كلت هايهيه طلع من حياتي وخلصت منه ليش هل ايام جاي اشوفههه دايما ماعرف يمكن صدفه لوشي اول مره من جنه طالعين بليل تعدت سيارته وسلم ع الفضل وهاي ثاني مره الصبح جنت طالعه حته أجر تاكسي اروح للكليه ولمحت سيارته قريب بيتنه معقوله رجع لعادته لقديمه يراقبني الا ماعنده كرامه ورجع ضليت اليوم كله افكر حته اخذت محاضره وحده وطلعت للبيت واتلتفت خاف مراقبني
اول مادخلت شفت امي وسلسبيل كاعدات ع مسلسل بلصاله ومسويات كهوه وفطاير وياكلن هاي سلسبيل صايره بيتونيه مثل امي كاعده ومكابله لمسلسلات دخلت ولاانتبهلي حجيت بصوت عالي
::- اي شلون اجواء حلوه مسوياته لعمه والچنه
ام راكان ؛؛ بسم الله الرحمن الرحيم شبيج خرعتينه
::- ماما شنو شايفه جني كبالج
سلسبيل:: حته لجني يسوي اصوات قبل لايطلع بعدين ليوم راجعه من وكت شعجب
::- هيج مالي خلك اداوم
دك فون ماما خالتي تتصل راحت تخابره اكيد هسه عشر ساعات حته لفون يجزع وهنه مامخلصات مكالمه بس راحت نداريت ع سلسبيل وحجيت
VOUS LISEZ
سلسال الفضل
Roman d'amourمن رحم البؤس واليأس كانت هي اشراقتي الوحيده سلسال من الامل بثت بحياتي..✨ زواج ام صفقه عمل ؟؟ ماذا بعدها حب ومشاعر ام الم ومعاناه.. قصه زواج بين فتاه حالمه ومشرقه وفتى غامض بماضي مجهول....
