ماطلبت عذرك أنا نفسي عزيزة

Part : 8

تكلم سياف وهو على اعصابه
سياف: خالد وديان اخلصو حرقتم اعصابنا
خالد وهو يمسك جواله : لحظه
سياف وسعود والهنوف ناظرو بعضهم في استغراب وهم مستعدين للمصيبه اللي بتجي
خالد وهو فاك سبيكر: الو؟
متعب : هلا
سعود: ماشاءالله حتى متعب مشارك معنا؟
متعب بضحكه : اجل وش محسب مصيبه بدوني ماتكمل ترا
سياف : ادخلو للموضوع مباشرة
متعب: ترا حالي حالكم ما ادري عن شي
سعود بنفاذ صبر : دامك ماتدري متحمس ليه للمصيبه ياحيوان؟
متعب : مدري بس احب المشاركه
سياف بتنهيده :مامن حد فيهم صاحي والله
سعود : انجز انت وهي وش فيه؟
وديان : ما انتبهتم لرائد و هتان
الهنوف بستغراب : وش فيهم
متعب : رائد وهتان اكيد يتهاوشون كالعاده
رد سعود : او شكلهم الضحايا حقت خطه الشياطين الي قدامنا
خالد : لحين اسكتو وركزو معنا شوي
سياف : تفضل تكلم
وديان و خالد ابتدو يتكلمون ويشرحون لهم الخطه
سياف : تمزحون صح؟
سعود : انتم صاحين؟
متعب : ذولا من جدهم ولا؟
الهنوف : خالد وديان من جدكم؟
خالد : ترا بتساعدوننا ان قلتم اي وان قلتم لا
وديان: وش افضل من اننا نجمع راسين بالحلال؟
متعب : لا فعلا غيابي ماثر عليكم انتم تتكلمون عن هتان ورائد تدرون وش يعني هتان ورائد ؟
سعود : ذولا الاثنين لو اجتمعو بس صارت الحرب العالميه الثالثه مدري الرابعه
سياف : وديان خالد الواضح النوم ماثر فيكم
خالد : ياخي فكرو شوي يعني ما انتبهتم لنظراتهم لبعض اليوم؟
سياف : لا بالله ؟ ماعندي حياه انا ادقق بحياه غيري ؟
سعود : وش قررتم انتم الاثنين تصيرون خطبات؟
متعب : شف الجانب الاجابي من خطتهم هالمره مابننهبد من جدي وعمي حسن بس بنعلق بلسان رائد وهتان
وديان : ناخذ اجر ترا لو جمعنا راسين بالحلال
متعب : لا صدق ؟ نحن بيندعي علينا اكثر من ما اندعى على فرعون وكل هوشه تصير بينهم جلسو يلعنو من جمعهم وللاسف نحن اللي جمعيناهم
وديان بحماس : يعني موافقين؟
جو بيتكلمون ووديان ماخلت لهم مجال
خالد : لا تخافون من حاجه انا ووديان معكم ووراكم
سياف بتنهيده : ذا اللي مخوفنا اصلا
سعود : تمام دامكم جامعينا كاعضاء المهمه المستحيله عندكم خطه ولا بناكل تبن؟
خالد بتفكير : شكلنا بناكل تبن
وديان : لا عندي خطه بس من فيكم بينفذها؟
خالد : نلعب حجر ورق مقص واللي يخسر ينفذ
متعب : لا ماشاءالله ذكي شكلكم ناسين اني اكلمكم مكالمه
الهنوف : بجيب اوراق وبكتب اسامينا اللي يطلع اسمه هو ينفذ الكل وافق جابت الهنوف الاوراق وطلع اسم خالد ومتعب
متعب بضحكه : اجل خطتكم بتنتظرني حتى اجي
وديان : خلاص انا والباقي بنسوي الواجب حتى تجي
متعب : تمام يلا استاذنكم بروح انام
ردو الكل : اذنك معك و نوم العوافي
قفل متعب الخط وهو ينسدح على سريره
ضحك لانه يحب يكون موجود معهم بكلشي يسؤونه حتى لو مصيبه وهو داري اخرتها بياكل تبن غمض عيونه ونام
سياف وهو يقوم من مكانه وينفض ملابسه : يلا ننام
الكل تمام قبل يقومون تكلم سياف ووهو يقول بعد اسبوع من يجي متعب بنروح السطبل وبناخذكم معنا تغيرون جو
وديان بحماس : صدق ؟
سعود : ايه انتم وهتان وتنوف
خالد : يلا ننام قبل يصحى اخوي ونصير ذبيحه
سعود : يلا
____________________________________
مر اسبوع على وجود تنوف بالديره تعودت على ديره وحبتها وتطورت علاقت تنوف ببنات عمها وصارت قريبه منهم مره وصارت تمون على عمها خالد بنسبا لسعود والباقي كانت حياتهم مستمره على نفس الروتين حمدان اخذ اجازه مده ست شهور وسافر هو وعبير وسياف صار يدرب وحده ويساعده سعود ،،،،،،
رائد وسياف وخالد وسعود كانو راجعين من جمعه رجاجيل الديره وتجهو للحوش الامامي حصلو الجد عبدالله وابو سعود يتقهون ابتسم سياف وتقدم عند جده يجلس جنبه وسعود شاف سياف جلس راح وجلس قريب من سياف شويات وهم يسولفون يدق الباب
سعود استاذن وراح يفتح الباب
سعود بتمثيل الحزن: ياليل كنا باربع مجانين صرنا بخمس ( يقصد خالد ورائد وديان وهتان )
متعب : افا يالحيوان كذا ترحب فيني ؟
سياف من عالباب ؟
متعب نقز بسرعه لسياف وهو يحضنه
سياف :خلاص ادري وحشتك بس ابعد عني بتخنقني بحبك
سعود ابتسم لهم وهو يضحك متعب يحضن سياف وسياف يحاول يبعد متعب عنه
ابو متعب حمحم حتى ينتبهون لوجوده احم احم
سعود التفت بفرحه وحب يد عمه : عمي مشعل ياهلا من منورنا والله
ابو متعب ببتسامه: النور نورك وانا عمك
سياف راح بسرعه وحب يد عمه : منوره الديره بوجودك يابعد حيي
ابو متعب ضحك وقال: حبيبي ياسياف مامن نور بعد نورك
ابتعد سعود عن الباب حتى يعطي مجال لعمه يدخل
دخل ابو متعب ومتعب للحوش وسعود ناده بصوت عالي حتى يسمعونهم هذا عمي ابو متعب وولده متعب
قام ابو سعود من مكانه وهو يرحب في اخوه
ابو متعب حيه اخوه ابو سعود وحضنه وبعدها تقدم من ابوه الجد عبدالله وباس يده وراسه
رائد و خالد تقدمو من ابو متعب وحبو يده
راح سياف للمطبخ وناده على امه
سياف : يمه
ام سعود : هلابك ياولدي بغيت حاجه
سياف : جا عمي ابو متعب حضرو الحلا والقهوة لانه ماعاد بي لدله قهوة
ام سعود : أن شاءالله يمه
سياف جا بيروح بس رجع لتفت : يمه وين خواتي ؟
ام سعود : بالمطبخ يمه يحضرون العشى
سياف : يمه ناديلي الهنوف
ام سعود بستغراب : زين يمه ( دخلت ام سعود المطبخ تنادي الهنوف )
الهنوف : بغيت حاجه ؟
سياف : الهنوف الله لا يهينش حضري غرفتنا وحطي فراش زايد لمتعب وضبطي غرفه ابوي عبدالله عمي مشعل بيبات معاه ( ابوي عند سياف يعني الجد عبدالله وابوه ابو سعود يناديه يبه )
الهنوف ببتسامة: ابشر
سياف : تبشرين بالجنه ، بغيتم حاجه من البقاله؟
الهنوف بتفكير: شويه مفرحات
سياف : زين
ام سعود : تفضل يمه الدله والحلا بيجيبونه البنات
سياف وهو ياخذ الدله : زين
دخلت الهنوف للمطبخ تحمل الحلا وهتان تشيل الصحون وديان حاشره نفسها معهم جو البنات وحطو الحلا وسلمو على عمهم ابو متعب ورجعو المطبخ بعدها
تقدم سياف وهو يصب القهوة لجده ومن ثم عمه ومن ثم ابوه وباقي العيال
ابو متعب: عشت وانا عمك
سياف ببتسامة: تعيش ايامك
الجد عبدالله : وشلون كان الطريق عسى ماتعبتم
ابو متعب :مابه ذاك التعب لحمدلله يبه
الجد عبدالله : لحمدلله
ابو سعود : جهزتم الغرفه لعمكم؟
سياف : ايه يبه طلبت من الهنوف
ابو متعب : لا تتعبون نفسكم بنبات في بيتنا الليله بنيتي
غرام جت معنا الديره لاول مره
ابو سعود وهو يوقف من مكانه : لا والله يامشعل ماتطلعون من بيتنا وبتباتون هنا بعد وعشان غرام لحين ارسل حد من عيالي يجيبها وبتبات في غرفه بناتي بعد
ابو متعب سكت وهو عارف عناد اخوه حسن : خلاص اجل متعب ياولدي رح نادي اختك من السياره وتعال
متعب : ان شاءالله يبه (راح متعب ينادي اخته وسياف خذ ترف وراحو البقاله يجيبون مفرحات وسعود طلع يعلم خواته يجهزون غرفتهم ويباتون في غرفه هتان
دخلت غرام وهي تناظر بقرف في ارجاء المكان ومو عاجبها شي
الجد عبدالله ببتسامة : ارحبي يابنيتي وشلونش؟
غرام ناظرت الجد عبدالله بنظرات من فوق لتحت ولا ردت عليه
خالد و رائد تنرفزو من حركاتها ونظراتها بس ماعلقو
ابو متعب ناظر بنته بعصبيه وغرام انتبهت لنظرات ابوها واخوها متعب تصنعت الابتسامه وهي تقول بخير لحمدلله وانت جدي ؟
الجد عبدالله: عسى دوم يابنيتي لحمدلله بخير
متعب همس لغرام حبي يد عمي حسن وجدي
غرام وهي منزعجه : تمام
راحت غرام وحبت يد جدها وعمها
ابو متعب جلس يعرفها على جدها وعمها ابو سعود وخالد عمها ورائد
جت الهنوف وهي ترحب بغرام
غرام ناظرت الهنوف وردت عليها ببرود خذت الهنوف غرام تعرفها على باقي العايله وكان على جيت سعود الهنوف قالت لها ذا اخوي الاكبر سعود
سعود ابتسم وقال: وشلونش غرام؟
غرام : تمام بخير
وصدت سعود استغرب من حركاتها وسكت وراح للحوش
هتان همست لوديان وهي تقول لها : قلت لك شايفه نفسها
وديان : ويعععع على وش
ام سعود ناظرتهم وهي تاشر لهم يسكتون حتى لا تسمعهم واشرت للهنوف انها توريها غرفتها
الهنوف خذت غرام ومعاها هتان و وديان يورون غرام غرفت وديان والهنوف اللي بتبات فيها
الهنوف : وهذي غرفتنا انا ووديان بس بتباتين فيها
غرام : لا تقولون انكم بتنامون معي ؟
الهنوف : لا بننام في غرفه هتان
غرام بقرف : كويس حسبت بس وين السرير؟ وشلون تبوني انام على فراش حد ثاني ؟ وليه غرفتكم قديمه كذا
وديان تكلمت وهي تحاول تمسك نفسها : عاد ذا الموجود ياليت تتقبلينه
غرام بغرور : امم ياليت تطلعون من الغرفه تعبانه وابي استريح
الهنوف : ان شاء الله
سكرو البنات باب الغرفه وهم منزعجين
وديان : وش ذي تكفون شايفه نفسها مره جابت لي الغثيان
الهنوف : كنت احسب انكم تظلمونها بس ماتوقعتها لذي الدرجه توقعتها زي متعب
هتان : اقول خلونا ننزل مالي خلق اشوف وجهها اكثر
وديان : صدقتي لا بعد تطردنا كانه البيت بيتها
الهنوف : خلونا ننزل نكمل تصليح العشى
وديان هتان : تمام ( رجعو البنات للمطبخ ورجع سياف هو وترف من البقاله وعلى وصولهم كان العشى جاهز تعشو و غرام رفضت تنزل تتعشى وطلعو لها العشى لغرفتها والكل راح ينام الا متعب وهتان وسياف و وديان وسعود والهنوف ورائد وخالد كانو مجتمعين بالحوش
يسولفون
متعب : اجل كنتو تنتظروني حتى نروح السطبل ؟
سياف بضحكه : ايه نحن نتسابق والحريم يجلسون يسولفون ويستأنسون
متعب : خلاص بكرا صباح نطلع
رائد : لا ذا تحمس وش بكرا توك واصل والطريق طويل
متعب : ما احس بتعب وبعد اشتقت اتسابق معكم
خالد : اجل خلاص بكرا عالساعه6 نتجمع كلنا
هتان : بس عددنا كبير مع من بنركب ؟
الهنوف : صدق
سياف بتفكير : البنات اركبو مع خالد
خالد : وش معنى انا؟
سعود : علشانك عمنا والبنات لو حبو يكشفون عن شعرهم وياخذون راحتهم
خالد : بس كل البنات مايكفون معي
رائد : هتان وتنوف وغرام والهنوف معك
خالد : تمام
وديان : وانا؟
سياف: انتي بتركبين معنا انا وسعود ومتعب ورائد
وديان : ماشاءالله وش معنى انا؟
خالد بضحكه : لانهم يعرفون انش ملسونه وعن عشر رجال واللي معي حريم حساسات ضعايف المساكين
وديان : لا والله لو انك شفت غرام حتى تتكلم يا انها تجيب المرض هي ودلعها وغرورها لو تكلمت معها كويس بتدعي الله ليل ونهار اني اركب معكم
سياف تكلم بنبره حاده : وديان
وديان خافت من نبرت سياف وتذكرت ان متعب هنا
وديان : اسفه متعب
متعب ضحك وقال : خذي راحتك ياملسونه غرام وانا اخوها يلا اتحملها
وديان : هاه شفتو حتى هو يتفق معي
هتان : انا بقوم اتصل لتنوف اعلمها
الهنوف : تمام
قامت هتان واتصلت لتنوف وتنوف استانست وتحمست
ورجعت هتان وهي تقول تنوف موافقه
سياف تكلم وقال : اجل يلا ننام ومن بكرا نجهز كلنا وجهزو وش بتاخذون معكم
الهنوف : أن شاء الله بجهزهم قبل نطلع
سياف : يلا تصبحون على خير
الكل وانت من اهل الخير وبعدها بثواني قام الكل ينام
____________________________________
صباح اليوم الثاني عالساعه سته طلع سياف وسعود ورائد ومتعب وخذو معهم وديان وركبو السياره كان الترتيب سياف يسوق ومتعب قدام وورا مرتبت متعب سعود وبالنص رائد وعجنب باليسار وديان
صحت تنوف وهي ترتب شكلها حطت روج نود ومسكرا ولبست بنطال ابيض وبلوزه زرقاء وخذت جاكيت ابيض وشوز ازرق ولبست عبايتها وغطت وجها ونزلت لتحت وهي ماسكه بيدها شنطه بيضاء وحاطه فيها جوالها واشياء تحتاجها ودعت امها وابوها وركبت ورا كانت الهنوف جالسه بالنص وبحضنها ترف وعاليمين غرام وقدام يسوق خالد وجنبه هتان حركو لسياره عالسطبل وصلو و كانت وديان تنتظرهم خالد ركب الخيل حقه وراح يدور الباقي الهنوف والباقي ابتدو يفرشون السجاد وجلسو فوقه وابتدو يضبطون الجلسه ويحطون المفرحات الهنوف راحت للمطبخ حق السطبل تحضر القهوة والشاهي كانو البنات شايلين العبايات بس حاطين المنديل على جنب عشان لو جا حد من قرايبهم
يغطون شعرهم بسرعه غرام كانت قرفانه من الديره ومن جوهم ومن كلشي قامت وراحت تتمشى في السطبل على حكم انه كبير ومافيه حد غير قرايبهم حطت سماعاتها وابتدت تتمشى في المكان
الرجاجيل كانو واقفين با اخر الحلبه حقت السباق ينتظرون خالد يوصل
متعب تكلم وقال : اشوف حد جاي من بعيد
سياف : اكيد انه خالد
سعود وهو يركب خيله : اجل اركبو خيوالكم ومن يوصل نبدا السباق
رائد وهو يركب خيله : تمام
سياف ومتعب ركبو خيولهم ينتظرون خالد
خالد وصل عندهم وقال : عسى ما تاخرت؟
سياف بضحكه خفيفه : لا تخاف ما تاخرت كثير
خالد : اجل يلا نبدا العد وبكسر خشمك انت وياه وياه
سياف ببتسامه ثقه وهو يرفع حاجبه: تعقب وتخسى
متعب تكلم بمزح وقال : سياف لو اني بنت تزوجتك
سعود : اقولكم ذا وضعه مب تمام
متعب بضحكه : لا يارجال بس والله انه حلو يوم يتكلم بثقه ويرفع حاجبه
رائد : اقول خلونا نتسابق بس لا تتهربون
خالد : تخسي والله نتهرب
سعود : استعداد
الكل استعد وابتدا رائد العد
(نروح للبنات )
تنوف وهي تلتفت : بنات وين غرام؟
هتان بستغراب : مدري توها كانت هنا
وديان : اقول خلوها بس فكه من تمل ترجع لنا
الهنوف بخوف : بس غرام ماتعرف السطبل والسطبل كبير ماهو بصغير
البنات ركزو انه غرام اول مره تجي الديره والسطبل وطبيعي بتضيع من كبر السطبل
تنوف بقلق : بنات وش نسوي ؟
هتان بقلق : نقوم ندور لها
وديان بقلق : خلاص تمام يلا
الهنوف تكلمت وهي قلقانه : بنات لحظه تنوف وهتان انتم اساسا ماتعرفون السطبل زيكم زيها بتضيعون ونحن صدق نعرف السطبل بس تراه كبير حتى نحن ممكن نضيع فيه
هتان : وش الحل ؟
تنوف : بنات مو معقول نخليها اكيد انها خايفه لحين
وديان وهي تتكلم : بنات اشوف حد جاي
الكل التفت يشوفون من الجاي من البعيد
الهنوف : سياف ذا سياف
سياف كان أول الواصلين استغرب يوم شاف هتان والباقي ينادونه من بعيد زاد سرعته ووقف عندهم
سياف : عسى ماشر؟
هتان : سياف تكفى غرام ضايعه
سياف بستغراب : وشلون ماكانت معكم؟
وديان : الا كانت بس فجاء اختفت
سياف : تمام لا تتحركون من مكانكم بدورها وبرجع
الهنوف بدموع : طيب
لف سياف الخيل حقه وزاد سرعته
تنوف كانت واقفه وهي قلقانه تكلمت وديان انه في حد جاي من بعيد لفت تنوف تشوف من جاي تفاجت يوم شافت رجال راكب حصانه الاسود بملامح حاده وحلوه كافيه انها تأسر قلبك من تشوفها من جماله وشعره الاسود وشنبه وسكسوكته وعيونه السوداء إللي كانها خذت جمال العالم كله تنوف ماكانت مركزه في حديثهم ولا انتبهت لهم يوم نادوه سياف كانت مركزه في وجهه وهي تحس قلبها انشد له من اول نظره ماتدري شلون انشدت له وانجذبت له بذي السرعه وشلون قلبها ماوقف عن النبض من شافته حتى انها حست كانها بعالم ثاني وكانت مركزه عليه وكانه مافي حد بالمكان غيرها هي وهو ماكانت تدري وش كل المشاعر اللي تحس فيها مشاعر شوق واشتياق ومشاعر غريبه وقلبها اللي ماكان مستقر من نبضاته
انتبهت هتان لشرود تنوف وهي تناظر من نفس المكان اللي جا منه سياف استغربت وجلست تناديها تنوف ماكانت تسمع هتان وهي تناديها لانه تفكيرها كله كان بالرجال اللي شافته لحين
البنات استغربو وقلقو على تنوف اللي كانت واقفه ومعلقه عيونها بالهواء وواقفه مكانها بدون اي رده فعل جلسو البنات ينادونها لين انتبهت لهم وهي تقول هلا ؟
الهنوف بخوف : حبيبتي تنوف فيش شي يوجعش شي ؟
تنوف بتوتر : لا لا بخير
وديان بقلق : اجلسي استريحي بجيب لش مويه
تنوف : ان شاءالله
الهنوف ساعدت تنوف انها تجلس وكانت محسبه انها قلقانه على غرام وهي تتكلم وتحاول تطمنها لا تخافين سياف لحين اكيد بيرجعها
تنوف ماكانت مركزه بس انتبهت يوم نطقت اسم سياف
تنوف : سياف؟
هتان بقلق : تنوف وش فيك؟
تنوف تكلمت وهي مو مستوعبه: وش دخل سياف؟
الهنوف خافت اكثر : تنوف حبيبتي بجيب لش شي تغسلين وجهش فيه ( وراحت الهنوف للمطبخ تستعجل وديان بالمويه وتجيب فوطه مبلله فيها مويه)
تنوف : هتان؟
هتان بقلق : هلا ؟
تنوف : من اللي جا لحين؟
هتان بستغراب : من تقصدين؟
تنوف : اللي راكب خيل اسود
هتان وهي توها تستوعب : اها قصدك سياف؟
تنوف بصدمه : ذا سياف؟
هتان بستغراب : ايه سياف بس ليه تسالين؟
تنوف : ولا حاجه بس مدري وش صار لي يوم شفته
هتان بضحكه : اها شكله في حد طاح ومحد سمه عليه
تنوف جت بترد بس قاطعتها جيت وديان وبيدها مويه
وديان : امسكي تنوف سمي بالله و اشربي
تنوف مسكت المويه من يد وديان وشربته
(نروح عند غرام )
غرام كانت تتمشى وقررت ترجع بس اكتشفت انها ضاعت حاولت تدور الطريق بس ماعرفت والدموع تجمعت بعيونها من الخوف صارت تصارخ وتنادي
سياف كان يدورها وسمع صوت حد يصارخ وعرف انها غرام لانه السطبل ملك لعائله الجد عبدالله وماحد يدخله غيرهم الا وقت التدريب سياف صار يلحق مصدر الصوت شاف بنت شعرها لنص ظهرها ولابسه ترنق ابيض بنطال ابيض وبلوزه بيضه قرب سياف منها وهو يقول انتي غرام
غرام ناظرت لمصدر الصوت وشافت رجال مزيون ملامحه حاده وكلشي فيه يجذب تكلمت ايه انا من انت؟
ابتسم سياف وقال : لا تخافين انا سياف ولد عمش حسن تعرفين تركبين خيل؟
غرام هزت راسها بمعنى لا
سياف نزل من الخيل حقه وقال لها اركبي وانا بمسك الخيل غرام هزت براسها وساعدها سياف تركب الخيل ومسك حبل الخيل وكان يمشى وغرام راكبه الخيل وهي تناظر سياف بعجاب
خالد والباقي وصلو واخيرا
متعب بستغراب : وين سياف؟
رائد : اذكر انه سبقنا؟
خالد : مستحيل يكون بعده ماوصل لانه كان فالمقدمه ولو رجع لنا كنا شفناه؟
سعود حس بقلق على اخوه وهو يقول بروح ادوره
وديان تدخلت وقالت: سياف وصل قبلكم بس راح يدور على غرام
متعب بقلق : غرام وش فيها؟
هتان : مدري كانت جالسه معنا وفجاء ماعاد شفناها
متعب بقلق : بروح ادورها
رد خالد ورائد وسعود : يلا
وديان : شوفو هناك
الكل ناظر وين تاشر وديان وشافو سياف جالس يمشى وبيده الحبل حق الخيل وغرام جالسه فوق الخيل
ركض متعب لغرام بقلق وهو يتطمن عليها
غرام : بخير مافيني شي
الهنوف جت وبيدها الفوطه اللي فيها مويه وفرحت من شافت غرام
وديان بجيب لش مويه غرام
غرام : تمام وجلست وجلس متعب وهو يطمنها
الهنوف : خذي تنوف مسحي وجهش
سياف من سمع اسم تنوف لف وجهه بسرعه يدورها شافها جالسه وجنبها هتان وبيدها مويه والهنوف تمسح وجهها
تكلمت الهنوف : تحسين نفسش احسن لحين؟
سياف بخوف وقلق بان عليه : عسى ماشر وش فيها تنوف؟
الهنوف : من خوفها على غرام شردت وماكانت تحس فينا وحنا نناديها
سياف بقلق وخوف : نروح المستشفى ؟
هتان حاولت تمسك ضحكتها لانها تدري وش فيها تنوف
تنوف جت عيونها بعيون سياف اللي واضح فيه الخوف كانت تنوف تناظر عيون سياف وهي منجذبه لعيونه
سياف زاد قلقه وهو يشوف تنوف تناظر وساكته
قرب خالد من تنوف وهو يسمي عليها
تنوف انتبهتم لهم وقالت بحراج : انا بخير لا تقلقون
سياف تكلم والخوف واضح : استريحي
تنوف هزت براسها بمعنى ايوه وهي بعدها مركزه بعيون سياف
سياف انتبه لنظرات تنوف له وهو مايدري سبب نظراتها بس كانت دقات قلبه تزيد وهو مركز نظره عليها
غرام انتبهت لنظرات تنوف لسياف وتكلمت بغيره
ايوه شرايكم تعلمونا وشلون نركب خيل؟
تكلم سعود وقال : بس تنوف تعبانه الافضل نرجع البيت
تنوف :لا لا انا بخير ودي اركب خيل
ابتسم سياف وقال : اجل يلا
متعب تكلم بخبث : ايه خالد وش رايك رائد يعلم هتان
خالد رد بنفس الخبث : فكره انا بعلم وديان وشلون تركب خيل وانت بتعلم اختك
هتان زادت نبضات قلبها من فكره ان رائد يعلمها وشلون تركب الخيل
تكلم رائد : لا تكفون ماحصلتم غير ذي غبيه ماتفهم
هتان بنرفزه: من الغبيه؟ انا اصلا اللي مابغاك تعلمني وشلون اركب خيل
رائد وهو يحاول ينرفزها اكثر : لا والله مب بميت عليش
هتان وهي تقلده بطريقه تضحك : لا والله مب بميت عليش
رائد : لا تقلدين
هتان : انقلع بس لو اموت ما اقبل انك تعلمني
رائد بعناد : دام كذا والله محد يعلمش غيري
هتان بعناد : لا تحلف لاني مابركب اصلا بجلس اتفرج
رائد بعناد : زين وانا بجلس معاش يا انا يا انتي
هتان بعناد : تمام نشوف
الكل ضحك على ردت فعلهم
غرام بدلع : سياف عادي تعلمني وشلون اركب خيل؟
سياف استغرب من دلعها : وقال لو ودش اخوش يعلمش
غرام بدلع اكثر : لا شرح متعب صعب
تكلمت تنوف بندفاع بدون لا تحس وش قالت : سياف بيعلمني وشلون اركب الخيل
سياف استغرب من تنوف وبنفس الوقت فرح
الكل برضو انصدمو من اندفاع تنوف وطلبها سياف يعلمها ( وتنوف احمر وجهها يوم انتبهت وش قالت )
غرام بغيره : وش معنى سياف يعلمك ؟
متعب : لانه كل واحد فينا بيعلم حد عددنا خمسه وانتم خمس
غرام بغيره : طيب خالد يعلم تنوف
خالد : ابغى اعلم وديان عشان اضحك عليها وهي تطيح مايمديني اطقطق على تنوف
غرام تكلمت بغيره وغيض: تمام
كان الترتيب
خالد / وديان
سعود / الهنوف
متعب / غرام
سياف / تنوف
رائد / وهتان بس كانو جالسين
سياف : حاولي تركبين الخيل اول
تنوف بشويه خجل : طيب
حاولت تنوف تركب الخيل وكانت بتطيح ومسكها سياف بسرعه جت عيون تنوف بعيون سياف مره ثانيه تنوف شمت ريحه عطره وهي تحس انها شمتها من قبل بس ماتذكر وين تنوف عجزت تعرف سبب نبضاتها وليه حست بشي يحرقها يوم تكلمت غرام انها تبي سياف يعلمها سياف كان يناظر تنوف وهو يتامل وجها عن قرب مستغرب وشلون الله ابدع في خلقه لها ولجمالها
سياف تدارك الموقف وحس على نفسه وبعد يديه عن تنوف بسرعه وهو يحمحم
سياف : احم حاولي مره ثانيه بس انتبهي تطيحين
تنوف : أن شاءالله
حاولت تنوف تركب لين ركبت وابتدا سياف يعلمها
وتنوف كانت مستانسه
تنوف : امم سياف
سياف : عيونه؟
تنوف توترت من قال عيونه  : وش اسم الحصان؟
سياف ببتسامه سرقت قلب تنوف اكثر : برق
تنوف : برق ؟ اسمه يجنن
سياف لا شعوريا : انتي اللي تجنني
تنوف قلبها نبض واحمر وجهها
سياف انتبه وش قال وغير الموضوع
سياف : اشوفك نسيتي وشلون تركبين الخيل
تنوف بستغراب : نسيت؟
سياف ضحك ضحكه خفيفه وقال : اذكر اني معلمش عدل
تنوف استغربت لانها ماتذكر انها شافت سياف من قبل
وديان بصراخ : خالد ياحيوان ساعدني بطيح
خالد : قولي عمي خالد ثاج راسي وبساعدش
وديان : تخسي وتعقب
خالد : اجل طيحي
وديان بخوف : خالد عمي وثاج راسي
خالد بضحكه : شاطره
وساعدها وديان نزلت من الخيل وقالت : انقلع ما ابغيك تعلمني
خالد : افا بتندمين ترا
وديان : انقلع والله ما اندم بروح لا اخوي سندي حبيبي سعود
خالد بضحكه : ابركها من ساعه
وديان راحت لسعود وهي تطلب منه يعلمها
سعود بضحكه : خالد ما تتوب ؟ وش فيك على اختي
وديان وهي تتمسكن : شايف وانا اختك وش يسوي فيني الحيوان
الهنوف كانت تضحك عليهم وعلى هواشهم
وغرام كانت تناظر سياف وتنوف بغيض
متعب لاحظ وتكلم : غرام
غرام : نعم؟
متعب : ادري وش يدور براسك بس ترا تنوف محجوزه لسياف لا تحاولين افضل لك
غرام بغيض اكثر : لسياف؟
متعب : ايه من هم وصغار بعد يويلك تقربين من سياف لو قربتي بنسى انك اختي وبكون اول حد ضدك
غرام تكلمت بغيض : تمام
رائد : هاه متاكده ماودش تركبين؟
هتان بعناد :لا ما ابغى
رائد : براحتش
هتان جلست تناظرهم واستسلمت وقامت من مكانها
وحاولت تركب الخيل
رائد ضحك وقال : ماتبغين مساعده؟
هتان : لا
رائد : امسكي يدي وحاولي تصعدين
هتان استسلمت وناظرت بيد رائد ونبضات قلبها زادت مسكت يده وصعدت
رائد ابتسم وحس بشي غريب بقلبه : وابتدا يعلمها
هتان ضحكت واستانست وهي تمشى بالخيل
و رائد ناظر هتان وابتسم من شاف ضحكتها وابتسامتها
عدات الساعات وصارت الساعه عشر الصباح
وجلسو الكل وابتدو يفطرون من الفطور اللي جابته الهنوف معها
متعب : هنوفه عاشت يدك طبخك يجنن كالعاده
الهنوف بضحكه : تعيش ايامك
ترف كانت نايمه وصحوها على الفطور وجلست تاكل بعدها راحت تجلس بحضن سياف وسياف مبتسم لها ويلعب بشعرها تنوف كانت تناظر سياف وحنيته وابتسامته استغربت وشلون كانت كارهته
وهتان و رائد يتهاوشون كالعاده وخالد يحاول يحاشر وديان وينرفزها وسعود والهنوف ومتعب يسولفون سوا
متعب : وش رايكم ندور لعبه نلعبها؟
وديان : قدام وش نلعب ؟
تنوف بحماس : برا السالفه
الكل ناظر بستغراب وش ذي ؟
هتان تكلمت وهي تقول : لعبه نلعبها كلنا وواحد مننا يكون برا السالفه يعني اننا نكتب اوراق على قدنا نختار حيوانات او ملابس ونكتب عشر اوراق على قدنا مكتوب فيها اسم الحيوان وشخص واحد مننا تطلع له ورقه انه برا السالفه
ولازم مايحسسنا انه برا السالفه
الهنوف : بس لو اخترنا حيوان كلنا بندري
تنوف : واحد فينا مابيلعب وهو بيختار الحيوان
غرام: انا مابلعب
متعب : اجل اكتبي انتي الحيوان
غرام بتأفف: تمام
سعود : من معه ورق وقلم؟
تنوف : انا جايبه معي
رائد : حلو
طلعت تنوف الدفتر والقلم وعطتهم غرام
غرام كتبت اسم الشي ووزعت الورق
والكل فتح ورقه وابتدو يلعبون
تكلم سعود وهو يقول : كم لون له؟
سياف : اكثر من لون
هتان : وين ينلبس؟
متعب : باليد
ضحكو الكل وتكلمت وديان. : متعب انت اللي برا السالفه
متعب : هيي وشلون عرفتو
ضحك خالد وقال : تراه تيشرت وشلون ينلبس باليد؟
متعب : اها
رائد : متعب اطلع برا خسرت
متعب بتافف : تمام
متعب خذ الورق هالمره وهو كتب
تكلم سياف وقال : كم لون له؟
سعود: لونين
رائد : ملابس ولا من الحيوانات؟
تنوف : حيوان
خالد : نوع الحيوان متوحش ولا
وديان : لا لطيف
الهنوف : وش من نوع الحيوانات؟
هتان: من الطيور
الكل ماعرف من الشخص اللي برا السالفه
وضحك سياف اخر شي الكل استغرب من ضحكه
وقال سياف :والله انكم اغبياء انا اللي برا السالفه
خالد : اما وشلون محد شك فيك
الكل ضحك على غباءهم ورجعو يلعبون من خلصو لعب وغيرو جو الكل شالو الاغراض والحريم يلبسو عباياتهم ورجعو البيت عصلاه الظهر
صلو العيال ورجعو البيت بعدها
هتان قالت انها تبي تجلس ببيت تنوف شوي ووصلوها لبيت تنوف والهنوف ووديان رجعو البيت يحضرون الغداء مع امهاتهم وغرام طلعت لغرفتها وهي تفكر بسياف
الجد عبدالله ببتسامه :عسى غيرتم جو؟
متعب تكلم بحماس : استانسنا والله
ابو سعود ضحك وقال : واضح على وجيهكم
ابو متعب : عسى الله لا يبعد الابتسامه والفرحه عن وجيهكم
ردو الكل امين
جلس سياف وسعود و رائد وخالد ومتعب يسولفون عن اليوم ووش سؤو وكيف استانسو ( بعيدا عن ذكر لما ضاعت غرام )
الجد عبدالله ضحك وقال : اجل لعبتم ومحد عرف ان سياف برا السالفه كفو وانا جدك
سياف بضحكه : كفوك ابوي
سعود : ترا سياف مايخلي حد يشك فيه مدري شلون
خالد : ايوالله محد قدر يعرف ولا واحد بالميه انه برا السالفه
الجد عبدالله : اخر شي من فاز؟
رائد بضحكه : سياف وسعود
ابو سعود بمزح : افا يارائد سودت وجهي دوم مفشلني
ابو متعب : ماهقيتك غبي يامتعب
الكل ضحك وابتدو يسولفون وجهز الغداء وتغدو
نروح لبيت تنوف
تنوف : هتان
هتان : وش ؟
تنوف : عادي تسولفين لي عن سياف؟
هتان بستغراب وضحكه : لا بنتنا طاحت ومحد سمى عليها
تنوف بخجل : اسكتي محسبتيني ما انتبهت لنظراتك لرائد
هتان بخجل: تنوف ياحيوانه
تنوف : تكفين سولفي لي عنه
هتان بضحكه : طيب طيب لا تاكليني بقشوري
شوفي سياف مايحب الحلا مره واذا اكلها ياكلها مع القهوة
وهو مدرب خيل كل سبت واحد يروح يدرب خيل ويرجع
تنوف : يدرب بنات ولا عيال؟
هتان : وجع تنوف مسرع غرتي ؟
تنوف : لا من قال غرت؟
هتان بضحكه : اي واضح واضح
تنوف : كملي
هتان تكلمت وهي تقول: يدرب مختلط ومعاه صديقه يدرب اقرب حد له من اخوانه هو سعود
تنوف : لاحظت هالشي
هتان : سياف شخصيته قويه وعصبي والكل من الديره او من قبيلتنا او اهلنا يحسبون له الف حساب وكلمته ماتصير اثنين عند الجد عبدالله شديد وراعي فزعات وحبه لسعود واخوانه ماينوصف شاعر ويقول شعر يجنن بالحيل وعنده عزه نفس عاليه ومحد يقدر يغير رايه لا صد بذات عزت نفسه لو وش مايكسرها
تنوف كانت تسمع وصف هتان لسياف وهي مبتسمه
تنوف بستغراب : شاعر؟
هتان : ايه شاعر
تنوف : تذكرين قصيده قالها؟
هتان: للامانه لا بس قصايده فيها حب
تنوف : وش ؟
هتان ضحكت وقالت: لا تخافي مافي حد بقلبه غيرك
تنوف :وش دراك اني بقلبه؟
هتان ماحبت تفضح الهنوف وقالت : مدري احس كذا لانه مافي حد بقلبه اساسا
تنوف استانس ان مافي حد بقلب سياف وتذكرت شي
تنوف : هتان؟
هتان : هلا؟
تنوف : اللي كويت له الشماغ هو سياف؟ صح
هتان بضحكه : احلفي احسبك استوعبتي من سمعتي صوته
تنوف رجع قلبها نبض وقالت: عرفت من ريحه العطر
هتان : اها من العطر ( وضحكت)
(نروح لعند عبير وحمدان)
كانت عبير تضحك وهي تشوف الدنيا من فوق
حمدان مبتسم لا ابتسامه عبير وقال لها اجلسي لا تطيحين
عبير ضحكت وقالت : مابطيح في قزاز هنا حمدان تعال وشف الدنيا من هنا
حمدان ضحك وجلس يناظر من القزاز ( كانو راكبين في العجله الدواره)
حمدان ضحك وقال لها: ادفع نص عمري واشوف وجهك يضحك دوم
عبير خجلت من كلام حمدان وضحكت
حمدان جلس جنب عبير وحضنها
عبير ابتسمت وهي تحس بحزن بقلبها وشلون بتترك حمدان وبتمشى وشلون بتخليه وحده

نرجع للديره الكل صلا صلاه العشاء وتعشو وصارت الساعه عشر والكل راح ينام في غرفه خالد عند العيال
سعود وسياف كانو فارشين جنب بعض ومتعب قرر يحشر نفسه بنص بينهم ورائد وخالد قربو فراشهم
سياف : من لحين ناشب لنا؟
متعب : معليش احب اخرب العلاقه بينكم انتو الاثنين
سعود : لا تحاول مامن شي يخرب علاقتنا
متعب : بسالكم
رائد : وش
متعب :الهنوف ليه تضل ساكته؟
خالد : مدري ذا طبعها وليه تسال عنها؟
متعب : مدري بس فضول
رائد رمى مخدته على متعب وقال : نام وخل الفضول عنك
متعب بالم : وش هالاستقبال حقكم من اول ماوصلت وانتم مساحين فيني الارض
سعود ضحك وقال: من حبنا لك
متعب : اعوذ بالله من حبكم تكفون لا تحبوني اكرهوني
سياف : ومن قال لك اني احبك؟
متعب : سياف لو سمحت انت تحبني غصب عنك اقصدهم هم مب انت الا انت
سياف : ياحول الله
متعب ارتمى فوق سياف وهو يقول احبك ياشيخ
سياف : لا تحبني الله يخليك وقم عني
سعود ضحك وهو يقول : ابعد عن اخوي ترا سياف حقي
رائد و خالد ضحكو وتكلم خالد وهو يقول : سياف الله يعينك من لحين قلبي معك
سعود : متعب قم عن سياف
متعب : مابي
سياف بنرفزه : خلوني اعرف انام وقم من فوقي
متعب استسلم واخيرا و ابعد عن سياف
والكل رجعو لفراشهم بعد ضحك ومزح وحاولو ينامون
سياف كان ماخذ عقله وش صار اليوم وهو يتذكر تنوف وملامحها وكيف كانت تبيه يعلمها تركب الخيل ابتسم والفرحه مب سايعته غمض عيونه وحاول ينام نفس الشي كان عند تنوف كانت تفكر بسياف طول الوقت بس للحين ماتذكرت متى سياف علمها تركب خيل وغمضت عيونها وحاولت تنام
بنسبا لرائد وهتان ولا واحد فيهم يفهم مشاعرهم
لبعض وحاولو يطيرون هالافكار من راسهم وينامون
غرام كانت محترقه طوال اليوم وهي تفكر وشلون تاخذ سياف لها وشلون تبعد تنوف اما وديان والهنوف نامو بسرعه مثل خالد ومتعب اللي من غمضو عيونهم غطو بنوم سعود كان يناظر سياف ولمح ابتسامته ابتسم سعود وقال بقلبه عساني ما اشوف الحزن مقرب لك بيوم والابتسامة ماتفارق وجهك وانا اخوك وناظر سعود بعدها لرائد وابتسم برضو وهو يقول ماتوقعت ان ممكن هتان ورائد عندهم مشاعر لبعض بس شكلهم مايدرون عن هالشي عسى الله يجمعكم بالحلال ولا يفرق بينكم لا انتم ولا تنوف وسياف وغمض عيونه وهو يدعي من قلبه انه مايشوف يوم الحزن بعيون حد من اخوانه

ننهى البارت لهنا