ماطلبت عذرك أنا نفسي عزيزة

Part 63

" بعد ثلاث اسابيع "

يوم السباق |بالمدرجات |
وصلو متعب والهنوف ، وتنوف واعتام وعذاري وفهد و زياد وزوجته غلا ، وقعدو البنات  كلهم بالصفوف الأولى والعيال وراهم ، طلعت تنوف جوالها حتى تجهزه لتصوير والتفت لـ اعتام اللي كانت جالسه جنبها: حماس احس
ابتسمت اعتام وقالت: حماس طبعا ، بتشوفين زوجك يسابق ( وغمزت لها ) ضحكت تنوف وهي تناظر المضمار اللي بيبدون عليه السباق : طبعا ،
الهنوف : بنات صورو وارسلو لـ هتان حتى تشوف ومنها  توريه لـ وديان وترف، كان ودهم يشوفون السباق بنفسهم
غلا  : شي اكيد اننا بنصور لهم من كل الجهات ونرسله ماعليكِ
الهنوف ببتسامة : يازينش والله ياغلا ،
رجع متعب يدينه لوراء راسه وهو يقول بثقه  : اكيد سيافي بياخذ المركز الاول بدون منازع
زياد : اكيد سياف ماشاءالله عليه يسبق الكل حتى لو كان اخرهم ( ابتسمت تنوف بخفه وهي تسمع حوارهم وكلامهم عن سياف ، كانت حاسه بمشاعر غريبه ومنها حماس لانها اول مره بتشوف له سباق بالواقع وكانت واثقه زي ثقه الباقي بانه بيفوز ولا بيخسر السباق ، لاحظت اعتام ابتسامة تنوف وشرودها وابتسمت بخفه وهي تناظرها بهدوء ، التفتت تنوف بستغراب تناظر اعتام اللي كانت تناظرها وهي مبتسمه و ساكته ، وجت تنوف ببتكلم بس قاطع عليها  صوت المعلق وهو يعلن بدايه السباق ،
تقدم سعود مع خيله غيم وهو يربت عليه بخفه : نبي المركز الاول ياغيم (صهل غيم ورفع رجوله وكانه فهم كلام سعود ، ابتسم سياف بجانبية وهو يناظر سعود من بعيد و متاكد من فوزه ، التفت سعود من حس بنظرات سياف وابتسم له واشر له بمعنى "لا تخاف الموضوع عندي" وركب خيله بعدها وهو يحرك يوقف مع المتسابقين ، فزت اعتام بفرحه من شافت سعود وسطهم وطلعت جوالها وبدت بتصويره، ووقفو متعب وزياد من مكانهم وهم يشجعونه ،
متعب وهو يرفع يدينه ويصفق: يلاا يااسععوود اسبقههمم يااسععوددد
ناظرو زياد وفهد بمتعب وهم يضحكون و يصفقون معه ،
معلق السباق: استعداد انطلاااااق
بدو الخيول والمتسابقين بالسباق وكان سعود ينافسهم بكل سهوله هو و غيم ،
معلق السباق : رقم واحد يتقدم ويتجاوز جميع المتسابقين اوه لا رقم سبعه يتقدم (سياف كان يناظر السباق بهدوء وهو متاكد وواثق بان سعود بياخذ المركزه الاول ، صفق ناصر وهو يصارخ بصوت عالي : سععععود لا تخلييه يتعداك ياسعوووود
وقف متعب على كرسيه بالمدرجات وبدا بالتصفيق والتشجيع وهو يصارخ باسم سعود وبدو كل الي بالمدرجات يتفاعلون معه ويشجعون ، ناظرهم  سعود و ابتسم بخفه وهو يشد على لجام خيله: المركز الاول ينتظرنا ياغيم ،
معلق السباق: المتسابق رقم واحد يتقدم ويتجاوز رقم سبعه (فزت اعتام وهي تغطي فمها بيدها وصارخت بحماس : سعوود يلا لا تخليهم يسبقونك
التفتت حمدان لـ سياف ونطق بتسأل: تحس بيفوز؟
سياف ببرود : المركز الاول دايم لنا ( سكت حمدان وهو يناظر سعود اللي كان يشد على لجام خيله ويتقدم ويتجاوز جميع المتسابقين: مانرضى بالتالي الاول لنا ياغيم ( بلحظات وبخلال ثواني تقدم سعود عن الكل و سبقهم  .
معلق السباق: متسابق رقم واحد يفووز بالمركز الاوووولل ( فزو كل اللي بالمدرجات بفرحه واعتام والهنوف حضنو بعضهم و وهم في قمه وناستهم
نقز متعب يحضن زياد وفهد بفرحه ووخره زياد عنه وعن فهد وهو يضحك : خنقتنا يا رجال وشفيك ؟
ضحك متعب ونطق بفرحه : اخذهااا اخذها
ابتسم سياف بـ ثقه وناظر حمدان : قلت المركز الاول لنا ( ركض ناصر لـ عند سعود بسرعه وهو يقول : كفوو سععووددي اخو سفسفييي كفو
فيصل ببتسامة  : مبرووك سعود كنت متاكد من المركز الاول 
ضحك حمدان ونطق  : مبروووك يالنسيب كنت خايف تفشلنا للصدق
نزل سعود من خيله وهو يضحك: يبارك فيكم ، افا يالنسيب ما توقعتها منك ضحك حمدان وتقدم سياف وحضن سعود: ماتوقعت تاخذ غير هالمركز من البدايه (ابتسم سعود وهو يشد على حضن اخوه  : وانت شد حيلك ها
ابتسم سياف بهدوء ونطق: ما عليك لا توصي ،
ندى ببتسامة : مبروك سعود 
سعود ببتسامة : يبارك فيش وانا اخوش ،
غزل: مبروك الفوز يامدرب
سعود: يبارك فيش  ،
معلق السباق: اتمنى من المتسابقين يتجهزون للسباق التالي ،
ناظر سياف فيصل وناصر ونطق ببتسامة خفيفه : تجهزو اثنينكم يلا لا تفشلونا ( نط ناصر بسرعه يحضن سياف : لا تخافف مابفشلك سفسفي
سياف بتنهيدة : ماعليه المركز الاول ولا الثاني غيرهم مابنرضى  ،
فيصل : افا عليك تمم اعتبر المراكز الاولى لنا من الحين
نطق حمدان وهو يضحك : لا تفشلونا بذات انت يانويصر شد حيلك لا تخيب ظننا
ضرب ناصر على صدره ونطق : افا الموضووع عندي اعتبروني فزت
ضحك سعود وقال : على هونك ماعليك المركز الثاني ولا الثالث بس ترا غيرهم بنطردك
سياف : يلا انت وياه بسكم كلام ماله لزوم استعدم للسباق،
ركبو فيصل وناصر خيولهم وتقدمو من خط السباق  غمز فيصل لناصر ونطق :لا تفشلنا
ناظر ناصر فيصل بطرف عين ونطق : شفيكم تراني انا الي بفوزكم
ضحك فيصل ولف وجه لقدام وهو يستعد للسباق: نشوف