ماطلبت عذرك أنا نفسي عزيزة

Part 60

اختفت ابتسامه عزيز من ثقه سياف وكلامه الجرئي: ماتحس كلامك جرئئ بزياده معي يا ولد العم ؟ ولا انت داري انا وش بيدي اسوي فيك ؟
ابتسم سياف وهز كتفه ببرود : لا ما اعرف ولا يهمني اني اعرف ولا يشرفني يا ولد العم اني اعرف شي عنك
ضحك عزيز بصوت عالي وهز راسه باسف : كيف الهديه البسيطه اللي كانت بتجي لسعود !؟
تلاشت ابتسامه سياف وضحك بسخريه : اها ، اجل انت الرخيص ؟ اللاعيب الرخيصة ذي ما تجي الا من واحد رخيص ، بس ياخيبه هقواتي فيك يا ولد العم طلعت رخيص واكثر عن اللازم ،
ابتسم عزيز بسخريه وهو يناظر بعيون سياف : صحيح ان لي بيد بالسالفه بس مو انا اللي رميت الكيس، عندك اعداء غيري ياولد العم لو انك ما تدري
ضحك سياف بسخريه وفصخ شماغه وهو يحطه على كتوفه بعشوائية : مايكسر لي جناح ولا تهزني كثرة الخصوم أتخطاكم حتى لو كنتم قبيله ( زادت ابتسامه سياف الواثقه وناظر بعيون عزيز ونطق بسخريه : يبقى افضل من ان يكون لي اعداء اكثر من محبين يا ولد العم ،
هز راسه عزيز وهو يرفع يدينه بأسف : ما تخاف من النار يا ولد العم واللي ممكن يصير لك او اسويه لك ؟
تنهد سياف ورفع حاجبه بذهول وهو يولع له سيقاره ثانيه : انا الحريق ياولد العم من ايه نار تبيني اخاف ؟
عض شفته عزيز بغيض من برود سياف : مني ، انا النار اللي بتحرقك وانا اللي بكسر غرورك وانا اللي بدفن راسك بالارض انا اللي ما بخلي لك شموخ وهيبه تتباهي فيها والله اني لا اكسرك باعز ناسك واولهم سعود
تحولت ملامح سياف من السخريه للعصبيه وتقدم من عزيز وهو يطفي سيقارته برقبته وثم يلكمه بوجهه : ان كان ودك تتمرجل على حد دور لك حد على قدرك وقدك لا تقرب صوب سعود ! البنت اللي كنت احبها وخذيتها وقلت لك عليك بالعافيه بس ان قربت صوب سعود لا تلوم الا نفسك ! ما ابي اشوفك لا حول حد من اخواني ولا حول حرمتي وبنتي ولا قسم بالله وتالله وعز وبجلاله الله اني ما اخليك لين اخلي دمك يسيل ،،
مسك عزيز رقبته بالم وهو يناظر سياف بحقد : والله اني لا اكسرك والله اني لا اخليك تبكي دم
ضحك سياف ومسك عزيز من تشيرته ونطق بحده :اعلى مافي خيلك اركبه وورني مرجلتك ياولد العم ( وضربه ببطنه وطيحه عالارض وصار يضرب فيه بدون توقف او رحمه ، بذا الوقت دخل سعود للاسطبل وانصدم من شاف سياف طايح ضرب بشخص وبدون لا يتوقف او يرحمه ، وركض له سعود بسرعه وهو يبعده عن الشخص اللي انصدم من شاف انه عزيز نفسه ،،
سياف بحده وهو يصارخ : اطلعععع براااا لا اكملللل عليييك ياكلبب اطلععع لا ابتلىى فييك يالكلب
قام عزيز من الارض بصعوبه وهو يمسح الدم اللي نزل من انفه وناظر سياف بحقد : الوعد قدام يا ولد العم
دف سياف سعود بعيد عنه و لكم عزيز على وجهه وطاح عزيز عالارض وجلس سياف فوقه مكمل ضرب بلا توقف ،
انذهل سعود بصدمه وهو اول مره يشوف سياف معصب لهالدرجه وركض له يحاول يبعده عن عزيز بس ما قدر الا بعد محاولات وهو يصارخ على سياف حتى يترك عزيز :سيييياف والللي يرحم لي والديييينك خله تكفى يا
سياف لا تبتلى فيه تكفىىى ياضلعيييي خله سييياف
ابتعد سياف عن بسبب سعود اللي كان يسحبه مع ذالك كان سياف مكمل رفس فيه ويصارخ بحده خلت حتى سعود يخاف منه : يا ابن الكلبب اططلعععع بررااا لا اكملللل علييييك واقص لككك لسانكككك يانذلل ياكلب ،،
قام عزيز عن الارض بصعوبه وهو يطلع برا الاسطبل ،
ابتعد سعود عن سياف بصدمه من عصبيه سياف ونطق بخوف على سياف : علامكككك انت صاحييي !! كنت بتقتلهه توكك لو مامنعتكك كنت بتقتلهه ؟
التفت سياف لسعود ونطق بحده : واقتله ! وين المشكله ؟ ليتنيييي قتلته وشربت من دمه ابنننن اللذيننن
سعود بصدمه : سياف !
سياف بحده : نعم !
سعود : ثوبك كله دم ،
ناظر سياف لثوبه وصر على اسنانه بغيض : ذا وقته (برجع البيت ببدل ملابسي واجيك لا تتحرك من هنا )
سعود : زين ، اساسا عندي حاجه بسويها هنا ،
ناظره سياف بهدوء وصد وهو معطيه ظهره راجع للبيت،،
تنهد سعود بذهول وصدمه من عصبيه سياف وحالته اللي اول مره يشوفها واستند بظهره على سور الخيول وهو ينتظر اعتام اللي قالت انها تبي تشوفه هنا ،،