ماطلبت عذرك أنا نفسي عزيزة

Part 67

بيت عائلة الجد عبدالله | بالحوش الخلفي | المقلط |بعد صلاه العشاء |
دخلت الريم هي والهنوف وغرام وبيد كل وحده منهم ، أكله وصحون ، يحطونها بالسفرة ،
الجد عبدالله : عاشت يدينكم يا بنياتي،
غرام ببتسامة : تعيش ياجدي،
تنحنح خالد اللي كان يأكل ونطق : حمدان و وديان وعيالهم باكر صباح يكونون هنا ،
ابو متعب : يوصلون بالسلامة ان شاءلله ،
ابو سعود : ما عرفتم متى سياف وعياله وزوجته راجعين لهنيا ؟
سعود : الا يبه الليله حاكيته ونطق بانه بيجهزون اغراضهم وان شاءالله بيوصلون بعد حمدان و وديان بكم ساعه ،
ام سعود : الله ييسر لهم طريق ويجونا كلهم بخير وسلامه وعافيه ،
نطفو الجميع بـ امين ونطقت ام هتان : يبه ليه ما نطلع نكشت على ثاني يوم من يوصلون سياف وتنوف وعيالهم و وديان وزوجها وعيالها ؟
ام تنوف: اي والله صدقتي يا منال منها يغيرون جو ونغير حنا جو شوي ونستمتع ببدايه شتاء مع تواجد الكل هالسنه معنا اذكر ان اخر مره كشتنا فيها كلنا يوم زواج هتان و رائد
الجد عبدالله : ايبالله صدقتم يبيلنا كشته قريبة ، على خير اجل نشوف ذا الموضوع ، الحينه سمو بالله وابدو بالأكل ( سمى الكل بالله وبدو بالاكل وبعدها أخذ عبدالمحسن زوجته غرام وولده عزيز ورجعو لبيتهم،
ونفس الشي على متعب اللي اخذ الهنوف وولدهم رائد وابوه ورجعو لبيتهم ،

الرياض | نروح عند حمدان و وديان |
جهزو شنطهم وشنط عيالهم الاثنين عبير و عبداللطيف ، وركبت وديان قدام و ورا عبداللطيف وعبير يلعبون بالأيباد، وحمدان يسوق ،
وديان : حبيبي تصدق مره مره متحمسة أشوف اهلي
ضحك حمدان وهو يحرك سيارته : مو كاني مأخذك عندهم من شهر ؟
وديان ببتسامة: داريه بس هالمره غير واجد بعد ، بأننا بننقل نعيش هناك ، مب بس بزورهم وبرجع
ابتسم حمدان ونطق : ماعليك بتشبعين منهم بس لا تسحبين علي
ضحكت وديان ونطقت وهي تهز كتوفها: ماعليك ماعليك مستحيل مستحيل اسحب عليك
حمدان : ايوه واضح
ضحكت وديان ونطق حمدان وهو يناظر عياله من مرايا السيارة : ما تضايقتي يوم سميتيها هالإسم ؟
سكتت وديان وهي تحاول تفهم قصده وفهمت ان قصده بنتهم عبير وهزت رأسها بمعنى لا : لا ، لا تنسى إني بيوم كنت احب عبير الله يرحمها ، وبالنهايه هي اللي اختارتني لك ، ما عندي سبب يخليني أكرهها الله يرحمها كانت طيبه واجد
ابتسم حمدان وهز رأسه بالإيجاب : امين ، الله يرحمها ويخليكِ لي ياقلبي
ابتسمت وديان وحطت رأسها على كتف حمدان اللي كان يسوق : آمين ويخليك لي حبيبي

عند تنوف و سياف | بعد نص ساعة تقريباً |
قفل جواله وهو يحطه في مخبأه بعد ما كلم ناس ينقلون له برق ورعود خيله وخيل تنوف للجنوب، جت تنوف وهي تبتسم : جمعت كل أغراضنا وأغراض عيالنا
ابتسم سياف وهز رأسه بالإيجاب : زين زين على خير اجل ( قربت تنوف من سياف وهي تحط يدها على صدره : تحبني ؟
سياف : لا ،( كشرت تنوف وضحك سياف وشدها لحضنه: تدرين اهيم بش، وش هالسؤال اللي ما يعدي أسبوع بدون لا تسألينه ،
ابتسمت تنوف برضى وسندت رأسها على صدره : اتأكد بس احب اتأكد من قلبك
مسح سياف على ظهرها وهو مبتسم : ما تحسين بانش صايره غيورة بزياده اخر فتره ؟
هزت رأسها تنوف بمعنى لا : لا زوجي حبيبي من حقي ترا أغار واحترق غيره بعد
ابتسم سياف بحب وجا سعود وهو يرمي عليهم علبة المناديل : قليلين أدب عيب حنا هنا ماما بابا
ضحك سياف وابتعدت تنوف عن حضنه وانحنى سياف  لـ مستوى ابنه سعود وهو يعقد حاجبينه : تراها حرمتي بعدين إلا حضنتها وش مفهوم قله الأدب عندك أنت؟ توك ما شفت شيء
شهقت تنوف وغطت فمها وهي تناظر سياف ونطقت : سيـااف!
سياف يضحكه : وشهو حلالي ترا ؟ وتراني ما اقصد شي
ابتسمت تنوف بحراج ونقز رعد يسحب سعود من عند أبوه : سعود خلاص تعال أنت
سعود : حاضر
سحاب جت تركض وهي ماسكه لعبتها : بابا أبي لعبة جديده
سياف : ابد من عيوني الثنتين امري يا أميرتي الحلوه؟
ابتسمت سحاب وحضنت أبوها وراحت تركض تتسابق هي وسعود و رعد من يبدل ملابسه اسرع ، بعد ما طلب منهم سياف يبدلون ملابسهم حتى يتحركون ،
وبعدها فعلا ركبو السياره ، كانت سحاب ورا سياف و رعد ورا تنوف وبالنصب سعود بحكم انه أصغرهم وأصغر عن رعد بكم دقيقة، وقدام طبعا جالسه تنوف وسياف يسوق ، ويسمع سواليف سحاب اللي جالسه تسولف له وهو يضحك ويسمعها : ياحبيبه بابا إنتي
ناظرت تنوف سياف بطرف عين وتنحني وهو يمسك يدها ويحطها على صدره بـ مكان قلبه ويركز نظره عالطريق ، ابتسمت تنوف من فهمت المقصد بحركته ، بانها هي قلبه وقلبه ملك لها وحدها وما يشاركها فيه احد حتى عيالهم ،