ماطلبت عذرك أنا نفسي عزيزة

Part : 14

سياف نزل وجلس مع العيال وهم ينتظرون نزلو لهم بسرعه الباقي بحماس
سعود : مين مع من؟
اعتام :البنات معي
ناظرو فيها بستغراب
وتكلم خالد : وشلون معش؟
اعتام : معي بسيارتي
سعود: اها انتي تسوقين؟
اعتام: ايه ليكون مو عاجبك؟
سعود بتنهيده: بس يالمسلونه مالي خلقش
رائد: دام كذا اجل نحن العيال مع بعض بنمشى قبلكم وانتم الحقونا بالسياره
البنات : تمام
ركبو السياره وكان الترتيب
سياف يسوق وسعود جالس جنبه
ورا خالد ومتعب ورائد
بالسياره الثانيه اعتام تسوق وجنبها تنوف
وورا وديان والهنوف وهتان
البنات كانو يرقصون وهم مستانسين
متعب وخالد ورائد كانو يرقصون ماعده سياف وسعود
وصلو للكوفي وصف سياف السياره
وصفت اعتام وبعدها نزلو كلهم البنات جلسو بطاوله وحدهم والرجال بطاوله وحدهم
بس قريبين من بعض بس مايسمعون سوالف بعض
جا النادل وابتدا يسال البنات عن طلبهم
تنوف: باخذ حلا و ( اسم القهوة)
اعتام: بطلب زيك
هتان: حتنا
وديان والهنوف ماكانو يعرفون مره انواع الكوفي وطلبو زي طلبيه تنوف وهتان واعتام
العيال كان سعود يتكلم
سعود : وش تبغون؟
خالد : باخذ حلا واسبريسو
رائد: باخذ سابنش لاتيه بالكراميل
متعب : وايت موكا بالبندق
سعود : سياف وانت وش ودك؟
سياف :v60
سعود: تمام نبي خمسه حلا واسبريسو سابنش لاتيه وايت موكا وv60 اثنين
سياف : ماودي بحلا
سعود ناظر سياف بطرف عين: مب حلو تشرب شي مر وحده معدتك بتعورك بعدين
سياف ابتسم وقال : خلاص اجل
سعود طلب وبعدها جلسو يسولفون
(البنات )
الهنوف : تدرون عمي ابو متعب ومتعب بيرجعون بكرا للرياض ؟
وديان : حسافه والله بنشتاق لهم
اعتام : حتى انا لازم ارجع الدمام بكرا
تنوف بصدمه: احلفي ليه ماطولتي
هتان: ماشبعنا منك ترا
وديان : ايييي طولي بعد تكفين
الهنوف : مالك يومين واصله
اعتام ببتسامة: اعذروني ياقلبي والله بس خذيت اجازه ليومين ولازم ارجع ان شاءالله بعد اسبوعين برجع لكم وبطول
البنات حزنو انهم بيودعون اعتام
وديان : اوعديني انش لما تجين بتطولين؟
اعتام ببتسامة كلها حب لهم: اوعدكم
تنوف : لا تنسين تضلين على تواصل معي
اعتام : افا عليكي لا توصين
الهنوف : جا الطلب
هتان: تصدقون مشتهيه حلا من فتره مع كوفي اشكرهم والله انهم حسو فينا
تنوف بضحكه: ايه بس بعد مايدري رائد باللي صار في البقاله ماعاد بيطلعونا مره ثانيه بحياتهم
وديان بحماس : شصار؟؟
اعتام ضحكت وقالت لهم
وديان : افا يالخاينين ليه ماصحيتونا
الهنوف بضحكه: ياويلش من رائد
هتان : عادي مايقدر يسوي لي شي اصلا
تنوف : ايه نشوف اخرتها بتجينا تصيح
اعتام : فعلا (وضحكت)
الهنوف : وديان تكفين عدلي نومتش ماغير احصل رجولش بوجهي وكل ما اوخرش ترجعين
وديان بضحكه: اما
هتان : اي والله مسكينه نحن انفجرنا ضحك على منظركم
اعتام: كل ماتوخرك ترجعين لها ولا هي مسكينه نص صاحيه ونص نايمه
تنوف ضحكت
والبنات كملو سوالفهم
خالد : يعني لحين متعب بيرجع الرياض بكرا وسياف وسعود بروحون نهايه الاسبوع بنجلس وحدنا انا ورائد؟
سياف بضحكه : وانت الصادق شكلنا بنروح بكرا
متعب: الا صدق بتجون الرياض ؟
سعود : ايه للاسف يعني مابنفتك منك
متعب بضحكه: اجل نطلع سوا الصباح
سياف : انت بسياره ونحن بسياره حتى يوم نرجع نرجع بسيارتنا
متعب : ايه صدق
رائد : بس ماكنتم بتروحون نهايه الاسبوع وش صار؟
سياف : احس الافضل نروح قبل المسابقه في اسبوعين بعض المتدربين بعدهم مب بجاهزين بشكل كامل ونحتاج طول الاسبوعين ندربهم عدل
سعود : اجل من نرجع البيت بقول لا يمه تحضر شنطنا
سياف : ايه من الافضل
خالد : سلمو لنا على ناصر وفيصل
سعود : يوصل عاد وحاشيني
سياف ضحك وقال: واحشينك فيصل وناصر ولا مشتاق للحب؟
رائد بضحكه: ايه عاد ودنا نعرف مشتاق لمن اكثر
سعود : اسكت انت وهو
متعب : الا صدق بعدك ما اعترفت لها؟
سعود وهو يحك حاجبه بحراج: لا
سياف وهو يرفع حاجبه: وليه ماتجرب ؟
سعود: اخاف ماتبادلني
رائد : ومن مايبادل اخوي المشاعر؟ تراك تنحب والف وحده تتمناك صح خالد
خالد بغباء : وين الالف؟
ضحكو من غباءه
متعب: طلعت فاهي اكثر عني
خالد : احسب في الف صدق شدراني انه يعطي مثال
سياف بضحكه: غباءك تعدى غباء متعب ورائد
رائد : انا غبي ؟
سياف : يعني
متعب : رائد لا تزعل ولو اننا اغبياء بس مانتعدى خويلد
خالد ضحك وقال: اشربو كوفياتكم بس
الباقي ضحكو وشربو بعد ماخلصو رجعو للبيت
وسياف وسعود علمو الجد عبدالله انهم بيطلعون بكرا
وام سعود جلست تحضر لهم شنطهم
تنوف طلبت من ابوها يخليها تنام الليله بعد عند بنات عمها حسن يودعون اعتام وهو وافق من حبه لها
اذن العشاء والكل صلاه وتعشو بعدها اتصل سعود لعمر وعلمه يعلم عبدالمحسن وحمد يروحون للدوانيه يجتمعون قبل يروحون الرياض كلهم وعمر اتصل لعبدالمحسن وحمد وسبقوهم للدوانيه طلعو متعب وسياف وخالد و رائد وسعود للدوانيه
عبدالمحسن كان يحضر الخيمه
وعمر الجلسه
وحمد يجهز شاهي بالنعناع
المطر بدا ينزل ويغطي شوارع الديره
سياف وسعود والباقي ركضو بسرعه للخيمه
عمر: ماهقيت بينزل مطر لحينه
سياف ببتسامة وهو يستنشق ريحه المطر : ياحي لشتاء وياحي مساءه
سعود بضحكه : على مهلك لا تقول قصيده لحينه ودنا بالقصيده مع الشاهي والمطر الليله
سياف ابتسم وقال: ابشر ياعين اخوك
ضحك سعود وابتدا يشب النار ويساعده سياف
عمر ركض يجيب لحاف وماحصل غير عدد قليل
جاهم وهو يقول : حصلت لحاف بس مايكفي على عددنا
عبدالمحسن: كم عددهم؟
عمر: اربع
خالد: يكفي لو كل اثنين باثنين فينا يتغطون سوا
سعود بضحكه :اجل انا وسياف
رائد : عنصريه انا ومتعب اجل
خالد : لا والله وانا؟
عبدالمحسن : انت مع حمد
خالد : يازين حمد وعزفه وصوته موافق
حمد : لا والله لحين تحبني وش عدى مابدا؟
ضحكو كلهم وجلسو جنب بعض يعدلون جلستهم والنار بوسطهم ومتغطين بالحاف
سياف وسعود متغطين سوا
ومتعب ورائد
وخالد وحمد
وعبدالمحسن وعمر
عبدالمحسن: جلس يصب لهم شاهي بالنعناع
حمد ضحك وقال: شاعرنا عطنا قصيده وبعدك بعزف
سياف ضحك وقال ابشر تامل الجو ولمتهم وشلون كل اثنين متغطين مع بعض وملتمين حول النار تكلم ببتسامة
مابين الليل الطويل
ومابين الغيم والقمر جمعه احباب
بين شبهة النار ياهلا بريح المطر
و ياهلا بالمطر اللي يحتضن ديرتنا
بشوارعها مابين حنين وشوق
وامانينا وذكره من طفولتنا
الكل صفقو له وهم يقولون صح لسانك
سعود : يلا حمد ننتظر
خالد : مشتاقين لصوتك
متعب ورائد: اسرع حمد
عبدالمحسن وعمر وسياف اللي كانو مبتسمين
ينتظرون حمد
حمد عدل القيتار اللي بيده كح مرتين يعدل صوته وبدا يعزف أغنيه لعبدالمجيد عبدالله
ماعلمك صوت المطر
كيف احتاريك ولا المطر
ماجاب لي طاري ابد كم
قلت لك في غيبتك وش
كثر ابيك اشتقت لك
كانو يغنون معه ويتاملون جو الديره مطر وخضار الارض اللي يفتح لنفس وشبهه النار والمطر مابين ضحك وسوالف وعزف وغناء والمطر معبي الديره كانها الديره تدري بانهم بيروحون بكرا وجالسه تودعهم
البنات كانو ملتمين بالحوش
يسولفون ويشربون شاهي ويضحكون
____________________________________
صباح اليوم الثاني
افطرو كلهم ومتعب وابو متعب ودعو اهلهم وراحو
واعتام ودعت البنات ورجعت الدمام
سياف وسعود اللي كانو يحطون اغراضهم في سياره والكل واقف يودعهم سياف وسعود ودعو امهم وابوهم وخواتهم وسياف وصى امه على ترف الصغيره لانها مسخنه
خالد : ارجعو وانتم المركز الاول
رائد : بنفقدكم
سعود حضن رائد وخالد وهو يضحك :ماعليكم مابنرجع باذن الله غير في المركز الاول انتبهولكم
سياف : رائد خالد لا اوصيكم انتبهو لا نفسكم وامي وخواتي وجدي ويبه
خالد ببتسامة : لا توصي يارجال
رائد : نحن موجودين تطمنو
سياف بضحكه: ذا اللي مخوفنا اصلا
خالد ضرب كتف سياف بخفيف وهو يضحك: شقصدك ياحيوان
سعود ضحك وقال: قصده اللي فهمته
قرب سياف من امه وحب راسها ومن ابوه وجده وعمه ابو تنوف وعمته ونفس الشي لسعود حب راسهم
ترف قربت من سياف وهي تصيح
سياف : وش مزعلش ياقلب سياف؟
ترف : لا تروحو
سعود بضحكه: مب اول مره نروح يقلبي بنرجع مابنتاخر وبنجيب لش العاب وحلويات
جلسو سياف وسعود يحاولون يقنعون ترف حتى رضت
تنوف ناظرت لسياف وهي تتامله وتدري بتشتاق له
جت عيون سياف بعيون تنوف اللي ابتسمت له
رد لها سياف الابتسامه وهو يتامل وجهه حبيبته
ركب سعود قدام وبعدها ركب سياف وحرك السياره للرياض
الجد عبدالله : الله يوقفكم ياعيالي
ابو سعود: خلونا ندخل ان شاء الله من يوصلون يطمنونا
دخلو الكل البيت الا رائد و خالد اللي عيونهم علقت على سياره سياف وسعود حتى اختفو
تنهد رائد بضيق: ولحين صرنا اثنين بعد ماكنا خمس
خالد : أن شاءالله مابيطولون كلها اسبوعين وبيرجعون وبيرجع معهم متعب بعد
رائد : يلا ورانا شغل كثير بالعزبه اليوم
خالد : مشينا
راح خالد و رائد للعزبه يشتغلون كالعاده بس هالمره وحدهم
عمر صارخ من بعيد وهو ينادي عليهم
رائد بستغراب : مب ذولا عمر وحمد وعبدالمحسن؟
خالد بنفس استغراب رائد : ايوالله غريبه جو بذا الوقت
قرب عمر لهم وابتسم: لو سياف وسعود ومتعب مب هنا نحن هنا جينا نساعدكم
ابتسم خالد و رائد وهم يتشكرون عمر وعبدالمحسن وحمد وابتدو ياكلون الطيور والحيوانات ويزرعون الارض ويسقون النباتات ويسولفون ويضحكون
البنات كانو جالسين بالحوش
وديان : ملل
ام سعود: نظفي البيت لو ملانه
وديان : يمه يعني لو بقول ملل عطول تخليني انظف البيت وش التسليه ذي بتنظيف البيت؟
ام هتان ضحكت وقالت : خلونا ننظف البيت عدل اليوم
ام تنوف : اجل يلا
ابتدو الحريم ينظفون البيت وديان وهتان وتنوف يتزحلقون في الحوش ويضحكون
ام تنوف ضحكت وقالت : الله يسعدهم ماخذين الحوش زحليقه
ام سعود: تعبت معهم ياخيتي
ام هتان : خلوهم يتسلون شويه
طاحت وديان
وام سعود قالت: احسن تستاهلين عشان تتعلمين ماتلعبين بالمويه
وديان : ذا بدال لا تقولين لحمدلله على سلامتش ؟ تراني بنتش
الحريم كلهم ضحكو على هبل وديان وهاوشها مع امها
بعد كم ساعه وصل سعود وسياف للفندق اللي حجزه لهم فيصل وهم ينزلون اغراضهم طلعو للغرفه بتعب اللي كانت عباره عن سريرين ومطبخ وجلسه صغيره
ارتمى سعود على سرير وسياف بعد اتصل سعود يطمن خالد ورائد انهم وصلو عشان يطمنون اهلهم
دق باب الغرفه وراح سياف يفتح
ناصر: سبرايززززز
فيصل بضحكه: اسف حاولت معه بس ماقدر يصبر لبكرا ماشفته غير طلع من غرفتنا ودق باب غرفتكم
سياف ضحك وقال: ناصر ماتبطل خبالك؟ انا اليوم ودعت الثلاث مصايب تجيلي انت؟
ناصر بضحك: والله عاد انا جالس على قلبكم اثنينكم حتى ترجعون للديره
سعود وهو يقوم من مكانه : اهجد بس انا جوعان ماودكم نتعشى؟
فيصل : الا طلبت لنا عشى شويات وبيوصل
سياف برفعه حاجب: ماشاءالله وش معنى بتتعشون في غرفتنا؟
ناصر: انا صاحب الفكره احس كذا الاكل يفتح نفس يوم تتعشى مع مجموعه بس ناقصنا حمدان لحين
فيصل: بتتركنا عند الباب؟
سياف استوعب وبعد عن الباب حتى يدخلون
دخلو كلهم وجلسو فيصل وناصر على الكنب وسياف وسعود على سرير اللي قريب من الكنب
فيصل: الا وش صار مع حمدان؟
سياف: اخر مره اتصلت له اساله عن طريقه الكبسه وطمني انه بخير وهو في المانيا وارسل لي واتس امس يتطمن علي ويطمني على اخباره
ناصر ببتسامة حزن: ماتوقعت انه بيجي يوم وبنودع عبير
سعود : كلنا والله اذكر يوم كنت ادرب معكم كنا ندرب انا وسياف وأنت وفيصل وحمدان وندى وعبير
فيصل: ماتوقعت عبير بتترك التدريب بعد ماتزوجت حمدان
سياف بضحكه: حب حمدان وعبير من وهم بزران وطبيعي بعد زواج هي تترك التدريب
ناصر: الا سعود ليه ماعدت تدرب معنا؟
سعود: انشغلت بالديره وعزبه ابوي وهم يحتاجوني وأنتم ماشاءالله كثير تكفون بالتدريب
فيصل: وين كثير ؟ انا وناصر وندى ندرب في المدينه المنوره وحمدان وسياف في ديره
سعود : بس بالنهايه كلكم نادي واحد
ناصر : بذي صدقت اتصلت لندى ماترد شكلها نايمه
سياف بضحكه: وانا اسال وينها من عرفتها وهي ماغير تنام
سعود بضحكه: ياحليلها والله ندوش
فيصل ناظر لسعود وغمز له
ناصر: ندوش ؟ حلو يدلع الحب
سعود بضحكه احراج: لا تمسكوناها علي بس
سياف بضحكه: بروح افتح الباب العشى شكله جا
ناصر : يميي عاد ميت جوع
سعود : انت من عرفتك تحب بطنك ومدري ذا الاكل وين يروح فيك
ناصر: قل ماشاءالله عن العين بس يعني انتم اللي يبان فيكم الاكل ؟
سعود: ماشاءالله لا تاكلني بقشوري امزح ترا
سياف جاب العشى وقال يلا نتعشى ونصلي صلاه العشاء وبعدها ننام ورانا يوم طويل بكرا
ناصر : بننام عندكم ترا
سعود: ليه غرفتكم مب جنب غرفتنا؟
فيصل: الا ماعليك منه وقت النوم بسحبه غصب عنه
ناصر: متوحش والله
ابتدو الرجال ياكلون بعدها فيصل سحب ناصر من تيشرته لغرفتهم وناصر يقول مايبي وسياف وسعود منفجرين ضحك انسدح سياف بسريره وسعود انسدح بسريره
سياف : ياحليله ناصر والله
ضحك سعود وقال: عاد بكرا متعب يجينا والله يعين بس
سياف ضحك وقال: طف الضو بس
سعود :افا احترام الاخ الكبير وين؟ (قالها وهو يقلد خالد)
ضحك سياف من قلب وقال: تكفى ترا اليوم دوبنا مفتكين من خالد لا تجلس تقلده مايليق دور عليك ترا
سعود ضحك وقال: ابشر
طفو الضوء ونامو الليله بعد تعب
وكان الجو بديره هدوء والكل نايم بعد
خالد ورائد اللي مقربين فراشهم من بعض بغياب سعود وسياف ونايمه جنبهم ترف كلشوي واحد منهم يصحى ويتطمن على حرارتها صاحت كثير لين راحو سياف وسعود حتى تعبت والهنوف ووديان اللي نايمين بغرفتهم وهتان اللي نايمه بغرفتها وحدها
وتنوف اللي جالسه على شباك وتناظر السماء
وهي تحس بالشوق لسياف من لحين تنهدت
وراحت فراشها غمضت عيونها حتى نامت

ننهى البارت لهنا