صحى رائد هاليوم وهو يناظر لمكان اخوانه سعود وسياف ومكان متعب الفاضي تنهد وناظر لخالد النايم وترف اللي نايمه بفراش سياف قرب منها يقيس حرارتها مسك جواله وارسل بالقروب ( قروب ابلشتونا الله يبلشكم واللي كانو متواجدين فيه سياف وسعود و رائد وخالد ومتعب )
رائد : شخباركم صاحيين؟
متعب : لحمدلله كويس وانت ؟ صحيت من عشر دقائق عندي شغل بسويه وبعد المغرب أن شاءالله بروح لسياف وسعود
رائد : عسى دوم لحمدلله انا بعد بخير ، انتبه لهم
متعب : لا توصي بحطهم بعيوني
سعود : بزارين عبالك حنا ينتبه لنا؟
رائد : سعود صاحي ؟
سعود : توي صاحي من ازعاج رسائلكم بصحيي سياف نفطر ونتجهز
رائد : تو بدري ساعه خمس!
سعود : بنبدا سبع تدريب يعني لمفروض نفطر ونروح ست
متعب : الله يوفقكم بعد المغرب ان شاء الله بكون عندكم
سعود: تمام ننتظرك . رائد وشخبارك واخبار خالد؟ وترف بعدها تعبانه
رائد : توي صحيت وترف بخير لحمدلله مافيها حراره ونايمه وخالد نايم للحين
سعود : زين انتبهولكم
رائد : أن شاءالله
قفل رائد جواله وراح يشوف لو امه وعمته ام هتان لو صاحيين ومحتاجين حاجه ،
سعود قفل جواله وراح لسياف يصحيه
سياف حس بسعود ولان نوم سياف خفيف يحس بسرعه )
سياف حاول يعدل جلسته : صباح الخير
سعود : صباح النور
سياف : اذن الفجر؟
سعود : ايه وشكلنا من تعب ماحسينا
سياف قام من فراشه: بروح اتروش وبعدي تروش و بعدها نصلي الفجر ونفطر ونروح للمكان اللي بندرب فيه
سعود : تمام
دخل سياف يتروش ، وسعود جلس يطلع ملابسهم ويرتبها بالدولاب دامهم بيبقون اسبوعين
فيصل صحى وحاول يصحي ناصر بس مافي فايده
تنهد وراح يتروش وهو مقرر بعد مايتروش يصحيهه
سعود وسياف صلو وبدلو ملابسهم وجلسو ينتظرون فيصل وناصر ، فيصل صحهه ناصر واخيرا بعد محاولات بدلو ملابسهم ولبسو ملابس الفروسيه وراحو لغرفه سعود وسياف اللي كانو ينتظرونهم
فيصل : تحبون نفطر في المطعم حق الفندق ولا نروح مكان ثاني ؟
سياف وهو يعدل ازرار بدلته : نفطر هنا ونتعشى برا حتى نلحق نوصل قبل المتدربين
سعود : اجل يلا
ناصر وهو يركض للمصعد قبلهم: بسبقكم
سياف : الله معك بنشتاق لك
فيصل بتنهيده : تعبت معه الغبي ذا
سعود : احمد ربك انت مبتلش بواحد نحن مبتلشين بثلاث
سياف بتنهيده : والثاني ليوم بطريق نحمد ربنا ان حمدان مب هنا ولا كملهم
فيصل ضحك وضعط زر المصعد ووصل وركبو ونزلو للوبي يفطرون
هتان و الهنوف ووديان صحو ونزلو يساعدون امهم وعمتهم بتصليح الفطور الهنوف كانت تكسر البيض وتقليه و وديان تقطع الخضروات وام هتان تجهز الصحون
وتحط العسل والمربى والجبن والى اخره وام سعود تسوي المعجنات خالد كان يسقى الزرع عن ابو سعود
و الجد عبدالله وابو سعود جالسين بالحوش يقرون قران ويذكرون الله وهتان طلعت تجيب المويه من البير
شافها رائد وسحب منها سطل المويه
ناظرت هتان لرائد اللي مسك المويه عنها
رائد : ايه صدق تدرين؟
هتان بستغراب : في وش ؟
رائد : مدري في حد مشتري نص البقاله على حسابي تعرفين منهو؟
هتان : لا ما ادري وش بيدريني
رائد رفع حاجبه بستغراب منها : تقنعيني انش ماشريتي نص البقاله وحطيتيهم على حسابي؟
هتان قمطت العافيه وناظرت برائد بدهشه: وش دراك انها انا طيب يمكن مو انا
رائد ابتسم بخفه وقال : محد حاقد علي غيرش و وديان والهنوف مايطلعون من البيت بدوننا يعني من غيرش ؟
هتان بعدت نظرها عن رائد وقالت: مب انا هالمره
رائد ناظر بهتان وابتسم : ناظري بعيوني
هتان : مابغى
رائد : ناظري بعيوني
هتان ناظرت بعيون رائد . و رائد ابتسم وقال : اعرفش عدل يوم تكذبين
هتان بستغراب: وش دراك؟
رائد ابتسم وقال : يوم تبعدين نظرش عني ويوم تتجنبين تناظرين في عين الشخص اللي تكذبين عليه
هتان ناظرت برائد بدهشه وشلون عارف اصغر تفاصيلها وهي تحسب ان محد بمنتبه لما تبعد نظرها يوم تكذب غير ابوها الله يرحمه دمعت عيون هتان من تذكرت ابوها
رائد انتبه وقلبه عوره يوم شاف دموعها : حلالش ياشيخه اشتري البقاله كلها مانيب بقايل لش حاجه
هتان ضحكت وهي تمسح دموعها و تقول: ماعرفتك ترا
رائد جلس يناظر في هتان ومبتسم
هتان انتبهت لنظرات رائد اللي وترتها : ااااا.شسمه خلاص وصلنا عطني المويه بستعجل اسوي الشاهي
رائد عطى المويه لهتان ومشى متجهه للحوش الامامي
هتان جلست تناظر فيه حتى اختفى عن نظرها وقلبها يدق بقوه من توترها دخلت بسرعه للمطبخ تسوي الشاهي
تنوف فتحت عيونها بثقل وهي تحس بشمس تعور عيونها
قامت من سرير وراحت تتروش وبدلت ملابسها لبست هودي اخضر غامق عليه كلام بلون الابيض وبنطال ابيض
وسوت. شعرها كعكه ونزلت لتحت تساعد امها
حصلت ابوها صاحي يشوف التلفزيون ابتسمت وقالت صباح الخير يبه
ابو تنوف ببتسامة: صباح النور يابنيتي
تنوف : وين يمه؟
ابو تنوف: في المطبخ يابنيتي
تنوف : تمام بروح اساعدها
ابو تنوف : الله يرضى عليك وانا ابوك
دخلت تنوف المطبخ وهي تصبح على امها
امها ابتسمت لها وصبحت عليها قربت تنوف وفتحت الثلاجه : وش بنسوي فطور يمه ليوم؟
ام تنوف : شكشوكه وانا امك
تنوف ببتسامة: ان شاءالله: طلعت البيض والطمام والاشياء اللي تحتاجها وابتدت تصلح لشكشوكه وامها تساعدها وتعلمها وش تسوي
(نرجع لسياف وسعود بالرياض تحديدا في الاسطبل)
سياف جالس يدرب وسعود والباقي جالسين يدربون المتدربين
سياف : عامل الخيل وكانه صديقك لانه روح زينا لا تضغط عليه ركز بوقت تقفز تتمسك عدل وحاول تتحكم بسرعه الخيل
متدرب: ان شاءالله
فيصل : رتبت لكم مكان التدريب واحد واحد يبدا
سعود : الحريم انتظرم المدربه ندى هي اللي بتتكفل فيكم
ناصر : يلا اول شخص ينطلق
سياف : اركض اسرع
فيصل : اقفز بسرعه لا تطيح
سعود: اللي بعده
صبااححح الخيييررر
الكل لف لورا وابتسمو
سياف : ياحي والله ندى
ندى : سياف سعود لكم فقده وربي
سعود ببتسامة: من جيت وانا اسال وين ندى مختفيه
ندى بضحكه: يووو راحت علي نومه تصدق
فيصل: اشوف شيله وبرقع
ندى : عشان سياف وسعود يناظروني لا جيت مايصدون عيونهم عني
سياف بضحكه: يخسي من يصد عنش
ندى : ترا بنتغداء كلنا سوا يويلكم ترفضون
سعود بضحكه: ابشري العزيمه علي
ندى : سعود بهبدك انسى العزيمه علي ويويلكم ترفضون لا ازعل عليكم
ناصر : لا تكفين الا زعلك انا موافق
فيصل : نويصر انت اكيد موافق دام السالفه فيها غداء
ناصر ضحك وقال: في حد يجيه عزيمه ببلاش ويرفض ؟
سياف : اها يالحيوان ذا نظامك؟
ناصر : سياف انت بذات ولا تزعل انا اللي اعزمك كم سفسف عندنا؟
سياف فجر عيونه بناصر: وش هالدلع اللي يجيب الهم ياشيخ؟ لا تدلع اسمي بس ناديني بسياف بدون سفسف حقتك ذي
ناصر بضحكه شر: سفسف سياف سيوفي
فيصل ضرب راس ناصر بخفه: خل الرجال بحاله كرهته حياته من اول يوم
ندى بضحكه: معليش سياف ناصر وتعرفه
سياف بتنهيده: انا اللي اعرفه
سعود ابتسم من ضحكه ندى اللي تخطف قلبه بكل مره يشوفها فيهه
وسياف ابتسم وهو يشوف ابتسامه اخوه
ندى : ترا لو بنضل نسولف محد بيدرب المساكين
فيصل : يلا اجل نتكلم عالغداء
اكتفو الباقي في ابتسامه وبدا كل واحد فيهم يشوف شغله
(نروح عند متعب)
جالس على مكتبه وهو يناظر لفكره المشروع الجديده
دق الباب وقال متعب تفضل
دخل زياد للمكتب وهو مبتسم : وشلون الاوراق معك؟
متعب بتنهيده: كثيره
زياد سحب الكرسي وجلس بقرب متعب وسحب الاوراق من يده
زياد:احس نحتاج نعدل عليها
متعب : لا تخاف الفكره كلها ماهي عاجبتني
زياد عقد حواجبه بستغراب : ماباقي غير يومين ولازم نسلم المشروع فيه
متعب : بنشتغل عليه انا وانت اليوم لو تناظر الشكل النهائي للفندق ممل لازم نزيد تفاصيل عليه ونسال عن كم الميزانيه لصاحب الفندق حتى نعرف لو يمدينا نضيف مسبح خارجي
زياد بتفكير: صاحب الفندق قال ان الميزانيه مفتوحه
متعب: حلو خلنا نجيب الاوراق ونبدا نرسم الشكل المعماري من الداخل والخارج
زياد: تمام بس بنلحق ؟
متعب: ما اظن في شي مستحيل باذن الله
زياد: تمام اعذرني بجيب الاوراق من مكتبي ونبدا تخطيط
متعب: تمام
طلع زياد من مكتب متعب اللي سند نفسه على الكراسي ورفع نظره للسقف بتنهيده وهو يفكر وش الحل مع اخوانه الاثنين وسمع صوت جواله يرن ابتسم من شاف الاسم وقال : هلا سياف لتكون فاقدتي واخيرا يعني؟
سياف بضحكه: لا والله مرتاح بدونك بس اسالك لو ودك تتغداء معنا
متعب ناظر للاوراق اللي بيده وقال: الغداء مايمديني بس العشى عازم نفسي اول واحد فيكم والعشى على حسابك
سياف : ماشاءالله عازم نفسك على حسابي بعد
متعب بضحكه: طبعا من حبي زايد لك
سياف : اذلف كمل اوراقك لا اشوتك
متعب : متوحش ياخي انت
سياف بضحكه: متوحش مع ذالك تحبني لا تنكر
متعب: بذي ما انكر صراحه
سياف : حلو اجل يلا مع السلامه
متعب: مع السلامه
دخل زياد وهو يضحك : عاد لو داري اتصال يسعدك لهالدرجة كنت قلت له يدق من زمان
متعب بضحكه: تعال اجلس بس نخلص شغلنا ولا مابنرجع اليوم لبيوتنا
زياد سحب كرسيه وجلس وحط الاوراق على الطاوله: خلنا نبدا
( نروح للديره)
خالد و رائد وعمر و حمد و عبدالمحسن جالسين بالعزبه يشوفون شغلهم اللي يزرع واللي يعطي اكل للحيوانات واللي يحلب البقر واللي يذبح الذبايح واللي يجمع بيض الدجاج
عبدالمحسن : حطيت الحليب والبيض في الحوض وطلعت لكم صندوق ببض وحليب على جنب بوصل الباقي للسوق ابيعهم وبرجع
رائد: بجي معك
عبدالمحسن :تمام
ركبو عبدالمحسن و رائد السياره وحركو للسوق
وخالد جلس من تعبه جلس جنبه عمر وحمد
حمد: مسرع تعبت؟
خالد : اسكت مانمت ليوم عدل
عمر بمزح : ليكون عيالك مصحينك من نومك؟
حمد بضحكه: تدري خالد الزواج مسؤوليه وكذا وانت منت بقدها
خالد ناظر بطرف عين لعمر وحمد وهو يقول : لا والله ؟ متى صار عندي عيال؟ ومتى تزوجت انتم متى لحقتم تزوجوني وتجيبون لي عيال
حمد بضحكه: مدري عاد
خالد: الا صحيح عمر متى عرسك؟
عمر : أن شاءالله الليله بخطبها والزواج بيكون بعد مايجون سعود وسياف ومتعب ماتكمل فرحتي بدونهم
حمد: ايبالله لهم فقده
خالد : صدق ماحصلت ليوم مزعجين يصحوني
عمر : الا صدق ليه منت بنايم عدل؟
خالد وهو يتثاوب : ترف مسخنه وكلشوي نصحي انا و رائد نتطمن عليه
حمد: ترف ؟ وانا اقول ما اشوفها تلعب مع اخواني الصغار مختفيه
عمر : سلامتها ماتشوف شر وديتونها المستشفى؟
خالد : ايه سعود وسياف خذوها قبل يروحون بيوم وقالو تغير جو بس
حمد: مناعه الاطفال حيل ضعيفه
خالد : ايبالله صدق
أنت تقرأ
ماطلبت عذرك أنا نفسي عزيزة
Romanceروايتي الأولى"مكتملة " تمت كتابتها بواسطة: وديان آل سيّـاف ✍🏻 ، حسابي إنستا ( ilc2oo )
