ماطلبت عذرك أنا نفسي عزيزة

Part : 37

يوم جديد الساعة سته الصباح تحديدا عند فرع ستاربكس  ،
سياف : وش تبغون تشربون؟
سعود: انا وانت الطلب المعتاد وديان و تنوف وش ودكم به انتم ؟
تنوف بتفكير : امم مدري باخذ مثلكم
سعود : وديان ؟
وديان : حتنا
سياف : تمام بنزل اطلب وبرجعلكم  ،
نزل سياف من السيارة يجيب الطلب ،
وديان : حمماااااسسس اول يوم لي اتدرب خيل
سعود وهو يفرفر بجواله :خلي حماسش وقت التدريب لا تتحمسين من لحينه
وديان بتأفف: طيبب
تنوف أبتسمت بخفه وهي مركزه نظرها على الباب منتظره سياف يجي ،
ماهي ثواني حتى رجع سياف وبيده كيس ، فتح باب السياره وعطى الكيس لسعود وحرك السياره متوجهه للاسطبل ،،

الرياض | جالس ابو متعب يفطر مع عياله الثلاث والأجواء بينهم متوتره
قرر ابو متعب يكسر التوتر بينهم وتكلم : الا وشلون دوامك وانا ابوك؟ عسى مافيه تعب عليك ولا شي ؟
متعب ببتسامة : كويس يبه مافيه تعب ولا حاجه
ابو متعب: لحمدلله وانتي غرام كيف جامعتك معك ؟
تكلمت وهي مركزه نظرها على جوالها : كويسه بابا
متعب ببتسامة سخرية: اي صحيح كويسه عسى بس ماطردوك ؟
غرام تركت جوالها من يدها وناظرت متعب بغيض : ماتعرف تنشغل
بنفسك انت؟
ابو متعب وهو يتدخل حتى يهدي بينهم : هدوء وانا ابوكم جالس اسال عن اخباركم لا تقلبونها هواش كلها مره وحده بالشهر نجلس كلنا على طاوله وحده ،
متعب اكتفى بالسكوت ومد يده للمويه يشرب كم رشفه منها ،
وغرام رجعت تفرفر بجوالها  بعدم اهتمام ،
ابو متعب : وانت عزيز وش هي اخبارك ؟
عزيز ببتسامة : كويسه لا تشيل هم
ابو متعب : عسى ماهو بناقصك حاجه ولا شي
كتم متعب ضحكته ولاحظها عزيز : وش يضحكك؟ تفضل شاركنا ودنا نضحك معك ترا 
متعب : ابد بس جالس اسال شلون ينقصك حاجه وانت عاطل باطل ولا صحيح معليش نسيت ما ادري من وين تجيب فلوسك بس اكيد شغله وصخه مثلك ، تنرفز عزيز ورمى الاكل اللي بالطاوله على الارض : وبعدين معك انت يعني ؟ وش دخلك بضبط ؟ اذا جيتك محتاج وقلت لك ساعدني لك الحق تسال ماقد تدخلت بحياتك الخاصه ابعد عن حياتي افضلك
ابو متعب بعصبيه: بس انت وياه ؟ لمتى بتتهاوشون كلمره بفك بينكم انا مالكم بزارين حتى الاكل ماتهنينا فيه بسببكم
عزيز بنرفزه وصراخ : ماتشووف ولددك انتتت ولا وشش بضبط ؟؟
مننن اول ماجلسس على الطاووله وهو يدوور هوااااااش
وقف متعب عن الكراسي ومسك تيشرت عزيز بنرفزه :  كممممم مرههه اقولككك صوتككك لاااا يعلييي على ابوكككك واللييييي اكبرررر منككك؟؟؟
عزيز دف متعب عنه بقوه وعصبيه : مالكككك دخللل اصارخ اسب اهاوووشش اللليي ابي ابوي ولا ماهو بابوييي انت لا تتدخللل تفهمممم ؟
متعب شد يدينه بنرفزه وهو يتقدم من عزيز والشر والعصبية واضحة  بعيونه، غرام خافت وحاولت تسحب عزيز بسرعه من نظرات متعب اللي ماتبشر بالخير ابد ، فجاة طاح  ابو متعب على الارض فز متعب بخوف وهو يركض لا ابوه بسرعه وفزو معه عزيز وغرام بخوف،
متعب بصراخ : عزيييز رححح شغللل السياااره بسرعهه
فز عزيز بخوف وهو يدور بعيونه على مفتايح السياره
غرام طلعت مفتايح سيارتها وركضت لبرا بسرعه تشغل السياره
متعب وعزيز حاولو يشيلون ابوهم ويركبونه بالسياره ،