ماطلبت عذرك أنا نفسي عزيزة

Part : 11

متعب جلس وهو يناظر السماء ويتنهد
خالد قرب منه وجلس جنبه
خالد  بمزح : تصدق كويس طلع عندك مشاعر
متعب ابتسم ولا رد
خالد : هونها تهون  وانا عمك
متعب بضحكه خفيفه: لا تكفى لا تقول عمك مايضبط عليك الدور
خالد بضحكه: افا يالحيوان
متعب : خلووود
خالد : ياوجهه الله انتم ماتدلعون اسمي غير في المصايب وش عندك انجز
متعب ضحك وقال : ماهي بمصيبه ولا حاجه ودي افضفض لك
خالد ببتسامة:تكلم اسمعك
متعب غمض عيونه وهو يقول : تصدق ماعمري اتفقت بحاجه ولو كانت بسيطه مع غرام وعزيز كل ماحاولت اقرب منهم واحسن علاقتي فيهم احس اني بعيد عنهم  اكثر اذكر يوم كنت بزر اتمنى يجيني اخوان حتى احبهم زي ماكان سعود يحب سياف
خالد : متعب نحن لك اخوان انا ورائد وسياف وسعود مالك بوحيد
متعب ضحك من قلب وخالد يسولف له
متعب : اذكر حتى رعد الله يرحمه كان فرحان يوم عرف ان  عمتي ام تنوف حامل
خالد ببتسامة : الله يرحمه اذكر كان يقول لحين بحب اخوي او اختي زي ماسعود يحب سياف
متعب : الله يرحمه لو كان حي للحين كان بعمر سياف
خالد ببتسامة حزن وهو يغير الموضوع : متعب تصدق  اذكر يوم ولد سياف كان سعود اسعد لخلق ان جا له اخ صغير مع ان الفرق بينهم كان سنتين بس وسعود كان توه بزر مايفهم
ضحك متعب وقال: يعني انت الكبير والعاقل؟
خالد بضحكه : كان عمري خمس سنوات يوم ولد سياف وسعود كان عمره سنتين بس مع ذالك  كنا فرحانين انا وسعود ان جانا حد نلعب معاه ويوم كبرنا  وجا لسعود  رائد والهنوف و وديان سعود حبهم كلهم بصفته اخوهم الكبير  بس سياف ضل الغير له وكانه اول فرحه له احيان كنت احس سعود ابو سياف من حبه الزايد لسياف 
متعب بضحكه: صدقت احيان احس سعود معيين نفسه محامي دفاع لسياف
خالد بضحكه : عشان كذا انا ورائد ننادينه محامي الدفاع
سياف و رائد وسعود دخلو على اخر كلامهم للسطبل
سعود : ماشاءالله نحن نشيل همكم وانتم تحشون يالي ماتستحون
سياف : شعندك انت هو تتكلمون عن اخوي ؟
متعب بضحكه: تكلم محامي الدفاع الثاني
ضحك سياف وسعود ورائد وخالد 
وجلسو الباقي وهم يسولفون مع متعب ويحاولون مايحسسونه بذنب وهو ماله دخل اساسا
( نرجع لبيت الجد عبدالله )
غرام كانت قافله على نفسها الباب ومقهورة من اللي صار ، ،  ، ، ابو تنوف خذ زوجته وبنته يرجعون للبيت
ابو سعود وابو متعب والجد عبدالله جالسين بالحوش
والحريم كانو بالغرفه الصغيره ام سعود تمسح على راس الهنوف  اللي نايمه بحضنها وتطبطب عليها  بحنيه
ام سعود: لا تزعلين من ابوش وانا امش تدرين به عصبي ومتسرع
الهنوف: لا والله يمه مازعلت ادري يبه وش كثر يحبنا ومايحب حد ينقد علينا
ابتسمت ام سعود بحنيه لبنتها وهي تمسح على شعرها
وديان: وانا؟ ليه محد يحضني ويمسح على راسي بنت البطه السوداء؟
ام سعود ضربت وديان يخفه على راسها وهي تقول: ياقليله الحيه انا بطه سوداء ؟
وديان: لا يا يمه الله يهديش اعطيش مثال مثال
ام سعود : والله لسانش يبيله قص وانا امش
وديان : يايمه انا سكر البيت ذا مدري وش كنتم بتسؤون بدوني
ام سعود: ايه واضح
ضحكت ام هتان وهي تقول : لا فعلا يا ام سعود وديان هي سكر البيت مسويه لنا جو ياحليلها
وديان وهي تحب راس عمتها: يازينش ياعمه مامن غيرش يفهمني
ام سعود: قصدش ان امش ماتفهمش يابنت؟
وديان : ياليل مابنخلص الليله خلاص اسفه اسفه حقش علي ولا تزعلين يمه وهاتي يدش احبها
ام سعود: اذلفي للمطبخ  سوي العشى
وديان : يمهه يعني ليه الهنوف وهتان مايسؤونه ؟
ام سعود: الهنوف تعبانه من اللي صار اليوم  وانتي لسانش يبيله قص عشان كذا اذلفي سوي العشى
وديان وهي تتافف: طيب
ضحكو على وديان وخبالها وديان كانت بالمطبخ تتافف وتتكلم مع نفسها زي المجنونه
تنوف كانت مرتميه على سريرها وهي تتذكر تفاصيل ليوم وتذكرت وش جابت العيد فيه وحست بحرج اكثر راحت وبدلت ملابسها لبست هودي ابيض وبنطال اسود وحطت شعرها القصير ورا اذنها وانزلت للمطبخ سوت لها هت شوكلت وخذت شكولاته وطلعت غرفتها ومسكت جوالها وارسلت لا اعتام تتطمن عليها لانها ما ارسلت لها ليوم وذا مو من عاده اعتام  ماشافت رد من اعتام وصارت تقلب في جوالها وهي تشرب الهت شوكلت سمعت امها تناديها ونزلت لتحت
تنوف وهي تنزل من الدور الثاني :هلا يمه
ام تنوف ببتسامة : شوفي من هنا
تنوف ناظرت وشافت اعتام
تنوف ركضت لا اعتام بسرعه  و اعتام حضنت تنوف وهي مستانسه وتنوف مستانسه على جيت صديقتها واللي تعتبرها اكثر من اخت
تنوف :  ياحيوانه ليه ماقلتي لي بتجين وشلون عرفتي بيتنا
اعتام : اتفقت مع امك وهي علمتني وين البيت ياتبنه اشتقت لك الدمام مو حلوه بدونك
تنوف : ياخييي اعتام تكفين بصيح وحشتيني
ام تنوف ضحكت وقالت: عسى ودكم تسولفون عند الباب ؟
تنوف:هاه لا اعتام وين شنطتك
اعتام بضحكه: بسياره جيت اشوفك وبروح المدينه القريبه ادور فندق
تنوف : لا والله احلفي احلفي بس يمه سامعه وش تقول ؟
ام تنوف: لا يابنيتي اعتام وش هالكلام انا بحسبه امك والبيت بيتك (ام تنوف كانت تعتبر هتان واعتام زي بنتها تنوف وتحبهم)
تكلمت اعتام بحراج: ماودي اثقل عليكم ياخالتي
ام تنوف ببتسامة: يلا وانا امك بدون كلام زايد غرفه تنوف كبيره وتكفيكم اثنينكم
اعتام ابتسمت بحيه وتنوف ركضت للسياره تسحب شنطه اعتام من سيارتها ومسكت يد اعتام وطلعت لغرفتها بسرعه
اعتام بضحكه: وش فيك متحمسه هالكثر؟
تنوف :صارتت معي اشياء كثيره ماتتخيلينها
اعتام : ايوه صدق تذكرت قلتي بتقولي لي وش صار معك مع ولد عمك اللي حاجزينك  له لما نلتقى
تنوف : يهبللل يا اعتام يهبلل
اعتام بصدمه : اثقلي يابنت شفيك صرتي ريشه تحمست قولي لي شصار بسرعه
تنوف واعتام تربعو فوق السرير وجلست تنوف تقول لها وش صار معها
اعتام : ماهقيتك خفيفه لهالدرجه كنت احسب بتصير قصه حب بعد كرهه ومدري وش بس حب من اول نظره ماهقيت
تنوف : يابنتي وربي مملوح ومزيون وملامحه حاده وشاعر وخيال ولكل يخاف منه احس كل صفات فارس احلامي اجتمعت فيه
اعتام بضحكه : لا لا بنتي طاحت ومحد سمه عليها
تنوف بضحكه: شايفه
اعتام : بس للحين ما ادري وش سبب رفضك قبل له
تنوف تذكرت وقالت: تبين صدق
اعتام : ايوه؟
تنوف : كنت احب واحد وانا بزر وعجزت اطلعه من قلبي ويوم جيت ديره كان عندي امل اشوفه بس يعني
اعتام : طيب تعرفين اسمه؟
تنوف بتفكير: تصدقين ما اذكر غير شكله
اعتام : اهنيك على حبك الفاشل صراحه
تنوف ضربت اعتام بخفه وقالت : حيوانه وربي
اعتام : متحمسه اشوف بنات عمك على كثر ماسولفتي لي عنهم
تنوف : يو على سالفه بنات  عمي تخيلي  عيال عمي مطرودين من البيت
اعتام : اما ليه وين بينامون اليوم
تنوف : في الاسطبل
اعتام : مساكين والله
تنوف : تصدقي ودي انطرد معهم انا بعد احس جوهم حماس
اعتام : حتى انا احس كذا
تنوف : تفكرين بالي افكر فيه؟
اعتام : افكر وانتي ؟
ابتسمت تنوف لا اعتام واعتام ابتسمت لا تنوف قامو بسرعه من مكانهم وحطو مخدات مكانهم في السرير وخذت تنوف جاكيت لها وهي لابسه اساسا هودي ابيض وبنطال اسود اعتام خذت من تنوف هودي بس كان لونه ازرق ولبست بنطال اسود  مريح نزلو البنات بهدوء بدون لا يشوفونهم ام تنوف وابو تنوف
من طلعو من البيت قفلوه في هدوء
وراحو  صوب بيت ابو سعود
تنوف بهمس :  ذا بيت عمي حسن
اعتام بهمس : كيف بندخل ونصحى البنات؟
تنوف بهمس : بجرب افتح باب الحوش
جربت تنوف تفك باب الحوش وكان من حظهم مفتوح
اعتام  بهمس: لحمدلله انه مفتوح
تنوف بهمس : اجل يلا ندخل
تنوف واعتام حاولو يفتحون الباب بس باب البيت مقفل
اعتام : وش الحل لحين؟
تنوف جلست تفكر وجت في بالها فكره بعدت بسرعه وحصلت حجر على الارض ورمته على شباك هتان
هتان والبنات كانو يسولفون ومب جاي لهم نوم
الهنوف وهي تفز :بسم بالله 
وديان : شصار؟
هتان ركزت وقالت: في حد رمى شي من الشباك
وديان بنرفزه: من ذا قليل الحيه
قامت وديان تطلع راسها من الشباك تهاوش
وشافت تنوف ومعاها بنت 
وديان بستغراب : بنات ذي تنوف
هتان بستغراب: تنوف ؟( وقربت هتان من شباك تناظر)
هتان بحماس : بنات ذي اعتام معها بعد
وديان : احلفي
الهنوف : خلونا ننزل لهم
نزلو البنات بسرعه لتنوف واعتام
هتان ركضت على اعتام وهي تحضنها  واعتام ردت الحضن
تنوف عرفت  الهنوف ووديان على اعتام 
وديان: تجنني وربي
اعتام ضحكت وقالت: انتي اللي تجنني
تنوف : ماعلينا البسو بسرعه بنمشى
الهنوف  : وين بنمشى؟
وديان : وليه نلبس بسرعه؟
تنوف : مب وقتكم البسو الحين
هتان بحماس :  حاضر وركضت بسرعه تبدل ولحقونها وديان والهنوف
   (نروح في السطبل)
خالد وهو ماسك دموعه لا تنزل من البصل: ياحول الله ذا وشلون يتقطع
رائد :  لحين وش اسوي بالرز؟
متعب : الله يقرفكم وشلون اقطع الدجاج ذا انا مايكفيني الدجاجه اللي كانت تراكض وراي حتى تطلع لي ذي ؟
خالد : احسن من البصل اللي بيدي عيوني دمعت
متعب : شكلي باخذ بثاري منها وبقطعها تقطيع
رائد : يالمتوحش اللي راكضت وراك دجاجه ثانيه تاخذ بثارك من ذي الضعيفه المسكينه ليه؟
سياف : خلكم من ذا وش نحط من البهارات اول ؟
سعود : الله يبلشكم وين حطيتم الورقه اللي كتبنا فيها الوصفه؟
خالد : هاه ليه نحتاجها؟
سعود : اجل وش رايك انجز وين حطيتها
خالد وهو يبعد نظره عن سعود : رميتها
الكل ناظرو بصدمه
سياف : القاها منك ولا من متعب؟
رائد : نعتمد على ذاكرتنا؟
سعود : اي ذاكره ولا واحد مننا متذكر وش كان مكتوب
متعب : شوفو خلونا ندور بقوقل بس وين حاطين جوالاتنا
سياف مد يده لجيبه وطلع جواله  وابتدا يبحث وابتدو يطبقون الشرح
سعود : خلونا نطلع برا نستريح عبال مايجهز العشى
ردو  الباقي تمام
وجلسو  يسولفون
خالد : اهخخ حسيت بقيمه وديان والهنوف والله
وديان بضحكه من بعيد : اخيرا حسيت بقيمتي
العيال دارو ظهرهم واستغربو وهم يشوفون
هتان تنوف الهنوف وديان وبنت مايعرفونها معهم
بس مابان وجها من الظلام العيال غطو بصرهم بسرعه
اعتام استغربت من حركتهم
البنات انتبهو ان اعتام ماتقربهم واكيد مابيشوفون وجهها ولا شعرها البنات
الهنوف كانت مسويه حساب للموضوع وكانت جايبه شنطتها وحطت فيه نقاب وشيله لا اعتام
اعتام تذكرت كلام تنوف عن عاداتهم وخذت الشيله والنقاب وغطت وجها وكان الواضح عينها بس
هتان : تقدرون تناظرون لحين
سعود قرب من الهنوف ووديان ومسك اذنهم وهو يقول:
وش مطلعكم من البيت بذا الوقت؟
الهنوف : ماهي فكرتي والله
وديان : ياحيوانه بعتينا عالطول ؟
سياف بنرفزه : شايفين ساعه كم؟ وش جايبكم  انتم ؟
وديان : تراها مب بفكرتي هالمره والله
ناظرو الكل لهتان وتنوف والبنت اللي واقفه جنبها
هتان تكلمت: محد شافنا ترا
رائد : مب هي بمشكله حد يشوفكم من متى حريمنا يطلعون بهالوقت؟
متعب : وش جايبكم؟ جدي وعمي حسن يدرون؟
البنات هزو راسهم بمعنى لا
سياف تكلم بنبره حاده وهو يقول : الهنوف وديان هتان تنوف
البنات قلطو ام العافيه من الخوف لما ناده اساميهم ورا بعض وواضح عليه العصبيه
خالد : لحظه سياف خلونا نفهم وش جايبهم اول
وديان: حبينا نجلس معكم ماجانا نوم
رائد : وليه ما اتصلتم لنا نجي نجيبكم بدال لا تجون وحدكم؟
هتان جت بترد وتكلم متعب بسرعه  وهو يقول :مب كنه ريحه شي احترق ؟
البنات ناظرو بعضهم في استغراب والعيال عرفو ان العشى انحرق وركضو للمطبخ بسرعه
سعود بتنهيده: شكلنا مابنتعشى الليله
خالد : شف الجانب الايجابي ما احترق كله
سياف ناظر خالد  ومارد عليه
رائد : ذا كله من تفائلك الصباح
سعود :خالد لا عاد تتفائل بحياتك تكفى
خالد : اقول لا تحطونها براسي ترا متعب انت اللي موهقنا
وانت رائد وسعود لو حضرتكم ماكملتم على الحوش  مع الغبي ذا ماكنا انطردنا بعد
سياف : اقول اسكت انت وياه وياه كلكم جايبين فينا العيد ادخل اتروش احصل نفسي مطرود معكم
متعب: كله من وراه الدجاجه حسبي الله فيها من عرفتها وانا جايتني المصايب
سعود : لا تتغابى انت بعد وش  دخل ام الدجاجة لحين؟
رائد: انا قايل لكم ذا مب بصاحي
خالد : سياف دور له  حل
سياف: خالد انا عن نفسي منجلط اكثر عنكم ولو تبون صدق شكلي اخر حاجه بسجنه مع الدجاج خلهم يعدلون كتله الغباء الي في راسه
متعب : سياف جرحتني ذا وانا احبك ياحيوان
سياف عطى متعب نظره وقال  : وش يقلبي من الحيوان؟
متعب :  سمعتم قال لي قلبي
خالد : لا تتحمس ترا قالها بنبره تهديد يالغبي
رائد : متعب مركز على اهدافه ماشاءالله
سعود : خل عنكم وش بنتعشى اليوم
الحريم كانو يناظرون ويضحكون بصمت
سياف انتبه لوجود الحريم وتذكر انهم موجودين معهم وتنحنح حتى الباقي ينتبهون على وجودهم
الهنوف بضحكه : خلوهم انا والبنات بنسوي لكم العشى
خالد : هنوف والله اني احبش  
رائد حضن الهنوف وهو يقول : يازين توامتي ياناس
دخلت الهنوف ووديان يحضرون العشى والباقي جلسو تنوف عرفتهم على اعتام  انها صديقتها المقربه وتعتبرها اختها 
اعتام ركزت في سعود  وقالت : شفتك اليوم انا صح؟
سعود ناظر فيها وهو ياشر على نفسه: تقصديني ؟
اعتام : ايه في السوبر ماركت الصباح
سياف وخالد ورائد ومتعب ناظرو سعود وهم مب فاهمين شي وكان نفس الموضوع بنسبا لتنوف وهتان
سعود وهو يتذكر: اها عرفتش
سياف ناظر سعود وهو مب فاهم سعود  ناظر سياف وقال له : قلت لك وش حصل صباح
سياف وهو يتذكر: اها سبحان الله من كان يتخيل انها تطلع صديقه تنوف
خالد : وش قالك وليه نحن ماندري ؟
تنوف : شسالفه؟
سعود : لا ابد بس اليوم