ပြန်လိုချင်တယ်
အပိုင်း (17)
ခင်သက်မှာ ပန်းအိနှင့်ကောင်းခန့်တို့အား ဒီနေ့ဆိုင်ကိုပြန်လာဖြစ်မည်မဟုတ်တော့တာကြောင့် ညနေအလုပ်ဆင်းချိန်ရောက်လျှင်တံခါးတွေသေချာပိတ်ပြီးပြန်ကြဖို့မှာထားခဲ့ရသည်။
စိုင်းခမ်းစစ်ဟာ ကားပေါ်သို့ဆွဲမတင်ရုံတမည်ခေါ်လာတာမို့ ခင်သက်လည်းကားပေါ်ရောက်မှပဲသက်ပြင်းချနိုင်တော့သည်။ သူကတော့ ခင်သက်ရဲ့ကားကိုသူ့ကားလို့သဘောထားပြီးမောင်းနေတာဖြစ်သည်။
"ရှေ့နားက Mini Market မှာရပ်ပေးနော် ငါဘာမှမဝယ်ပဲလူချည်းသွားလို့တော့မဖြစ်ဘူး "
"အင်းပါ "
ခင်သက်ရပ်ခိုင်းသော Mini Market ရှေ့မှာ သူကကားရပ်ပေးတော့ခင်သက် ကပိုက်ဆံအိတ်ကိုင်ပြီးကားပေါ်ကနေဆင်းသွားခဲ့သည်။
"လိုက်မလာနဲ့နော် မကြာဘူး"
"အင်းပါဆို"
စိုင်းခမ်းစစ်ကစိတ်ချရတာမဟုတ်လို့ ခင်သက်မှာ ဆိုင်ထဲမဝင်ခင်လှည့်ကြည့်ရသေးသည်။
စိုင်းခမ်းစစ် ကားပေါ်ကနေ သီချင်းလေးခပ်တိုးတိုးဖွင့်ပြီးစောင့်နေခဲ့တာ ၁၅ မိနစ်လောက်ထိအထဲကနေထွက်မလာသေးသောကြောင့် ကားမှန်ချပြီး သူမဝင်သွားတဲ့ Mini Market ဘက်သို့ မျှော်ကြည့်နေရသည်။
🎵Take me back 'cause I wanna stay
Save your tears for another
Save your tears for another day
Save your tears for another day 🎵
The Weeknd ရဲ့ Save your tears သီချင်းကို ခပ်တိုးတိုးငြီးရင်း Mini Market ထဲကထွက်လာတဲ့လူတွေကိုတစ်ယောက်ချင်းလိုက်ကြည့်နေခဲ့သော စိုင်းခမ်းစစ်သည် ချက်ချင်းပဲကားထဲကနေပြေးထွက်လာခဲ့သည်။ အကြောင်းအရင်းကတော့ ခင်သက်ဟာ လက်နှစ်ဖက်လုံးအိတ်အထုပ်ပေါင်းများစွာကြီးငယ်ဆွဲလာသောကြောင့်ဖြစ်သည်။ ခင်သက်ရဲ့ဘယ်ဘက်လက်ထဲက သစ်သီးတွေထည့်ထားသောအထုပ်အလေးကြီးကို စိုင်းခမ်းစစ်လှမ်းယူလိုက်ပြီး ညာဘက်ကလက်ထဲကအမေနဲ့ပူတူတူးတို့ကြိုက်တတ်သည့်မုန့်မျိုးစုံနှင့် မမမာလာချက်စားနေကျအသင့်လုပ်စားရတဲ့မာလာရှမ်းကောအထုပ်တွေပါတဲ့ ကြွပ်ကြွပ်အိတ်ကိုလည်း သူပဲသယ်ယူလေသည်။
YOU ARE READING
ပြန်လိုချင်တယ် (Completed) OC
Romance"မင်း အဲ့သလောက် တိုနှံ့နှံ့လေးတွေဝတ်ပြီး ပွတ်သီးပွတ်သပ်လုပ်ပြရတာကြိုက်နေလား" "ကြိုက်တယ် ကျွန်မဟာကျွန်မကြိုက်လို့ ဝတ်တယ်ဘာဖြစ်လဲ!" "အေး...အဲ့တာဆိုရင် ချွတ်စမ်း...မင်းယောက်ျားငါ ဒီမှာထိုင်ကြည့်မယ် ချွတ်...ခုချွတ်!" Mautre on Uni/Zawgyi "မင္း အဲ့သေလာက...