ပြန်လိုချင်တယ်
အပိုင်း (27)
ခင်သက် အိပ်ပျော်တစ်ချက်မပျော်တစ်ချက်နဲ့သူ့ဘေးကနေကားလိုက်စီးလာတာအခုဆိုတော်တော်ခရီးပေါက်နေလောက်ပြီ။ နာရီတစ်ချက်ကြည့်တော့လည်းမနက်၆နာရီရှိနေပြီဖြစ်သည်။
"ရှင်ဘယ်ကိုသွားနေလို့အခုထိမရောက်သေးတာလဲ မိုးတောင်လင်းနေပြီ"
ခင်သက်မနေနိုင်ဘဲသူ့ကိုမေးလိုက်တော့သည်။ သူကတော့ကားမောင်းရတာကိုပဲတက်ကြွနေသယောင်ခင်သက်မေးတာကိုလည်းပေါ့ပေါ့ပါးပါးပြန်ဖြေသည်။
"မူဆယ်!"
"ဘာရယ်...ဘာပြောတယ်!"
"မူဆယ်သွားမလို့"
သူ စောနက သီချင်းတွေလိုက်ဆိုနေကတည်းကခင်သက်ရိပ်မိခဲ့ရမှာဖြစ်သည်။ မစဥ်းစားလိုက်မိတဲ့ကိုယ့်ကိုယ်ကိုယ်ပဲအပြစ်တင်မိသည်။
"ရှင်ရူးနေသလား ကိုနေပိုင်ထွဋ် ကျွန်မတို့ဟန်းနီးမွန်းထွက်လာတာမဟုတ်ဘူးနော်အလုပ်နဲ့လာတာ မူဆယ်အထိဆို မနက်ဖြန်တောင်ပြန်ရောက်ဖို့မသေချာဘူးဒီညပွဲရှိတယ်!"
"ထားခဲ့လိုက်ကွာ ကိုယ်မင်းကိုအေးဆေးအနားယူစေချင်လို့ ဘာဖြစ်လဲအဲ့ဒီပွဲကမင်းမလာလို့လည်းပျက်သွားမှာမှမဟုတ်တာ ကိုယ့်ယောက်ျားနဲ့အချိန်ရှိတုန်းလေအတူပျော်ပျော်နေစမ်းပါ"
"မရဘူး.. ကျွန်မဒီပွဲကိုတက်ပါ့မယ်လို့ကတိပေးထားတာ "
"ဘယ်သူ့ကိုလဲ စိုင်းခမ်းစစ်ကိုလား! "
နေပိုင်ထွဋ်ကခင်သက်ကိုလှည့်ကြည့်ပြီးမေးလိုက်တော့ခင်သက်ဒေါသထွက်စွာနဲ့သူ့ကိုအံကြိတ်လျှက်ကြည့်နေသည်။
"အဲ့ဒီကောင်ကိုကတိပေးထားတော့လည်းဘာဖြစ်လဲ ဒီနေ့မလာနိုင်တော့ဘူးပွဲမတက်ဖြစ်ဘူး ငါ့ယောက်ျားနဲ့မူဆယ်ကိုTripဆက်သွားလို့ လို့ပြောလိုက်ပေါ့"
"ရှင်တော်တော်မကောင်းတာပဲကိုနေပိုင်ထွဋ် ကျွန်မဒီပွဲအတွက်အားလုံးပြင်ဆင်လာခဲ့တာ အခုအလကားဖြစ်ကုန်ပြီ ကျွန်မရှင့်ကိုမုန်းလိုက်တာမုန်းလိုက်တာ!"
ခင်သက်တအားစိတ်တွေတိုလာတာမို့လို့ လူလည်ကျလွန်းတဲ့နေပိုင်ထွဋ်အား ကားမောင်းနေတဲ့လက်မောင်းကြီးကိုသူမလက်သီးဆုပ်ကလေးများဖြင့်အတင်းထုရိုက်ပစ်လိုက်သည်။
YOU ARE READING
ပြန်လိုချင်တယ် (Completed) OC
Romance"မင်း အဲ့သလောက် တိုနှံ့နှံ့လေးတွေဝတ်ပြီး ပွတ်သီးပွတ်သပ်လုပ်ပြရတာကြိုက်နေလား" "ကြိုက်တယ် ကျွန်မဟာကျွန်မကြိုက်လို့ ဝတ်တယ်ဘာဖြစ်လဲ!" "အေး...အဲ့တာဆိုရင် ချွတ်စမ်း...မင်းယောက်ျားငါ ဒီမှာထိုင်ကြည့်မယ် ချွတ်...ခုချွတ်!" Mautre on Uni/Zawgyi "မင္း အဲ့သေလာက...
