فاتنة الزعيم السادي ♡بالدارجة♡

الجزء 1

فاتنــة الزعيــم الســادي 🍁
الجزء 1
بقلم :: نسرين أبدوني✍️

في إحدى الليالي الممطرة كانت هازة مظلتها وتتجري باش تقطع وفيدها الثانية مجموعة من الكتب سقط واحد من كتبها بدون مترد البال وأخيرا وصلات الحافلة للي كانت شويا وغتمشي عليها أقفلت مظلتها ووصعدت للحافلة مدات يدها جبدات الفلوس تاع الخلاص ومداتهم السائق وخدات من عندو الورقة ورجعات الخلف جلسات وتتسوس في حوايجها ودايرة ليزياتها هزات إحدى كتبها للي مدة وهي بادياه واليوم قررات تقرى جزء منو فخوض قرائتها لفتو نظرها كلمات للي حسات أنهم كيعنيوها

❞ و لأنهم خذلوك يا قلبي فإنك لن تثق بأحد
وستظل طويلاً تعادي كل من يحاول الاقتراب منك. ❝

تنهدات وحلات حقيبتها جبدات قلم أطرات هاد الجملة بالضبط وقفلات الكتاب للي كان تحت عنوان أنت كل أشيائي الجميلة هزات أشيائها ونزلات من الحافلة بعدما فتحات مظلتها وإنطلقت لبيتها للي مكانش بعيد بزاف

في سيارة كلها سوداء كان سائقها رجل ثلاتيني واقف عند الإشارة الحمراء للمرور والمطر ممخليش من جهدو كان تيتسنى وقتاش تغير الإشارة تا لمحها بشعرها الحريري للي قدر يلمحو رغم مظلتها وركضها المستمر ووقوع كتابها تفاصيل للي قدر يلمحهم رغم سرعة مرورها هبط من سيارتو بدون مظلة ومكانش حاس بالمطر للي فوقو ومحاسش أنو فزݣ تحنى خدا كتابها ولحسن حضو وسوء حضها كان كتاب ذكرياتها وكاتباها بالخط العريض مدكراتي لا يحق لأحد غيري لمسها بدا الكلاكسون وفاق من سهوتها دار تيقلب عليها لكن إختفت في لمح البصر بسرعة توجه السيارتو ركب ونطالق

وصلت لبيتها تقدمت حلات الباب كان منزل فحي هادئ حطات مظلتها في مكانها وحيدات سباردري تاعها عاد تمات داخل تتحيد فتجاكيط تاعها وقفات مسمرة فاش لمحات بنت تكون في الواحد والعشرين جالسة في الصالة خنزرات وبان الإنزعاج على ملامحها رمات تجاكيط ودارت عندها

البنت::تنضن مخاصكش تدخلي بدون إذني زيادة كيف دخلتي وأنا معاطياكش الساروت أجُلنار
جُلنار::سَديم نتي عارفة أنك كلما تجاهلتيني كلما أصريت على القدوم وليكن في علمك كانت الخدامة الخاصة بمنزلك كانت هنا وهي للي فتحاتلي
سديم::واخا مزيان سالا وقتها تاهي
جلنار::حشومة تقطعي رزقها على أي ماشي هذا موضوعنا أنا جيت على حاجة أخرى

سديم خلاتها بلاما تجاوبها ومشات الكوزينة تتقاد قهوة تبعاتها جلنار وجلسات في الفوطويات للي تم

سديم::آش باغا جيني من اللخر
جلنار(تنهدات)::عرسي بعد شهر وفهاد فأواخر الشهر يعني فاش غيتبقى أسبوع خاص نمشيو المنطقة الكبيرة في الريف غير منطقتنا على ود الأصول والتقاليد زيادة راجلي هو أخ الزعيم تما
سديم(هزات قهوتها وجلسات مقابلة معاها وتتشوف بعيد)::لا مغنمشيش
جلنار(عينيها غرغرو)::مغتحضريش العرسي رغم أني أختك صغيرة والوحيدة
سديم(محطاتش عينيها فوجه ختها هزات كتابها فتحاتو)::زواجك ماشي زواج بل هلاك وصفقة دارها باباك وباعك فأنا متدخلونيش فهاد التمتيلة
جلنار::لا ماشي صفقة بل واجب وأنا قابلة وبابا مرمانيش ونتي أدرى بهادشي
سديم::ونتي أدرى بآخر مرة تزوجت وحدة فينا من تما شنو وقع الريف والزعامة هي آخر حاجة نفكر نكسر مبادئي على قبلها
جلنار(وقفات معصبة)::متبقايش تربطي كلشي بيها هي بغات وهي مشات برجلها الموت والهلاك تاحد مهز عليها السيف نتي غالطة بزاف أسديم وغتندمي وهاد الوقت للي جلستي هنا وبعدتي على مَّا وبَّا تاهو غتندمي عليه