فاتنة الزعيم السادي ♡بالدارجة♡

الجزء 8

فاتنــة الزعيــم الســادي 🍁
الجزء 22       
بقلم :: نسرين أبدوني✍️

عند جلنار

طريق كلها وهي تبكي تا وصلو المطار وأيهم غا ساكت مخليها على راحتها ولكن مللي بانتلو وصلو ومزال على حالها تنهد وخرج من الطموبيل ودار جيهتها حل الباب وجلس قرفصاء قدامها وشاد يدها بزوج وتيمسح دموعها

أيهم::دبا علاش تتبكي همم راه غنرجعو ونديك عندهم وفينما تبغي تشوفيهم غا قوليها ليا ديك الساع نديك تشوفيهم ولا نجيبهم عندك طيبتي عينك براكا
جلنار::هنن عمري تفرقت عليهم ممولفاش أنا ماشي بحال سديم للي عندها عادي تبعد أنا كنت مدللتهم وحتى قرايتي قريتها جنبهم

حل ليها الحزام ونزلها عنقها تيطبطب عليها ويواسيها تا سكتات عاد جرو ليڤاليز وطلعو الطائرة ونطالقو الوجهتهم

أصبحنا وأصبح الملك لله 🍁

حلات عينيها وحاسة بشي حاجة مكتفاها نزلات عينيها لقاتو ماعسها راسو فاق صدرها ويدو ضامها بيهم ورجليه وحدة مخشية تحت رجليها وحدة فوقهم بغات تحرك وعاد مزاد كرز عليها تنهدات بعصبية كتكره للي ياخد مساحتها فأي حاجة حتى ولو كان هو ولكن بالضبط فهاد اللحضة حسات بمعدتها ضراتها بزاف زادت كمشات وجهها وخنزرات كثر من الأول وتفكرات آخر حاجة البارح وتفكرات الخصام دونك علاش مخشي فيها عاود تحركات وبعنف هاد المرة تا حل عين وحدة مخنزر فيها هي غا شافت تخزيرتو تفافات لكن دفعات الجبهة كعادتها

محمد::مالك خليني نعس

دفعاتو وهاد الحركة معجباتوش ووقفات مخنزرة فيه غافلة على نفسها آش لابسة

سديم(بكل هدوء وتخنزيرتها مزال على محياها)::آخر مرة تتطفل على مكاني كنكره للي يخللي مكانو ويجي يتخشى فيا تنتخنق تا حد معندو الحق يتخشى فحضني غيرها كنحدرك أأغا
محمد(حس بحالا قمعاتو وناض تاهو مخنزر وشدها من دراعها معصب)::كيفاش وااش ناسية معامن تتهضري ولا شنو وشكون عندو فيك الحق غيري يااااا سديييم
سديم(نترات يدها منو وزاحت قناع البرود وغوتات فوجهو)::ماااشي سوووقك شكووون ومتبقاااش تقرب صوبي ومناسياش شكووون عاقلة أنك أغا وعاقلة أنك زوجي ولكن نتا للي معاقلش أن زواج فقط صفقة على ود خووتنا فخليك بعيد كنحدرك تقرب صوبي أو تطفل على مكاني وتضمني لك تاحد معندو الحق غيرها واااخا

زاد تعصب وعينيه تعماو مبقى تيشوف والو قدامو وهنا بانت الشخصية للي شحال وهو تيحاول يخبيها عليها بلا شعور هز يدو تا هزها ونزل عليها تا طاحت الأرض مصدومة وجنب فمها دايز بالدم ومع كان دمها سخون خرج تيجري جرها بعنف من شعرها تا وقفات وقابل عينو مع عينيها مغدد