فاتنة الزعيم السادي ♡بالدارجة♡

الجزء 26

فاتنــة الزعيــم الســادي 🍁
الجزء 77       
بقلم :: نسرين أبدوني✍️

ياسمين :مكتحشميش نتي تتقوليلي صدعتيني(شافت ولدها وهي تبدا تنزل فدموعها)وأنا أبنتي تنسولك غا على حالتك علاش غوتي عليا انا راني بحال مك ياحصرة

شافت فيها سديم بصدمة ولكن غا سمعات صوتو فهمات الأمر خنزرات وطلع معاها القالب

محمد::آش واقع هنا

عند محمد

خرج دوز اتصال الدكتور رضى

محمد::ألو دكتور سديم اليوم .....(عاودلو شنو وقع ليها)قرابت نصف ساعة عاد هضرات معايا وتمشات وخا تيبان فوجهها الإرهاق
رضى(بتوتر) :مسيو محمد تنضن الورم بدا يتطور مبغيتش نعطي أحكام لكن هاد الأعراض تدل على تضخمه خاص استئصال بشكل عاجل قبل متوصل الأمور لا تحمد عقباها

محمد:خودلي موعد غنسافر باش دير العملية مبقيتش غنتسنى أكثر

رضى:د:جيبها غدا ندير ليها التحاليل تاع الدم نشوف واش نزلات ديك المادة من دمها

محمد: واخا
رضى(بتوتر):بغيت نسولك
محمد:تفضل دكتور

رضى:واش نزل ليها الدم من نيفها ولا مزال

محمد:لا مزال علاش

رضى:جيبها دبا لأنه بعد شنو وقع خاص الدم ينزل وإلا ممكن تنزف داخليا وتدخل فغيبوبة
محمد:فااااك (ضرب يديه مع الحيط ) أنا غنجيبها دبا

قطع مع رضى ودخل خايف ومتوتر نيشان دخل مع هضرت مو

محمد:آش واقع هنا

ياسمين(تتنخصص):مرتك سولتها غا كيف بقات واش نجيبلها دوا تاع الراس دارت فيا قالتلي سكتي ضريتيني فراسي

أية:(باغا تزند الطرح) حشومة علك أسديم بكيتي خالتي

وقفات سديم بالزربة مفقوصة ووخا شداتها الدوخة تبتات راسها

سديم :شوفي أديك عود السبسي من صباح وأنا صابرة بربي ومتفوتيني تنوريك دوبل فاص تاعي

يالله غيهضر محمد تا شدات سديم فنيفها والدوخة حيات بيها جاتها مجهدة لدرجة رجعات باللور شويا مطيح شقمها بانلو الدم خرج  مسرسب من نيوفها عينو

محمد::سديم هووف

هزها وخنزر فأية ووجه ليها كلامو

محمد: نتي حسابي معاك هو التالي باش توللي تدخلي سوق جواك

طلع بمرتو البيت بغا يهز ليها راسها الفوق وحبساتو