فاتنة الزعيم السادي ♡بالدارجة♡

الجزء 29

فاتنــة الزعيــم الســادي 🍁
الجزء 86       
بقلم :: نسرين أبدوني✍️

عند ياسمين

نزلو بالخف خرجو من الرياض حطوها في الكراسة اللور سرحوها وخلاوها ركبو القدام وكسيرات صاحبة الخاتم

صاحبة الخاتم:غنمشيو الدار للي قريبة الخلا عرفتيها
ياسمين:قولي ديك الدار المهجورة ناري غتخليها على تبن
صاحبة الخاتم:مالها بقات فك

ياسمين:ماشي قدية بقات فيا وإنما تتبقى تتجيني

صاحبة الخاتم(هزات حاجب):بغيت غانفهم شنو تتجيك

ياسمين::ماشي سوقك نهار حصلتك نتي وعلي تتخطو جيت نخطط معاكم فخللي الأمر هوكا
صاحبة الخاتم:أحسن يبقى هوكا وصلنا

وقفو ونزلو بزوجات تيتناقشو برا

ياسمين:شوفي مغنهزهاش تال تم ضهري تقسم
صاحبة الخاتم:تانا بحالك بانلي نمشي نجيب شي حاجة تدفع ياك
ياسمين::تقدر تكون في ديك الدار المهجورة راه باقا عاقلة نهار جيت مع الأغاوات يشوفو هاد الأرض كانت هاديك للي تيهزو فيها شعير عرفتيها

صاحبة الخاتم::واش الكَارُّو
ياسمين:: اه هو
صاحبة الخاتم:(كمشات عينيها ) لى حسب هضرتك راك قريبة من الأغاوات حيت ميمكنش تعتبي معاهم لمكنتيش مقربة ليهم وعندك مكانة مرموقة

ياسمين:تماما ونفس الشي بالنسبة لك ميمكنش تعرفي هاد الشي لمكنتيش من مكانة مرموقة

صاحبة الخاتم(تأفأفات):شنو غنديرو بيها دبا محمد غيلاحظ غيابها(السيدة مزال معارفاش بللي لاحظو😂)

ياسمين::ومن بعد أنا غنلقالو كدبة نتي ديها دبا وقاديها وجيبي للي ينعس معاها أنا متأكدة محمد لعرف غيقتلها بلاما يسمع منها

صاحبة الخاتم:جيبي نتي الكارو وأنا نديها
ياسمين:واخا

دارت صاحبة الخاتم تشوف فالطوموبيل تا شهقات

صاحبة الخاتم:أويلي أويلي
ياسمين:مالك

ضارت تاهي وشهقت

عند سديم

في طريق تتسمع هضرة بعيدة تتحل عينيها بزز راسها مدوخ فيها نعاس غريب تتحس بأطرافها مخدرين مقدراتش تسمع مزيان شنو تيقولو لكن من خلال آخر جمل قالو فهمات أنها مخطوفة بانولها نزلو بلتاماتهم شافت تاني الخاتم مخفاش عليها من آخر مرة شافتو عرفاتو وعرفات أنها نفسها للي شافت في الرياض آخر مرة فاش داروها طاحت
هنا فهمات أن كلشي مدبر حاولات تنوض تتحس مزال بالدوخة بحكم أنها دكتورة عرفات أنهم مخدرينها خبطات رجلها وقرصات يدها مرداتش البال الريش للي تنتف بقوة مقرصات تا حسات براسها شويا توكضات حلات الباب بشوية حطات رجلها الحفيانين شافت فيهم بانولها لاهين مع الهضرة وهي تدخل الداك الخلا تتحاول تشد فروحها لكن الدوخة حاكماها تتجري فحال السكران وتطيح وتنوض
البيجامة للي كانت في الغوز ولات في القهوي دخلات بين الشجيرات تتحاول تخبى منهم بانولها تيقلبو تا سمعو صوت محمد وهربو وهي خرجات عندو تتعكز وحالتها حالة