فاتنة الزعيم السادي ♡بالدارجة♡

الجزء 19

فاتنــة الزعيــم الســادي 🍁
الجزء 56       
بقلم :: نسرين أبدوني✍️

عند محمد

غير خرج من لوبيطال مشا البحر مقدرش مزال يدوز الشركة وقف طموبيلتو جهة البحر ونزل تكا عليها تيشوف في الماج

محمد::كيفاش غنقولهالك أسديم كيفاش نقولك السر للي حميتك منو سنين وللي بسبابو كنتي غتموتي شحال من مرة غا حفض الله وفقدتي الداكرة أنا مغنقول التاحد العملية وتانتي مغنخليكش تقوليهالهم(جبد من جيبو دواء القلب الخاص بيها)خبيتو علك أحياتي حيت خاص نعرف شنو فيه

خشاه فجيبو وركب مكسيري المركز التحاليل دخل عطاهم دوا قراوه وجبدو الحبات

الفرملية::مسيو هذا دواء القلب
محمد::عارف لكن بغيت التحاليل الغبرة للي داخل الكينة بغيت نعرف شحال نسبة النيكوتين فيها
الفرملية(باستغراب)::لكن دواء القلب تيكون خالي من النيكوتين

حلات الفنيدة وحطات الغبرة للي فيها الداخل في محلول حركات مزيان ودخلاتها التحاليل

الفرملية::مسيو ساعة ويخرج التقرير
محمد::أك أنا غنتسنى هنا

مشا جلس تيتسنى في الساعة الدوز

مر ساعة وجات عندو الفرملية مداتلو التحليلة خرج ركب فسيارتو وحلها وصورها وسيفطها الدكتور رضى ممرش بزاف الوقت تا عيطلو رضى

رضى::محمد نسبة النيكوتين طااالعة بالزاف دوا للي داخل الحبة لا علاقة ليه بدوا القلب وإنما حسب التحاليل فإنه دواء الصرع ممزوج بمخدرات يعني الدكتورة سديم شربات السم وهو أول سبب خلا الورم يتكون
محمد::كيفاش
رضى::خاص العملية تكون في اللخر تاع شهر وعلى حسب التحليل الأوليين ليها كانت نسبة النيكوتين ولكن مطالعاش بزاف لهذا غتدوز تاخد دوا*** غتدݣو ليها مدة سيمانة غتلاحظ تصرفاتها الغريبة بحالا غا تقطع لأنها عندها نسبة من الإدمان واخا المخدرات مكانتش بنسبة كبيرة للي تخليها تدخل المصحة لكن ضروري غيضرها راسها ومع دوا للي غتعطيها باش تخلص من السموم غتزيد تعاني حيت تيألم غا صبر وصافي
محمد::واخا دكتور بسلامة

قطع معاه وشد راسو حاس بالدنيا ضارت بيه

محمد::علاش دارو لك هوكا علاش ياربي علاش

صونا تيلي تاعو كانت سديم جاوبها

سديم::أهيئ 😭محمد
محمد::مالك شنو واقع دوي
سديم::دوايا ملقيتوش غنتسطى جيبو قلبي تينغزني عفاك راه فيا السخفة
محند(بلع ريقة)::أنا جاي

قطع معاها وكسيرا العندها

عند سديم