فاتنة الزعيم السادي ♡بالدارجة♡

الجزء 12

فاتنــة الزعيــم الســادي 🍁
الجزء 34       
بقلم :: نسرين أبدوني✍️

سديم::محمد عمرك بغيتي شي حد
محمد::بصراحة فايت باغي وحدة قبل ست سنين وباقي كنبغيها لحد الآن
سديم(حسات بوخزة فقلبها لكن تجاهلاتها)::همم مزيان علاش متزوجتيهاش واش على ود الأعراف
محمد(تيشوف فعينيها)::لا نساتني
سديم::هه ويلي على نساتك واعرة هادي واش بنت شي أغا
محمد::فداك الوقت مكناش تنفكرو فالتقاليد وكنا مستعدين نهربو بزوج لكن وقع مالم يكن في الحسبان ونساتني ونسات جميع تفاصيل حبنا بقيت غير أنا وسط دكرياتنا وهي بقات عايشة كأنني عمري كنت فحياتها
سديم::صعيبة علك بزاف بازلك كون منك منبقاش نبغيها
محمد(جرها تكاها على كتفو ويدو تيلعب فيها بشعرها)::بغيت نساها وحاولت حتى أنني يسحابلي نسيتها وبانت قدامي من جديد ومن غبائي عاودت بغيتها وعرفت أني عمري نسيتها فحياتي
سديم::صعيبة بزاف عمرك فكرتي تمشي عندها وتعاود ليها شنو عشتو
محمد::لا حيت عاهدت دارهم أني منقربش صوبها خوفا عليها
سديم::بازلك والله لتفكراتك وبغيتي ترجع ليها مستاعدة نطلق منك باش تزوجها
محمد(بتاسم نصف إبتسامة)::عمري غنطلقك غا رتاحي نتي عمرك بغيتي شي حد
سديم(شافت فيه وتاهو نزل راسو عندها)::بصراحة لا معمري عرفت إحساس الحب حتى أنني معارفاش باش تيحس بنادم خاص ضروري ندير مجهود باش نحس
محمد(باستغراب)::علاش
سديم::إحم يمكن حيت خايفة شي حد يهرسني يمكن وصافي ولكن ديما تنحس أن شي حاجة ناقصاني معرفتش شناهي يمكن توحشت ختي
محمد(تنهد)::همم ولا تقدري تكوني غا تتخايلي أن شي حاجة ناقصاك واش عمرك كنتي فعلاقة مع شي حد
سديم(بثقة)::لا كنت ديما تنحاول نبعد على رجال علاش معرفتش

سكتو مدة وكملو تفراجهم هو ساهي وهي ساهية معارفاش واش تقولو ولا تسكت كل ما تتفكر فيه هما شي أحلام كانو تيجيوها فيهم وجه مضبب أما هو كان تيفكر في حبو وفعلاقتو معاها كيف كانت تا جلسات مقادة وشاف فيه تتفرك فيدها

سديم::دبا بصراحة مبغيتش نكون كدابة حيت معارفاش واش حلم ولا حقيقة هو أنا معاقلاش أنني كنت فعلاقة لكن كانو تيجيوني أحلام فيهم أنا فوسط الكلية للي كنت تنقرى فيها وحدايا شي حد وجههو مضبب وتيضحك معايا وتانا كنكون فرحانة وكان تيرمي عليا الورد ويعنقني فاش كنت تنفيق قلبي تيبقى يضرب بالجهد ومتنعرفش واش حلم ولا حقيقة دازت فحياتي ونسيتها
محمد(إبتاسم)::تقدري تكوني غا تتحلمي بشي حاجة ناقصاك
سديم::اه تانا هادشي للي قلت ولكن عرفتي الحلم كأنه واقع والله
محمد::هه وشكون بحالك تتحلمي بحاجة زوينة
سديم::هه شحال دبا مبقيت حلمت بوالو من فاش تزوجنا

عند رقية

كانت فبيتها وتدوي أبيل ڤيديو مع رجل

الرجل::الڤيديو للي سيفطتيلي واش بصح
رقية(بمياعة)::هه علاه فين عمري كدبت علك أحبيبو
الرجل::مزيانة ليا دبا غيكترو أعداءو كثر ومرتو شنو ردها فهادشي
رقية(بحقد)::مرتو داير ليها كيف البخانسيس ميغوت عليها ميضربها هي الكل في الكل ولكن باين ولا طايح فيها
الرجل::لاهو تيمثل عليها متأكد حيت عمرو يبغي شي وحدة من غيرها كون ما التقاليد ميخليهاش
رقية::شكون هادي للي كلكم عارفينها وأنا لا
الرجل::هي حبيبتو فأيام القراية وكان غيهرب هو وياها لكن طرا شي أمر وتفارقو بمرة دبا هادي غا مبزينها عليه متأكد ولكن حيت عرضو وشرفو فا مستحيل يخليها تهان فا نتي ضربي على هاد الجانبة وحاولي تخصري صورتها وهو بيدو غيلوحها البرا