فاتنة الزعيم السادي ♡بالدارجة♡

الجزء 28

فاتنــة الزعيــم الســادي 🍁
الجزء 83
بقلم :: نسرين أبدوني✍️

عند أيهم

وصلو الرياض نزلو ضاحكين ومشادين كانت مو في ااصالة هي وأية وتسنيم دخلو سلمو عليهم وجلسو جنب بعض

أية:أيهم بغيت شي حوايج ديني الكازا عفاك(قربات تترمش فيه عينيها)

أيهم(بعد بإحراج واضح):ها جلنار تديك لبغات تمشي الكازا ولا شوفي مع محمد أنا ممساليش(يالله غتزيد تدوي وهو يوقف منساحب)غنمشي عند محمد نسولو على شي خدمة فين هو؟

ياسمين:فبيتو سير البيرو أنا غنكلمو لك زهووور زهوور
أيهم(اوما ليها) :واخا أنا مشيت

زهور:نعام ألالة
ياسمين:طلعي كلمي محمد الخوه قولو تيتسناه فبيروه
زهور:واخا ألالة

طلعات دقات تسنات تواني تفتح الباب

محمد كان غارق فخدمتو تا تدق الباب رفع راسو شاف الوقت عاد ناض حل الباب

محمد::نعام
زهور::أغا محمد الآغا أيهم تيتسناك في البيرو

محمد(هز حاجب) :لاش

زهور::معرفتش

محمد(تنهد) :واخا سيري أنا نازل عندو

مشات وهو دخل عند سديم تيفيق فيها ووالو بقا معاها تا بزز حلات عينيها

محمد:غنزل التحت شويا ونرجع منتعطلش بقاي ترتاحي واخا
سديم:همم

باسها وهز ملفاتو ونزل البيرو دخل لقا خوه تيتسناه جلس فمكانو

محمد:واش شي أمر طارئ؟

أيهم:اه لاحظت بعض الإختلاسات في الوراق للي سيفطتيلي تاع شركتك نتا ومعتصم

محمد(حك دقنو)::همم عرفتي شكون

أيهم::لا مزال تنبحت

محمد::عيطتي المعتصم

أيهم::اه ووصيتو يرد بالو قالي غيحضيهم
محمد::اك مزيان

كملو حديتهم في الخدمة وجبدو تا الملفات تيخدمو عليهم وقضايا الريف وعقابهم تا تحل الباب كانت زهور وجهها صفر رفع فيها محمد راسو مخنزر حيت قطعات إجتماعهم

محمد::آش كاين وآش هاد الدخلة

عند جلنار

غير طلع راجلها ناضت تاهي منساحبة مافيها للي يسمع شي هضرة وتا ياسمين مقالت والو لأنه راسها عامر ومن مصلحتها تطلع جلنار ... بقات جالسة فغرفتها ملات وهي تعيط الزهور طلعات عندها