فاتنة الزعيم السادي ♡بالدارجة♡

الجزء 21

فاتنــة الزعيــم الســادي 🍁
الجزء 62
بقلم :: نسرين أبدوني✍️

كمل ليها اللبس ولبس تاهو وجرها نازلو وطلعو الخدامات يجمعو ركب فسيارتو وجاو ليكارد قادو ليفاليز ونطالق محمد مكسيري وسديم ساقلة فاش حسات بيه معصب بزاف حطات يدها على يدو وهو شاف فيها

سديم::تهدن كلشي تيتحل بالعقل
محمد::هانا مهدن
سديم::رخف فك النفس

وقف طموبيل وحل ليها السمطة وجرها جلسها قدامو وخشاها في حضنو تيقبل فروة رأسها وتاهي مبادلاه العناق واخا حاسة بشي حاجة في شكل كأنه تيعطيها القوة دبا ماشي تياخد القوة

محمد::أنا معاك وغنبقى معاك ديما
سديم::أنا جنبك وعمري نطلق يدك

قالت هاد الهضرة وهي قدامها دكرى لشي حد تيقولها نفس الهضرة وتتجاوبو بهاد الهضرة مقدراتش تسول شنو واقع وعلاش تتحس أن هادشي فايتة عيشاه حيت الوضع غير مناسب

بقاو مدة تا جا المحمد اتصال أن الطائرة واجدة عاد رجعها البلاصتها وقادلها الحزام وكسيرا وصلو المطار وطلعو الطائرتهم ونطالقو عندهم سبعة السوايع باش يوصلو غا استقرات الطائرة في سما وهو ينوض ونوضها البيت تكاو وداتهم عينيهم مناعسينش ودبا راه وصلات الزوج ونص يعني غيوصلو المغرب مع تمنية ونص تاع صباح

أصبحنا وأصبح الملك لله 🌤

فاق محمد على طرقات الباب شاف فالساعة عرف قربو ينزلو لقا سديم مخشية فيه بتاسم وقادها وناض حل الباب

المضيفة::مسيو خاصكم تشدو بليصكم الطائرة غتنزل
محمد::اك

قرب تيفيق في سديم وهي تتزيد تمخشش فيه ومناوياش تفيق هزها وخرج جلسها فمكانها وهز شاد راسها باش ميطيحش قادها الحزام عاد جلس جنبها وتكا راسها عليه وقادليه تاهو الحزام وصلات الطائرة وسديم مزالها في سبات هز راسها بشوية وحل الحزام عاد حل ليها حزام وقرب حط راسها على صدرو وهزها وتم نازل والمضيفات وراه نزلو لي فاليز سديم غا ضرب فيها الغربي وهي تحل عينيها

سديم::همم وصلنا
محمد::اه

نزلها بشوية وشد فيدها وجر ليفاليز خارج من المطار غير خرجو لقاو الشيفور تيتسناهم خدا ليفاليز وهوما طلعو اللور عاد الشيفور نطالق مسافة طريق ورجعات سديم لسباتها وباش كملاتها تكات على فخضو ونعست بعد ساعات وصلو الكازا وبالضبط المشفى الخاص بسديم وقفات الطموبيل ومحمد حط يدو على راس سديم تيدوز على شعرها باش تفيق

محمد::سديم

زادت خشات وجهها في كرشو وتتمخشش ويدها عنقاتو بيها مساخياش