فاتنة الزعيم السادي ♡بالدارجة♡

الجزء 25

فاتنــة الزعيــم الســادي 🍁
الجزء 74       
بقلم :: نسرين أبدوني✍️

سديم :(حققات فالملف كتدوي)  الحمد الله على سلامتك نقزتيها وتا راسك مدة شهر ويطيحو غراز (حطاتو وشافت فيها)كيفاش طحتي

راوية: (طولات الشوفة في مصطفى عاد بلعات ريقها):طحت بالغلط زلقت

سديم(شافت فيها بريبة):غندير راسي تيقتك على اي  نقدرو نخرجوك اليوما غتمشيو معانا

مصطفى:لا جايين عمامك وعماتك عندنا إدن غنمشيو الرياض تاعنا

سكتات سديم وخلات مها تقرر

جلنار::كون أبابا مشيتو معانا احسن

راوية(تتشوف فمصطفى بنص عين)::لا غنمشيو الرياض حسن ليا

أيهم:متشوفي باس أخالتي غنمشي نجيب الطموبيل نقربها المشفى

راوية:واخا أولدي

خرج أيهم وناضو الدريات تيعاونو مهم جاب ليها مصطفى كرسي متحرك جلسوها فيه ... جلنار هزات ليزار للي تم حطاتو فوق رجلين راوية

محمد:غنسبقكم برا خالتي الله يشافيك

راوية(تبسمات ليه) :لهلا يوريك باس أولدي

خرج تواني ودفع مصطفى مرتو وخرجو .... عاد تمشاو البنات وراهم كلها فاش تتفكر ...
جلنار في حريرتها مع راجلها وسديم فكترينا للي جاتها مألوفة

عند محمد

بكترة العصاب للي فيه مقدرش يبقى معاهم وخرج يكمي كارو هو ممبليش ومتيكميش شحال هذا حبسو كان بداه فاش تخلات عليه سديم ونساتو ومن بعد تقربو من الله مبقاش كما
دبا خرجاتو على طوعو مشا شرا بكية وجا تيكمي مزال مكسونطري مع كاروه تا وقفات عليه أية مبتاسمة وفي هده اللقطة وقف أيهم الطموبيل وجا عندهم

أية:محمد صافا(وقف أيهم)حبيبو أيهم صافا

أيهم(بإحراج):ختي أية لباس راه غنمشيو دبا

محمد كمل الكمية تاعو ممسوقش الحضورها وهي بدات تتكحب زعما خنقها الساعة ماحاشاه ليها حد فهاد الوقت خرج مصطفى فيدو الكرسي للي فيه مرتو وتابعينهم البنات

جلنار:سديم شفتيها هايا شوفي كيف واقفة معاهم وتتكحب أجي محمد تيكمي
سديم(هزات عينيها فيهم بعدما كانت ساهية):دايرا كي عود السبسي ومحمد يمكن حيت معصب تيكمي وخا راه مخاصوش يكمي زيدي قدامي

تقدمو بسرعة وقفو عليهم أما مصطفى هز مرتو قادها فطموبيلة أيهم لأن أيهم مسدهاش حيت قريب ليها ... جمع الكرسي حطو في الكوفر وتخشى تاهو جنب مرتو