فاتنة الزعيم السادي ♡بالدارجة♡

الجزء 3

فاتنــة الزعيــم الســادي 🍁
الجزء 7       
بقلم :: نسرين أبدوني✍️

عند سديم
دوزات يومها في الخدمة ووصل وقتها ورجعات الدار جمعاتها بحكم مكيناش الفام دميناج عاد طيبات ليها وطلعات دوشات حيدات العرق ولبسات بيجامة بيتية سروال والفوق تاعو وشعرها دارتو إسفنجة وهبطات كلات وهزات بيسيها وكلي وجلسات في الصالة برونشات الكلي للي كانت فيه الكاغط ميمواغ تاع الكميرة للي سجلات بيها محادتتها مع للي نصبو عليها وقادات إيميل تاع وحدة من الشركات المعروفين بنقل الأخبار عاد بدات تتكتب موضوع وصحباتو بالڤيديو وقبل متسيفطو حطات يدها على دقنها وتدوي مع نفسها

سديم::نسيفط ولا بلاش نتسنى نسيفط هوووف

مزال فخوض تفكيرها تا سمعات الدقان والسونيط ناضت تحل وقفات تتقول شكون ووالو بسرعة طلعات البيتها هزات الفردي كيفاش تتعرف ليه هي بنت أغا أول حاجة تتعلم ليها هي سلاح هبطات وخباتو خلف ضهرها عاد حلات ويدها تتقيس سلاح اللور غا شافتو ونزلات يدها وحالة فمها

سديم::آش جابك هنا ومنين جبتي عنواني

دفعها ودخل بشوية عليه ممسوقش جلس فكرسيها وهي تبعاتو مخنزرة ووقفات عليه مربعة يدها

سديم::آش جابك عندي وآش هاد الوقاحة داخل بدون إذن
محمد(بسخرية)::تعلمتها منك ولا نسيتي دخولك المكتبي بدون إذني
سديم::نفهم التعامل بالمثل
محمد::اه وشنو تتوقعي مني همم(شاف فالبيسي وخرج عينيه وبسرعة مسح البوسط)عطيتينا 24 ساعة أدكتورة شفتك متتعرفيش تحسبي
سديم::طفرتيه دبا فاش مسحتيه زعما نعاود نكتبو ونسيفط عادي وبالنسبة الوقت أنا ومزاجي فتندير للي تنقولو وللي متنقولوش و24 ساعة سالات عندي في الوقت للي قررت أنا دبا برا
محمد::براكا متزربي وجلسي هنينا راه اللي نصبو علك تنتسنى الدليل وغيدخلو نيشان الحبس المهم هذا(حطلها كلي)فيه ݣاع شنو كان فالكاغط ميمواغ تاعك حليت تيلي نجبدها لكن لقيتها تعجنات هذا لاش دخلت السيستيم وجبدت كلشي (جبد تيلي وحطو)وهذا أول دفعة خرجات فهاد الإختراع قاديتلك فيه الكاغط سيم وهو كتعويض مني لشنو وقع فالشركة

وقف وقبل متجاوبو زرب عليها وخرج فحالو سد الباب وشد قلبو

محمد::اخخ لو مكنتيش حرام عليا لو كان غيكون حاجة أخرى نأدبك بيها أباندتي

بتاسم ومشا فحالو أما هي خرج وعضات على شفايفها معصبة متتحملش للي يخربق ليها شي حاجة مخططا ليها هزات تيلي قلباتو عجبها وحلات الكلي هزات الكاغط ميمواغ وركباتها فيه ودخلات نيت الملفات والصور لقات كلشي كيف كان وجلسات كملات خدمتها

««««««تسريع الأحداث»»»»»»           

مرو أيام ومحمد رجع الريف بعدما حل المشكل فشركتو وشد صاحبو شويا فصحتو باش يتكلف بباقي الأمور وعرف من رجالو أن البنت للي كان باغي يحمي شي حد عاونها وسافرات البرا فرح حيت على الأقل تعتقات من يدهم لكن مزال تيقلب على شكون عاونها وعلاش عاونها وملقى والو أما سديم فطول هاد المدة وهي غا فخدمتها الروتينية وكتوبتها مكينش جديد من غير لاحظات أن هيثم ولا تيحاول يتقرب أكثر من قبل ولكن فكل مرة تتزيد تصدو