فاتنــة الزعيــم الســادي 🍁
الجزء 116
بقلم :: نسرين أبدوني✍️
أيهم::علاش فينك نتا بعدا
محمد::أنا حاليا مسافر سديم دارت عملية لراسها متقول والو العائلة لبغيتي تقولها المرتك معليش المهم دير شنو قلتلك من بعد وغنعاود نعيطلك
أيهم::واخا
محمد::قبل من نسى دوز الدار تاع سديم ياك عاقل عليها
أيهم::اه عاقل
محمد::تحت الطابي غتلقى الساروت خودو ودخل غطلع البيت تاعنا قلبلي على واحد الكاغط ميموار طاحتلي داك نهار تما فيها واحد بروجي الشركة تاخد الكاغط ميموار خبيها
أيهم::علاش منعطيهاش المعتصم ياك شريكك
محمد(بحدة)::لا خبيها تتعطيها ليا أنا
أيهم::واخا فهمت
قطع معاه محمد وعيط المصطفى علمو وقطع عليه بدون ميشرحلو علاش ولا كيفاش
رجع بيسيه البلاصتو نزل من الأوطيل فطر ومشا المشفى دخل عند طبيب قالو نفس شنو قال رضى خلاه يشوفها دخل عندها كانت فايقة تتشوف فسقف جلس جنبها
محمد::حبيبة
سديم(دورات غا عينيها أما راسها مقادراش تحركو)::همم جيتي
محمد(هز يدها قبلها)::واش تعطلت علك
سديم::لا عاد فقت راسي تيحرقني دقولي غا دبا مهدئ تنحس بللي منمل
محمد::غير مع العملية شويا ومتبقايش تألمي
سديم::عيت والله
محمد::أنا معاك رتاحي دبا
سديم::لا مباغاش نعس
محمد::أنا غنبقى حداك غا رتاحي
مجوباتوش غمضات عينيها مشات فسبات المهدئ للي عطاوها قوي باش متبقاش تفكر وترتاح لأنه حاليا كلما فكرات كلما صعيب تصح
عند أيهم
قطع مع خوه دار شاف فمرتو مخنزر
أيهم(طلع فيها ونزل)::هزي كاغط ناسيونال ويالله محمد قال ختك دارت عملية خاص تانتي ديري شي تحاليل
جلنار(بصدمة)::أويلي علاش معلمناش إنا مشفى ختي مسكينة شنو وقعلها
أيهم::مكيناش هنا دارتها برا مقاليش فين
جلنار(شدات من يدو)::علاش مسولتيهش عيط سولو
أيهم(نفض يدو من يدها متيشوفش في وجهها)::كون بغا غيقولي هو مبغاش دبا سربينا يالله معنديش وقت
جلنار(عينيها دازو بدموع)::دبا مالك شنو درتلك
أيهم(شاف فيها شوفة تاع القتيلة)::مدرتي والو نتيا ضريفة خبز ربي فطبكو أنا للي ولد الحرام غا عطيني التساع
جلنار::لكن البارح
أيهم(قاطعها)::معاقلش نااسي أنا دبا تهزي يالله
نزل تاهي هزات لا كارط وتبعاتو تتمسح دموعها طلاقات مع أية في دروج مدواتهاش لكن أية لاحظات كيفاش مباعدين عرفاتهم مزال مخاصمين خرجو بلاما يفطرو داها الكازا فطرو عاد مشا المشفى
دخلات دارت التحاليل بقا تيتسناها تا خرجات لمح مها وباها جايين عندهم
VOUS LISEZ
فاتنة الزعيم السادي ♡بالدارجة♡
Roman d'amour" كم قبلة تكفيكي كي تكوني تحت تأتير حبي ؟ وكيف أقاومك ورياح أنفاسك وحدها تجبرني على إحتضانك بدون وعيي " 🍁•••••• بقلمي __نسرين أبدوني••••••🍁 #عدنااا #من_جدييد 🙋🏻♀️ و هاد المرة بشي حاجة سپيسيال .. قصة غاتطير نعاسكم ، و...
