فاتنة الزعيم السادي ♡بالدارجة♡

الجزء 37

فاتنــة الزعيــم الســادي 🍁
الجزء 110       
بقلم :: نسرين أبدوني✍️

عبد الله::نعام
عبد العزيز:: عبد الله حضر دبا فلوبيطال *** موصيبة ووقعت سربي راه ياسمين ديناها معانا وعاد شدينا طريق

قطع معاه بعد منها عبد الله بسرعة وبدون ميهضرها نزلات من فوق السيارة تبعاتو لكن كان  ركب وكسيرا مخللي وراه غا العجاج خلاها غتهبل ضربات رجلها مع الأرض

سعاد::الله يغبرها حرماتها عليا تفو زهر المخري هو هذا

جمعات بيسيها ووراقها حطاتهم فسيارتها ركبات نيشان الرياض دخلات لقا حد مكين يالله غتطلع سمعات توحويح استغربت تبعات الصوت وصلات الغرفة الخدم كان الباب مبسم شويا طلات بانلها مصطفى ناعس مع أسماء بقات حاضياهم مصدومة بانلها طلع سروالو هضرتهم صدماتها غير بانلها خارج طلعات تجري البيتها دخلات وسدات الباب بقات تدور فبيتها معارفاش شنو دير تقولها الختها ولا لا فين هي ختها هزات تيلي دوزات نمرة راويا تواني وجوبتها

سعاد::فينك
راوية::أنا جيت نتلقى البابا راه اليوم هبط المغرب قاد شي وراق قلت نبقى معاه اليوم حيت غدا غيرجع سول علك قلتلو راك مشغولة بزاف
سعاد::اه راوية
راوية::نعام باغا تقولي شي حاجة
سعاد(سكتات مدة عاد دوات)::والو ردي البال الراسك بسلامة

قطعات معاها وجلسات معصبة دوزات العبد الله تيصوني تا تيعيا ويتقطع رمات الطالو من رجلها تكات فبلاصتها تتخمم

عند أسماء

كانت فالكوزينة خدامة تا دخلات عليها راوية مقادة الحالة

راوية::أنا عندي شي شغال عيطت ديجا المصطفى علمتو لهذا نتي منبغيش كمارتك فالدار حطي الغدا وغبري وجك بما أن كاع الخدامات إجازة اليوم فا تنتي خودي إجازتك اليوم وغبري  كيف دارو
أسماء::لكن ألالة معندي عندمن نمشي
راوية::مسوقيش أنا مكيناش دونك خرجي

مشات وخلاتها غا تخبط في السربيتات بفقصة طلات عليها بانتلها مشات عاد رتاحت رجعات تكمل شقاها ناويا تكمل دخل البيت للي عاطينها متخرجش مقادة على صداع مدهية في شقاها تا حسات بيدين ضارو حول خصرها قفزت لكن فاش دوا فودنها تهدنت

عند مصطفى

كان فخدمتو بحكم مكينش عبد الله كلشي عليه داز الوقت تا عيطاتلو راوية علماتو أنها غتمشي عند باها قطع معاها ورجع الرياض زربان عارف مغيكون حد من غيرها دخل يتسلت بشويا بانتلو فالكوزينة عاطياه بظهر مشا وراها وعنقها باسها فعنقها بوسة دافية وحنينة

مصطفى::غير أنا توحشتك

دارت عندو يدو دايرين على خصرها