فاتنة الزعيم السادي ♡بالدارجة♡

الجزء 30

فاتنــة الزعيــم الســادي 🍁
الجزء 89       
بقلم :: نسرين أبدوني✍️

محمد:سربي فحصيها ردات بزاف

قربات تتقيس نبضها عبرات ليها الطونسيو عاد دارتها البيل على عينيها

كترينا:معندها والو من غير ناعسة تنضن أن تعطاها منوم لا غير

محمد:(باستجواب) مالها مفاقتش

كترينا:يقدر المنوم باقي شاد فيها

مزال تتهضر تا سمعو روايض تحكو دخل مصطفى ساخط ناض محمد من جنبها ووقف قدام مصطفى

محمد::أغا راه...

سكت إثر تصرفيقة للي عطاه مصطفى ضغط على فكو وقبضة يديه عاد هز راسو فمصطفى الكل شهق عبد الله قرب وقف بيناتهم هو وأيهم

عبد الله:أغا شنو تدير واش تسطيتي

مصطفى::راه نتوما للي غتسطيوني واش أنا عاطيكم بناتي لب قلبي ونتوما وحدة سيفطتوهالي القبر والثانية يخطفوها من الدار ودبا جايبها سخفانة وحالتها

أيهم:(تدخل) تهدن راه سديم بيخير

مصطفى:سككككت نتا.... بناااتي مشيطينش عليا نخليهم عندكم دبا غنديهم

دفعهم وتم جاي العند سديم ناوي يهزها ويديها

محمد(وقفلو في طريق)::أغا مصطفى خليني محتارمك مرتي مغتمشي فين ومغتزعزعش من حدايا

مصطفى(مكشكش):بنتي هاديك معطيتهاش لك تمرمدها ندمت حق الله تا ندمت نضرتي اللولة علك كانت صحيحة ومكانش خاص نسمع لراوية كان خاص نبعدها علك كيف درت المرة اللولة بنتي شرعية مخاصهاش ولد غير شرعي

شهقو البنات مصدومين من شنو خرج مصطفى وقفات ياسمين بغضب

ياسمين:منسمحلكش سمعتي.... حسب شنو تتخرج

عبد الله:آش وصلنا الهاد الماصل أغا مصطفى

محمد وصل لدروتو وزاد غضب فوق غضب ولا خايف يدو تفلت لأنه هاد الموضوع بالضبط كان ديما تيحاول يتجنبو لأنه وراه سر ضرو بزاف

سديم غير جا باها كانت بدات تتحل عينيها شافت تسرفيقة ولكن كانت مزال ديخا مقدرات دير والو غير تتشوف سمعات كلشي وجاها فلاش فدماغها

♡فلاش باك♡

في الكوخ كان محمد تيخبط كلشي قدامو وباينة بللي في قمة غضبو