فاتنة الزعيم السادي ♡بالدارجة♡

الجزء 15

فاتنــة الزعيــم الســادي 🍁
الجزء 44       
بقلم :: نسرين أبدوني✍️

جر مرتو ومشاو خرجو ركبو ونطالقو المول ياخدو ليها حوايج أما محمد زول البلاطو من قدامها وحطو في الطابلة عاد جا جلس جنبها وتاهي معارضاتوش كحزت شويا حلاتلو فين يجلس وتكات على صدرو وهو تيلعب بشعرها وتيفكر

محمد::سديم
سديم::همم
محمد::كيفاش طحتي
سديم(بلعات ريقها)::معرت معاقلاش مزيان
محمد::واخا سديم واش عمرك درتي لادروݣ ولا الݣارو
سديم(هزات فيه راسها باستغراب)::علاش غنديرهم وأنا دكتورة وماشي فصالحي هادشي
محمد::همم واخا واش تتشربي شي دوا؟!
سديم::علاش هاد الأسئلة اه تنشرب دوا تاع الراس حيت عندي واحد الورم وتنشرب دوا تاع القلب
محمد::هممم
سديم::القلب من صغري وأنا تنشرب دوا حيت تيجيوني نوبات هلع وتيوقعلي تشنج في العروقة تاع القلب الشيء للي تيخليني نتصاب بدبحة قلبية
محمد::عارف رتاحي شويا بينما جاو
سديم::محمد
محمد::همم
سديم::واش تتيق في هيثم
محمد::متنتيق في تا شي حد من غيرك نتي علاش هاد السؤال
سديم::غا سولت حيت متنرتاحش ليه بزاف
محمد::علاش فين عمرك رتاحيتي لشي حد
سديم::ياااك
محمد::ايييه

عند أيهم
وصلو المول ودخلو مشادين نيشان البلاصة تاع الحوايج
أيهم::غنجلس في الكافي للي تم ياك أحبيبة تتكملي الشريان وجي عندي معنديش مع الضوران
جلنار::واخا مغنتعطلش

مشا هو الكافي جلس شافتو فين عاد دخلت المحل تاع الحوايج ختارت للي غيناسب ختها وستايلها خلصت ووراها دازت السباطة شرات للي غيجي مع الكسوة خلصات وخرجات اتاجهات فبن كاين راجلها كلما قربت تتوسع عينيها بانتلها وحدة سلمات بالوجه على راجلها وجلسات في كرسي وهو غا تيشوف وقفات عليهم جلنار مخنورة وهو يوقف أيهم قبل خدها وهز من عندها ساشيات

أيهم::أجي أحبيبة جلسي تاخدي شي حاجة
جلنار(مخنزرة)::لا يالله نمشيو
البنت::اووه هادي مرتك السلام
جلنار(تجاهلات وجودها)::أنا سبقتك البرا

خرجات وخلاتو تيشوف

البنت::أوعدي مالها بحالا مشافتنيش
أيهم::أية راه غتكون غا معرفاتكش
أية::علاش معودتيش ليها عليا
أيهم::نخليك دبا مرتي تتسنى

خلاها ومشى بقات تتميق فيهم بزوج

أية::إيوا غانسالي شغالاتي ونجي نجلس المكم على قلبكم ولمخليتهاش تبكي الدم منتسماش أية القوقة البومبة أحح قلبي توحشت داكشي همم

أيهم خرج لقاها واقفة جيت الطموبيل حلها وهي تطلع منفخة حط لي ساشي اللور وطلع قاد سمطتو وبدا سايݣ وداوي معاها وهي ممعبراهش