3
"မင်း ဟိုနေ့တွေကဘာလို့အိမ်ပြန်မလာတာလဲ
ကိုခန့်"တိတ်ဆိတ်နေသည့်လေထုကိုနွယ်ကပင်စတင်ဖြိုခွင်းလိုက်သည်။
"ကျွန်တော် အလုပ်တွေများနေလို့ပါ"
"မင်းလုပ်နေတာ private hospitalလေ အဲ့လောက်အလုပ်များစရာလိုလို့လား ပြီးတော့အဲ့ဆေးရုံမှာ ပါပါးပြီးရင် မင်းက ဒုတိယအကြီးဆုံးပဲကို မင်းnight dutyဆင်းစရာလည်းလိုတာမဟုတ်ဘူး"
နွယ်တို့ကတရုတ်ဆက်တွေဖြစ်၍နွယ်ပါပါးဟုခေါ်ခြင်းဖြစ်သည်။
နွယ့် အဖေက private hospitalထောင်ထားကာ သားငယ်ဖြစ်သောမျိုးခန့်ပိုင်ကို အစိုးရဆေးရုံတွင် မလုပ်စေဘဲ သူ့ဆေးရုံတွင်သာကူညီကွပ်ကဲစေခဲ့ခြင်းကြောင့်သူ့ခြေလှမ်းတွေကိုနွယ်ရိပ်စားမိနေခြင်း။"မမ ကျွန်တော့ကိုရစ်နေတာလား"
"ရစ်တာမဟုတ်ဘူး မေးသင့်လို့မေးတာ ငါဖုန်းဆက်လည်းမင်းမှမကိုင်တာ"
"ကျစ် ကျွန်တော် မအားဘူးဆိုမအားလို့ပေါ့ဗျာ"
မျိုးခန့်ပိုင် စိတ်မရှည်ဟန်ဖြင့်စုတ်တစ်ချက်သတ်ကာ နွယ့်အားပြန်ဖြေတော့"မင်း တစ်ခုခုလုပ်မယ်ဆို ပါပါးနဲ့မားမား မျက်နှာကိုတော့ထောက်ပါ"
"ဟာ မမကလည်းဗျာ တွေးချင်တာတွေလျှောက်တွေးနေပြီး"
"မင်း ဇာတ်ရှုပ်တွေကို ငါမသိဘူးမထင်နဲ့ ငါဆေးရုံကလူတွေကိုလှမ်းမေးပြီးပြီ မင်းဆေးရုံမလာတာ၂ရက်ရှိပြီတဲ့"
"ဪ ခင်ဗျားတို့ကကျုပ်ကိုတစ်ချိန်လုံးစောင့်
ကြည့်နေတာပေါ့ ဟား အင်းပေါ့လေ ငါဆိုတဲ့ကောင်ကလည်း မိဘနဲ့ အစ်မပံ့ပိုးသမျှထိုင်စားနေရတဲ့ကောင်ဆိုတော့ ဒီလောက်ကတော့ခံရမှာပေါ့"
မျိုးခန့်ပိုင်အသံကဒေါသသံပါလာပြီး မောင့်မျက်လုံးတွေနီလာတာမြင်တော့ နွယ် နည်းနည်းလန့်မိတာတော့အမှန်။
သို့သော် နွယ်ဟာ အကြီးဖြစ်၍ ကိုယ့်မောင်ကိုယ်
ကြောက်သောမိန်းမတော့မဖြစ်ချင်ပါ။
သူမတွင်လည်းမာနလေးကရှိသေးသည်။
YOU ARE READING
နွယ့်ကိုချစ်ဖို့မွေးဖွားလာပါတယ်(completed)
Short Story"ဒီလူသားဟာနွယ့်ကိုချစ်ဖို့မွေးဖွားလာတာပါနွယ်" "ဒီလိုဆို ဟောဒီကနွယ်ကလည်း သော်တာပြည့်ဖြိုးဆိုတဲ့လူသားလေးဆီမှာအချစ်ခံဖို့မွေးဖွားလာတာပါရှင့်"