"နင့်နှလုံးကပုံမှန်ပါပဲဟဲ့ သွေးပေါင်တွေဘာတွေအကုန်ကောင်းပါတယ်"
ဒေါက်တာမြကနားကြပ်ကို အိတ်ထဲထည့်ရင်းပြောလိုက်၏။
"မသိဘူး နေ့လည်ကရင်ဘတ်ထဲ ဒုန်းဒုန်းဒုန်းဒုန်း.ဖြစ်လာလို့"
"ဘယ်လိုမျိုးတုန်း"
နွယ် ပြတင်းပေါက်သို့ မျက်နှာမူ၍ သူမရင်ဘတ်ကိုကိုင်ရင်းဒေါက်တာမြအမေးကို
"မသိပါဘူး မျက်နှာတစ်ခုလုံးပူသလိုဖြစ်လာပြီးအရမ်းရင်တွေတုန်နေတာ မောတာလည်းမဟုတ်ဘူး"
"ကြည့်ရတာ အပျိုကြီးရင်ခုန်လာတာများလား"
ဒေါက်တာမြက နွယ့်နဖူးလေးကိုလက်ညှိုးဖြင့်ထိုးကာနောက်လိုက်ရာ
"အို ပေါက်ကရ မြရယ် ငါ့အသက်အရွယ်က ရင်ခုန်စရာလား"
"ပြောမရဘူးလေ အချစ်မှာအသက်အရွယ်မရှိဘူး အပျိုကြီးရဲ့"
"မဖြစ်နိုင်တာ မြရယ် ငါအဲ့လိုရင်မခုန်တတ်ပါဘူး ယောကျ်ားတွေကိုလည်းအရမ်းစိတ်ကုန်တယ်"
"အင်း...ဟုတ်ပါပြီ အပျိုကြီးရယ် ဒါနဲ့ နင်ခုလုပ်နေတဲ့ကျောင်းမှာက မိန်းကလေးများတယ်နော် ခုခေတ်ကလည်းသိတယ်မလား တော်ကြာအပျိုကြီး.မိန်းမရလာဦးမယ်"
"ရှင်နော် ပေါက်ကရတွေ"
နွယ် က မျက်မှောင်လေးကြုံ့ကာ ဒေါက်တာမြကို ဖွဖွလေးလှမ်းရိုက်၏။
နွယ်တို့၂ယောက်မှာငယ်သူငယ်ချင်းများဖြစ်ကြပြီး ခုချိန်ထိအချစ်ဆုံးသူငယ်ချင်းများ။
နွယ်နှင့်မြ ၂ယောက်လုံးမှာစာတော်သူများဖြစ်သော်ညား နွယ်၁၀တန်းတွင် မိဘများကဆရာဝန်ဖြစ်စေချင်သည်ဆို၍ အသည်းအသန်ကြိုးစားရာ အအိပ်အစားမမှန်သဖြင့် စာမေးပွဲခန်းတွင်မူးလဲကာ ဆရာဝန်လိုင်းနှင့်လွဲချော်ခဲ့ရသည်။
နွယ်ဘွဲ့ရပြီးတော့ မိဘများကအသိလုပ်ငန်းရှင်၁ယောက်၏သားနှင့်ဆက်ပေးပြီး စေ့စပ်ကာနီးတွင် ထိုသူကအခြားအမျိုးသမီး၁ဦးကို ခိုးပြေးသွားသည်။
YOU ARE READING
နွယ့်ကိုချစ်ဖို့မွေးဖွားလာပါတယ်(completed)
Short Story"ဒီလူသားဟာနွယ့်ကိုချစ်ဖို့မွေးဖွားလာတာပါနွယ်" "ဒီလိုဆို ဟောဒီကနွယ်ကလည်း သော်တာပြည့်ဖြိုးဆိုတဲ့လူသားလေးဆီမှာအချစ်ခံဖို့မွေးဖွားလာတာပါရှင့်"
