4
ဖြိုး စနေ တနင်္ဂနွေနေ့တိုင်း အိမ်ကလာကြိုသဖြင့် သူမပဲခူးပြန်ရောက်နေခြင်းဖြစ်သည်။
လူကသာပဲခူးမှာ စိတ်ကတွင်နွယ့်ထံတွင်သာရှိနေတာအမှန်။
(နွယ် နေလို့မှကောင်းရဲ့လား)
"သမီးလေး စားမကောင်းလို့လား"
ထမင်းပန်းကန်ကိုဇွန်းဖြင့်မွှေနေသော ဖြိုးကိုသူမ
အမေကမေးလိုက်တော့
"ရှင် မ မဟုတ်ပါဘူး မေကြီးလက်ရာက ကမ္ဘာပေါ်မှာအကောင်းဆုံးပဲကို"
မျက်လုံးမှေးမှေးလေး၂လုံးကိုမှိတ်သွားသည့်တိုင်ရယ်ပြီးလက်မထောင်ပြလာသော ဖြိုး ခေါင်းလေးကိုဒေါ်ယုကေသွယ်က ပွတ်ကာ
"ကောင်းရင် အများကြီးစား မေကြီးဒါတွေအကုန်သမီးလေးအတွက်ချက်ထားတာ"
"အင်း အင်း မြှောက်ပေးနေတယ် သူ့သမီးကဖြင့် ဖက်တီးဖြစ်တော့မယ်"
"အကို ကလည်း ကလေးကတစ်ပတ်မှတစ်ခါစားရတာ စားပါစေ"
"ဟုတ်ပ ဖေကြီးက အကျင့်ကိုမကောင်းဘူး"
နှုတ်ခမ်းလေးဆူပြီးပြောနေသောဖြိုးကို သူမအဖေက
"နင့်အတွက်ပြောတာ ဝတုတ်ကြီးဖြစ်သွားလို့ ငါ
သားမက်မရဘဲနေဦးမယ်"
"သားမက် ရမရတော့ မသိဘူး သမီးနားမှာကောင်မလေးတွေကတော့ဝိုင်းနေတာပဲသိလား "
"ဟ ငါ့သမီးက အဖေတူပဲ ဖေကြီးလူပျိုတုန်းကလည်း တစ်လမ်းလုံးက မိန်းကလေးတွေကဖေကြီးကိုလိုချင်လို့တစ်ပိုင်းကိုသေနေကြတာ"
"ဪ ရှင်ကဂုဏ်ယူနေတယ်ပေါ့"
"မဟုတ်ပါဘူး ယုရယ် အကိုက ယု တစ်ယောက်တည်းကိုပဲချစ်ခဲ့တာပါ"
"ဒီည အောက်ထပ်မှာအိပ်"
"ဟာ မလုပ်ပါနဲ့ကွာ အကိုကစတာပါ"
"ဒါဆို ဖေကြီးက အောက်ကဆိုဖာမှာအိပ်လိုက်နော် သမီးက မေကြီးနဲ့အိပ်လိုက်မယ်"
"နင့် အမေကစိတ်ဆိုးလို့ပြောတာ ညကျရင် သူငါနဲ့ပဲအိပ်မှာ ဟုတ်တယ်နော် ယု အကိုမရှိဘဲအိပ်တတ်လို့လား"
YOU ARE READING
နွယ့်ကိုချစ်ဖို့မွေးဖွားလာပါတယ်(completed)
Short Story"ဒီလူသားဟာနွယ့်ကိုချစ်ဖို့မွေးဖွားလာတာပါနွယ်" "ဒီလိုဆို ဟောဒီကနွယ်ကလည်း သော်တာပြည့်ဖြိုးဆိုတဲ့လူသားလေးဆီမှာအချစ်ခံဖို့မွေးဖွားလာတာပါရှင့်"
