heart of hell
ក្ដុក! នាយតូចទម្លាក់ដបស្រាដែលប្រឡាក់ដាមទៅដោយឈាម រាងកាយគេចាប់ផ្ដេីមញ័រចំប្រក់ ទឹកភ្នែកក៏ហូរប្រណាំង តេីខ្លួនបានធ្វេីអ្វីខ្លះទៅ ? ជុងហ្គុកកំពុងតែមានរបួសដោយសារស្នាដៃគេ
" ហឹកៗ សុំទោស..." ថេហ្យុងឈ្ងោកមុខយំខ្សឹកខ្សួលដកដណ្ដេីមមិនដល់គ្នា គេគ្មានចេតនាធ្វេីឲ្យមានរឿងបែបនេះលេីជុងហ្គុកទេ គេស្រឡាញ់ប្រុសម្នាក់នេះហេីយ ប៉ុន្តែទោះជាយ៉ាងនេះគេមិនអាចគ្រប់គ្រងសតិខ្លួនឯងបានប៉ុណ្ណោះ ។
កម្លោះអាល់ហ្វាញញឹមស្ងួតបន្ទិចនាយគ្មានចងចិត្តខឹងឬចង់បន្ទោសថេហ្យុងនោះឡេីយ គ្រប់យ៉ាងដែលថេហ្យុងធ្វេីនាយដឹងច្បាស់ពីដេីមហេតុដែលធ្លាប់កេីតឡេីង ចំពោះថេហ្យុង ទេីបបន្តមានភាពភ័យខ្លាចរហូតដល់ពេលនេះ ។
"មិនអីទេៗ អូនមិនបានខុសឈប់យំទៅ " ជុងហ្គុកទាញថេហ្យុងមកឱបដៃលេីកបបោសអង្អែលក្បាលរាងតូចត្រដុសចុះឡេីង ចំណែកថេហ្យុងកាន់តែយំ "សុំទោស.. បងឈឺទេ ? " ថេហ្យុងពិនិត្យកន្លែងក្បាលដែលបែក វាមានឈាមស្រក់ហូរប្រឡាក់ពេញផ្ទៃមុខ
"អត់ទេ មិនបានឈឺសូម្បីបន្ទិចកុំបារម្ភអី " នាយដឹងថាថេហ្យុងប្រាកដជាបារម្ភនិងបន្ទោសខ្លួនឯង តែវាពិតជាធម្មតាពិតមែន របួសប៉ុនណឹងជារបួសសេីរស្បែក
" នេះឬជាមូលហេតុដែលបងមិនដែលឲ្យខ្ញុំឃេីញរាងកាយ? "
" ស្អែកបងនឹងទៅលុបវា មិនឲ្យអូនភ័យខ្លាចជាមួយបងទេ "
" ទេជុងហ្គុក! ខ្ញុំមិនបានភ័យខ្លាចជាមួយស្នាមសាក់ទេ ប៉ុន្តែនៅពេលខ្ញុំឃេីញវា ខួរក្បាលតែងតែចាប់គិតដល់មនុស្សម្នាក់ ពួកគេ..ពួកគេសម្លាប់គ្រួសាររបស់ខ្ញុំ ហឹកៗ ខ្ញុំខ្លាចណាស់.. " " ឈប់គិតពីរឿងនោះទេ មានបងនៅទីនេះបងមិនឲ្យអ្នកណាធ្វេីបាបអូនទេ ជឿចិត្តលេីបង ថាប្រុសម្នាក់នេះនឹងការពារអូនដល់ដង្ហើមចុងក្រោយ "
" ហឹម ខ្ញុំជឿជាក់លេីបង "
ពួកគេឱបគ្នាម្នាក់ៗរំភេីបនឹងពាក្យសម្ដីគ្នាទៅវិញទៅមក ថេហ្យុងកាន់តែមានទំនុកចិត្តថាខ្លួនអាចផ្ដល់ក្ដីស្រឡាញ់ទាំងអស់ដល់ជុងហ្គុក ព្រោះគេបានស្រឡាញ់នាយបាត់មុខលែងបានទៅហេីយ ។
ជុងហ្គុកបានដឹងតាំងពីដេីម ថាថេហ្យុងស្អប់ខ្ពេីមស្នាមសាក់ណាស់ព្រោះគ្រួសាររបស់គេធ្លាប់ត្រូវបាន ពួកអ្នកលេងធ្វេីបាបជាន់ឈ្លី មេីលងាយ រហូតធ្វេីឲ្យឪពុកថេហ្យុងស្លាប់ ។ ថេហ្យុងចាំមិនដែលភ្លេចនូវទិដ្ឋភាពថ្ងៃចុងក្រោយ ដែលពួកគេសម្លាប់ឪពុករបស់ខ្លួន ស្ដាយណាស់ដែលមិនអាចចំណាំមុខឃាតករបាន ។