អ្នកជាឪពុកថ្មីថ្មោងនាំគ្នាគាំងយោបល់និយាយអ្វីលែងចេញបានត្រឹមតែសម្ដែងទឹកមុខឆ្ងល់សម្លឹងទៅលោកគ្រូពេទ្យ ។
" នេះជាលទ្ធផលថតអេកូ ហេីយសូមលោកនាំភរិយាមកពិនិត្យតាមដានសុខភាពទារករៀងរាល់1សប្ដាហ៍ម្ដង "បន្ទាប់ពីទទួលបានការណែនាំយ៉ាងច្រេីនពីគ្រូពេទ្យជុងហ្គុកនិងថេហ្យុងនាំគ្នាត្រឡប់មកភូមិគ្រឹះវិញ ។ ថេហ្យុងពិតជារំភេីបណាស់ក្នុងនាមជាអូមេហ្កាម្នាក់ដែលកំពុងតែពពោះកូនខ្លួនឯង ប៉ុន្តែបេីក្រឡេកទៅជុងហ្គុកវិញនាយហាក់ស្ងៀមស្ងាត់ តាំងពីបានទទួលដំណឹងថាថេហ្យុងមានផ្ទៃពោះ ។ អាចទេថានាយ មិនទាន់ចង់បានកូន ?
" ជុង...បងកំពុងតែមិនសប្បាយចិត្តមែនទេ ?" ថេហ្យុងដាច់ចិត្តសួរទៅកាន់អាល់ហ្វាបណ្ដូរចិត្ត ទាំងក្នុងទ្រូងភ័យអរៗ ខ្លាចថានឹងទទួលបានចម្លេីយគ្រោតគ្រាតពីនាយ ។ ថេហ្យុងខ្លាចបំផុត បេីសិនជាជុងហ្គុកមិនបានពេញចិត្តនូវឿងនេះ ហេីយបង្ខំឲ្យយកកូនចេញ
"បងសប្បាយចិត្តណាស់ " នាយងាកមកញញឹមស្រស់មិនសូវសមដាក់ថេហ្យុង អាចឲ្យនាយតូចកត់សម្គាល់បានថាវាគ្រាន់តែជាស្នាមញញឹមក្លែងក្លាយ ក្នុងទ្រូងថេហ្យុងដូចត្រូវគេចាប់ហែកភ្លាមៗ ។
ពួកគេក៏ស្ងាត់ម្ដងទៀត ថេហ្យុងស៊ូងាកមុខទៅម្ខាងសម្លឹងមេីលទេសភាពតាមដងផ្លូវជំនួសវិញ ខណៈដៃតែងលេីកអង្អែលថ្នាក់ថ្នមលេីពោះជានិច្ច គេចង់យំអីបន្ទិចស្របពេលមានកូនចិត្តអាក់អន់លេីនាយ ថេហ្យុងមានការភ័យខ្លាចបេីសិនជាជុងហ្គុកមិនព្រមទទួលស្គាល់កូន ប៉ុន្តែវាមិនមែនជាបញ្ហាធុះដុំឡេីយបេីសិនជាបែបនោះមែន ថេហ្យុងម្នាក់នេះនឹងរ៉ាប់រងម្នាក់ឯងក៏បាន ។ រាងតូចគិតច្រេីនហួស រហូតដល់គេងលក់មិនដឹងខ្លួន មកដល់ភូមិគ្រឹះជុងហ្គុកចាប់លេីកបីប្រពន្ធទៅគេងនៅបន្ទប់ ចាប់ពីពេលនេះទៅនឹងត្រូវឲ្យថេហ្យុងមករស់នៅទីនេះជាមួយខ្លួនហេីយ ព្រោះថេហ្យុងមិនមែនខ្លួនមួយដូចពីមុនឡេីយ ។
បន្ទាប់ពីយកប្រពន្ធក្រៅច្បាប់ទៅឲ្យគេងហេីយនាយចុះមកឲ្យអ្នកបម្រេីចាត់ចែងរឿងម្ហូបអាហារ ដោយខុសប្លែកពីរាល់ដងគឺសម្បូរតែអាហារដែលជំនួយដល់ម្ដាយនិងទារក ។
ទម្រាំតែអាហាររៀបចំរួចរាល់វាដល់ម៉ោងញ៊ាំអាហារពដល់ល្ងាចល្មម។
កម្លោះអាល់ហ្វាមានរិទ្ធអំណាចកំពុងតែអង្គុយលេីពូកក្បែរកាយប្រពន្ធដែលកំពុងតែគេងយ៉ាងស្កប់ស្កល់មិនដឹងថាគេងលក់ស្រួលប៉ុណ្ណាទេ ឃេីញមានស្នាមញញឹមទៀតផង ។ ឃេីញប្រពន្ធតូចមានសេចក្ដីសុខបែបនេះនាយមិនចង់នឹងដាស់សោះ តែឲ្យធ្វេីម៉េចវាដល់ពេលញ៊ាំហេីយបេីយឺតឃេីញថាមិនកេីតទេ ...